මන්දනාගේ නිවසට මැරයන් කඩාවැදුණේ කාගේ උවමනාවටද?

චන්දන සිරිමල්වත්ත
සිදුවීම් සිය ගණනක් වූ පසුවත් විරෝධයක් නැති අපේ රටේ මන්දනා ඉස්මයිල් අබේවික‍්‍රම හා රොමේෂ්ගේ නිවහනට සන්නද්ධ මැරයන් කඩාවැදීම සාමාන්‍යකරණය වී තිබේ. යුද හමුදා සොල්දාදුවන් ලෙස සිටි පිරිසක් විසින් සිදු කළ මේ ‘වික‍්‍රමය’ ගැන පුවත්පත් සාකච්ඡාවකින් හෝ ජනමාධ්‍ය නිවේදනයකින් සෑහීමකට පත් වන්නට බොහෝ දේශපාලන පක්ෂවලටත් සිදුව තිබේ. පොලිස් මාධ්‍ය ප‍්‍රකාශකවරයා සියලූ දෙනාටම පෙර නිවේදනය කළේ මෙය කොල්ලකෑමක් මිස අන්යමක් නොවන බවයි. කිසිවකු ඒ ගැන අදහස් පළ කරන්නට පෙර නියෝග අනුව පොලිසියේ අදහස මෙසේ කියන්නට ඔහුට සිදුව තිබුණා විය හැකිය.

සිදුවීමට සම්බන්ධ හමුදා භටයන් ගැන වෙබ් අඩවිවලින් කල්තියාම ඒ තොරතුරු මුදා හරින ලදී. ඉන්පසුව ඒ තොරතුරු සත්‍ය බව බලධාරීන්ට පිළිගන්නට සිදු විය. අපරාධයක් සිදුව තිබිය දී ඊට සම්බන්ධ චූදිතයන් හසුවී සිටිය දී එකී පුද්ගලයන්ගේ පෞද්ගලික තොරතුරු හෙළිදරව් කරන්නට ඔවුන් අකැමැති වූයේ ඇයිදැයි සැකයකි. හමුදා මාධ්‍ය ප‍්‍රකාශකවරයා බොහෝ ප‍්‍රමාද වී කියා සිටියේ මේ සිදුවීමට සම්බන්ධ සොල්දාදුවන් හමුදාව හැරගොස් බොහෝ කල් බවයි. එයින් අතපිසදා ගන්නට ආරක්ෂක අමාත්‍යාංශයට හැකි යයි කිසිවකු කල්පනා කරනවා විය හැකිය.

දැන් මේ පුවත ගැන මෙරට ජනමාධ්‍යවල ප‍්‍රමාණවත් තොරතුරු පළ වූවාදැයි ගැටලූවක් ඉතිරිව තිබේ. සතිඅන්ත බොහෝ පුවත්පත්වලට එය ආවරණය කරන්නට නොහැකි වූයේ ඒ වන විටත් පුවත්පත් මුද්‍රණය කර අවසන්ව තිබුණු බැවිනි. එහෙත් ඉරිදා බෙදාහරින පුවත්පත්වල ද මේ සිදුවීම ගැන ප‍්‍රමාණවත් අවධානයක් යොමු වූයේ නැත. ඒ නිසාම මෙය තිරය පිටුපස සාකච්ඡුාවකින් යට ගසන්නට නියමිත බව නම් පැහැදිලිය. මින් පෙර ජනමාධ්‍යවේදීන්ට හා ජනමාධ්‍ය වෙත එල්ල වූ ප‍්‍රහාරවල දී සැකකරුවන් කිසිවකු හසුකර ගන්නට අසමත් වූ අවස්ථා සිය ගණනකි. එහෙත් මන්දනාගේ සිදුවීමේ දී කතාව බොහෝ වෙනස්ය. ඒ නිසාම අපි ඒ කතාව කෙටියෙන් ලියා තබන්නෙමු.

බම්බලපිටිය සාන්ත පාවුලූ බාලිකා විදුහලට ආසන්නයේ ඩික්මන් පාරේ පිහිටි නිවස දෙසින් වෙඩි හඬ ඇසුණි. ගැහැනුන් පිරිමින් බියපත්ව විලාප දෙන හඬ නිසා සිය ප‍්‍රදේශයේ සෙසු නිවෙස්වල ජීවත් වූ නාගරිකයෝ බියපත් වූහ. සිදු වන්නේ කුමක්දැයි කුතුහලයට පත් වූහ.

වෙඩිහඬ ඇසුණු නිවසේ ගේට්ටු කණුවේ M.M.ඓස්මඉල්  යනුවෙන් නිවෙස් හිමියාගේ නම සලකුණු කර තිබේ. සන්ඬේ ලීඩර් පුවත්පතේ මාධ්‍යවේදිනියක ලෙස සේවය කරන මන්දනාගේ නිවස එයයි. ඇය සිය ජීවන සහකරු රොමේෂ් සමඟ එම නිවසේ ජීවත් වූවාය.

හරියටම වේලාව කිව නොහැකි නමුත් පසුගිය දා අලූයම 2.00ට පමණ තම කාමරයේ ආගන්තුක කිසිවකු සිටින බවට මන්දනාට දැනුණි. සිය සහකරුවා එවෙලේ නිවසේ නොසිටි නිසා ඇය බියපත් වූවාය. ‘‘කවුද ඔතන?’’ යනුවෙන් ප‍්‍රශ්න කිරීමට ඇය ධෛර්යය උපදවා ගත්තාය.

පිහියක් හා මන්නයක් ගත් දෙදෙනකු ඇය යටත් කරගත්හ. මුහුණුවල ඇස් පමණක් ඉතිරි වන ලෙස ආවරණය කරගෙන සිටි ආගන්තුකයෝ තර්ජනාත්මකව දන්වා සිටියේ කෑ ගැසීමෙන් ඵලක් නොවන බවය. කපා කොටා මරාදමන්නට තරම් වරදක් තමන් කිසිවකුට කර නැති බව විශ්වාස කළ ඇය ඔවුන්ට කීවේ මුදල්, රත්තරන් බඩු වැනි වටිනා සියල්ල ගන්නා ලෙසත් නිවැසියන්ට හිරිහැර නොකරන ලෙසත්ය.

තමන් පැමිණියේ ඇයට සතුරු කෙනෙකුගේ කොන්ත‍්‍රාත්තුවකට බව පවසමින් එවර ආගන්තුකයෝ සුහදව කතා කරන්නට වූහ. ඒ වන විට ඇගේ පියා සහ මව අවදිව සිදු වෙමින් තිබෙන දෙයින් භීතියට පත්ව නිහඬව සිටියහ. ආගන්තුකයන්ගේ නියෝග අනුව මන්දනාට ඇගේ පෞද්ගලික ලිපිගොනු පෙන්වන්නට සිදු විය. මුදල් හා රත්තරන් බඩුවලින් සෑහීමකට පත් නොවී වෙනත් යමක් ඔවුන් සොයන බව ඇය තේරුම් ගෙන තිබිණි. පැය තුනකට ආසන්න කාලයක් ගෙවී ගියේය.

පෙරදින සවස නිවසෙන් බැහැරව ගිය රොමේෂ් නිවෙසට ළඟා වූයේ පාන්දර 5.00ට පමණය. පවුලේ සෙසු සාමාජිකයන් අවදි නොකරනු පිණිස මන්දනාගේ ජංගම දුරකථනයට ඇමතුමක් ගත් ඔහුට දැනගන්නට ලැබුණේ එය ක‍්‍රියාවිරහිත බවය. නිවසේ ගේට්ටුව විවෘතව තිබීමත් මේ තරම් උදයේ විදුලි පහන් සියල්ල දල්වා තිබීමත් නිසා ඔහුට වැටහුණේ අසාමාන්‍ය යමක් සිදු වෙමින් තිබෙන බවය. දින කිහිපයකට පෙර නිවස ඉදිරියේ බළලකුගේ මළකුණක් දමා ගොස් තිබීමත් පෙර දිනයේ තම මෝටර් රථයේ ටයරය කපාදමා තිබීමත් නිසා ඔහුට යම් අනතුරක සේයාවක් දැනුණි. දොරට තට්ටු කිරීමෙන් ද ප‍්‍රතිචාර නොලැබුණු නමුත් නිවස තුළ ආගන්තුකයන්ගේ කටහඬ ඔහුට ඇසුණි. වහාම තම ජංගම දුරකථනයෙන් 119 අංකය ඇමතූ ඔහු තම නිවසේ කිසියම් අනතුරක් බවට පැමිණිලි කළේය.

පොලිස් කණ්ඩායම නිවෙස වට කළ අතර තමන් කොටු වී ඇති බව වටහා ගන්නා විට ආගන්තුකයෝ වියරු වැටුණාහ. නිවස තුළට ඇතුළු වීමට උත්සාහ කළ පොලිස් නිලධාරියකුගේ හිසට මන්නා පහරක් එල්ල කර පලා යාමට ඔවුන් ගත් උත්සාහය ව්‍යර්ථ විය. පොලිස් වෙඩි පහරින් තුවාල ලැබ පලා ගිය අයකු අසල මාවතක දී පොලිසියට හසු විය. අනෙක් සිව් දෙනෙක් නිවස තුළදී ම අත්අඩංගුවට පත් වූහ.

මන්දනා ඉස්මයිල් අබේවික‍්‍රම ජනමාධ්‍ය වෘත්තිය තුළ කැපී පෙනුණු කාන්තාවකි. සන්ඬේ ලීඩර් පුවත්පතේ ඇය කළ කාර්ය භාරය වෙනුවෙන් කිහිප වරක්ම ජනමාධ්‍ය සම්මාන ලැබූ ඇයට සතුරන් සිටියේ නම් ඒ ඇය කළ හෙළිදරව් කිරීම් නිසා කුපිත වූවන් බව පැහැදිලිය. ආණ්ඩුවේ ඉහළම පුද්ගලයන් හා ව්‍යාපාරිකයන් සම්බන්ධයෙන් ඇය කළ හෙළිදරව් කිරීම් අතුරින් කවුරුන් විසින් ඇය ඉලක්ක කළාද යන්න විසඳිය යුත්තේ අපරාධ පරික්ෂණයකිනි.

එහෙත් ජනමාධ්‍යවේදීන්ට එරෙහිව සිදු වූ අපරාධ ඉතිහාසයේ අලූත් තත්වයක් ඇතිව තිබේ. දැන් අපරාධකරුවන් සිව් දෙනකු අත්අඩංගුවේ සිටී. තමන් පැමිණියේ කොන්ත‍්‍රාත්තුවකට යැයි කී ඔවුන්ගෙන් මේ අපරාධය පසුපස සිටියේ කවුදැයි හෙළිදරව් කරගැනීම අපහසු නොවනු ඇත. ලංකාවේ පොලිසිය මේ දක්වාම එවැනි අපරාධ දින කිහිපයකින් හෙළිදරව් කළ අවස්ථා තිබේ. එහෙත් ජනමාධ්‍යවේදීන්ට එරෙහිව සිදු වූ අපරාධ කිසිවකට අදාළ පසුබිම හෙළිදරව් කෙරුණේ නැත. මේ දක්වාම එබඳු අපරාධකරුවන් නිදැල්ලේ සිටී. මන්දනාගේ නිවසේ සිදුවීමෙන් දින ගණනාවක් ඉක්ම ගොස් ඇත. එදා පැමිණි පිරිසගේ නම් හා ඔවුන්ගේ පෞද්ගලික තොරතුරු මේ වන විටත් අනාවරණය වී හමාරය. එහෙත් පොලිසිය කියන්නේ මෙය කොල්ලකෑමක් බව පමණි. අපරාධය හෙළි වූ මුල් පැය කිහිපය තුළම එය කොල්ලකෑමක් බව කියන්නට තරම් පොලිසිය ‘දක්ෂ’ වූයේ කෙසේද? අපරාධය පිළිබඳ නිසි ගවේෂණයක්, අපරාධ පරීක්ෂණයක් සිදු නොකොට එවැනි නිගමන ප‍්‍රකාශ වීමෙන් පෙනී යන්නේ පොලිසියට මේ සිදුවීම පිළිබඳ පරීක්ෂණයක් අවශ්‍ය නොවන බවය. කිසියම් බලවේගයක් නිසා පොලිසියට අතපය හකුළා ගෙන සිටින්නට සිදුව ඇත.

මන්දනාගේ නිවසට කඩාපැන ඇගේ ලිපිගොනුවලින් කුප‍්‍රකට ‘ක‍්‍රිෂ් ගනුදෙනුව’ ගැන යමක් සොයා ගැනීමට සන්නද්ධ කණ්ඩායමක් යෙදවූ ‘කොන්ත‍්‍රාත්කරු’ පොලීසියට ද කොන්ත‍්‍රාත්තුවක් දී ඇති බව නම් අනුමාන කළ හැකිය.

- ජනරළ

0 comments:

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

ජනමාධ්‍යවේදීහු පශ්චාත් යුද්ධ ශ්‍රී ලංකාවේ ජනමාධ්‍ය නිදහසේ ගැටළු සම්බන්ධ සාකච්ජාම ය වැඩ මුළුවක් පවත්වමින් සිටිති. ජාත්‍යන්තර ජනමාධ්‍ය සම්මේලනයේ ආසියා පැසිපික් අංශයේ ප්‍රධානීන් දෙදෙනෙකුද ඔවුන් හා එක්ව ඔවුන් හා එක්ව සිටිති. මෙම වැඩමුළුව පැවැත්වෙන්නේ ආරාධිතයින් සඳහා පමණකි.

හදිසියේම එතැනට ආගමන විගමන නිලධාරීහු සහ තවත් නිලධාරීහු පිරිසක් කඩා පනිති. ඉන් එක් අයකු වැඩ මුළුවට සහභාගි වන ජනමාධ්‍යවේදීන්ගේ ජායාරූප ගැනීමට පටන් ගනී. එවිට ජනමාධ්‍යවේදීහු විරුද්ධත්වය පළ කරති. ‘අපි පොලීසියෙන්‘ යැයි එම නිලධාරියා කියන්නේ එවිට ය. මෙම නිලධාරීන් අයත් වන්නේ පොලීසියේ බුද්ධි අංශයට බව ජනමාධ්‍යවේදීන් තේරුම් ගන්නේ එවිට ය.

මෙම සිදුවන්නේ කුප්‍රකට අඥාදායකයකු රට පාලනය කරන සිම්බාබ්වේහිදී හෝ යුද්ධ අග්නි ජාලාවෙන් වැසී ගිය සිරියාවේ දී නොවේ. ප්‍රජාතන්ත්‍රවාදයේ නාමයෙන් රට පාලනය කරන ප්‍රජාතන්ත්‍රවාදයේ මූලධර්ම මත ගොඩ නැගුණු පොදු රාජ්‍ය මන්ඩලයේ නායකත්වය ගැනීමට සැදී පැහැදී සිටින මාධ්‍ය නිදහස සකලාකාරයෙන්ම තහවුරු කර ඇතැයි කියන ශ්‍රී ලංකාවේදී ය.

එළෙස කඩා වැදුණූ ආගමන විගමන නිලධාරීහු විදේශිකයින්ගේ ගමන් හැඳුනුම් පත් සිය බාරයට ගෙන ජාත්‍යන්තර ජනමාධ්‍යෙවේදීන්ගේ සංගමයේ ආසියානු පැසිපික් කලාපීය අධ්‍යක්ෂිකා ජැකොලීන් පාර්ක් සහ ජේන් වතර්ටන් නොනිල අත් අඩංඟුවට ගනිති. ඔවුන්ට විරුද්ධ චෝදනාව වන්නේ සංචාරක වීසා ලබා ගෙන ශ්‍රී ලංකාවට පැමිණ ජනමාධ්‍යවේදී වැඩ මුළුවකට සහභාගි වූයේ ය යන්නයි.

නමුත් අවසානයේ දී ආගමන විගමන නිලධාරීන් ඇයට කියා සිටිනනේ ඔවුන්ට මහත් අත් වැරදීමක් සිදු වූ බවයි. පොලිස් බුද්ධී අංශ කිසිවක් නොකියාම ඔවුන්ට යන්නට හැරියේ ය.

එනමුත් මාධ්‍ය නිදහස සම්බන්ධයෙන් යළි යළි සිය කකුළ කටේ ඔබා ගැනීම පුරුද්දක් කර ගෙන සිටින අමාත්‍ය කෙහෙළිය රඹුක්වැල්ල කියා සිටියේ මෙම ජනමාධ්‍යවේදීන් දෙදෙනා ශ්‍රී ලංකාවට හතුරැකම් කරන බැවින් අත් අඩංඟුවට ගත් බවය. නමුත් මේ ඇමැති කෙහෙළිය රඹුක්වැල්ලම ලබා ගෙන ඇත්තේ සංචාරක වීසා ද නැත් ද යන්න නොවිමසා මේ ජැකොලින් පාර්ක් සමඟම ශ්‍රී ලංකාවේ ජනමාධ්‍ය නිදහස සම්බන්ධ සාකච්ජාවකට 2007 වසරේදී සහභාගි විය.

ජනමාධ්‍ය වැඩමුළුවට කඩා පැන ජාත්‍යන්තර ජනමාධ්‍ය සම්මේලනයේ නියෝජිතයින් අත් අඩංඟුවට ගන්නා ලද්දේ සංචාරක වීසා පිළිබඳ ප්‍රශ්ණයක් උඩය යන බොරුව කෙහෙළිය රඹුක්වැල්ලගේ එම ප්‍රකාශයෙන් පැහැදිළි විය. මෙම කඩා පැනීමෙන් සහ පසුව කෙරුණූ දීර්ඝ ප්‍රශ්ණ කිරීම් වලින් පැහැදිළි වූයේ මේ වනාහී ශ්‍රී ලංකාවේ ජනමාධ්‍ය නිදහස මර්දනයට ලක් කිරීමේ තවත් එක් පියවරක් බවයි. අනෙක් අතට කැසිනෝ ව්‍යාපාරික ජේම්ස් පැකර් ශ්‍රී ලංකාවට පැමිණ සම්මන්ත්‍රණ යනාදිය පවත්වන්නේ ද සංචාරක වීසා ලබා ගනිමින් බවට කළ මෙරට ප්‍රධාන දේශපාලන විපක්ෂය කළ චෝදනාවට කෙහෙළිය රඹුක්වැල්ල තවම උත්තර බැඳ නැත.

පසුව අත් අඩංඟුවට ගැනීම අත් වැරදීමක් යැයි කියා සිටි ආගමන විගමන නිළධාරීහු සහ පොලිස් බුද්ධි අංශ නිලධාරීන් සමඟ එක්ව දින දෙකක් පුරා පැය 15ක් ජැකොලීන් පාර්ක්ගෙන් ප්‍රශ්ණ කළහ. මෙම ප්‍රශ්න කිරීම් සඳහා පොලිස් බුද්ධි අංශ නිලධාරීහු ජැකොලයින් පාර්ක් පසුගිය පසලොස් වසර තුල ශ්‍රී ලංකාවට පැමිණි දහහත්වතාවක තොරතුරු අඩංඟු ලිපි ගොනු රැගෙන ආහ. ජනමාධ්‍ය ක්‍රියාධරයන් සම්බන්ධයෙන් රාජපක්ෂ පාලනය කොතෙක් බිය ජනක විස්තීර්ණ විමසිල්ලක් පවත්වා ගන්නේ ද යන්න එමගින් පැහැදිළි වී යැයි පසුව ජනමාධ්‍ය නිවේදනයක් නිකුත් කළ ජාත්‍යන්තර ජනමාධ්‍යවේදීන්ගේ සම්මේලනය කියා සිටියේ ය. මෙයට අමතරව පොලිස් නිලධාරීහු නිදහස් මාධ්‍ය ව්‍යාපාරයේ කැදවුම්කරැ සහ ජේෂ්ඨ මාධ්‍යවේදියකු වන සුනිල් ජයසේකරගෙන් ද පැය හයක් පුරා ප්‍රශ්ණ කළහ.

ප්‍රශ්ණ කිරීම් අතරතුර ජැකොලින් පාර්ක්ගේ පරිඝණකයට සම්බන්ධ කරන ලද උපකරණයක් මගින් එහි වූ සියළු දත්ත ලබා ගත් පොලිස් බුද්ධි අංශය යළි පාවිච්චියට ගැනීමට බැරි වන සේ පරිගණකයේ වූ සියළු දත්ත විනාශ කර දැමූහ.

කවරකුගේ පරිගණකයක ඇති දත්ත පරීක්ෂා කිරීමට නම් පොලීසිය උසාවියෙන් අවසරයක් ලබා ගත් යුතුය. මන්ද යත් එය නිවෙසකට පැමිණ නිවසෙහි ඇති ලිපි ගොනු පරීක්ෂා කිරීම හා සමාන කරුණක් නිසා ය. වැඩ මුළුවකට කඩා පැන එහි සිටින ජනමාධ්‍යවේදීන්ගේ ජායාරූප බලයෙන් ගැනීමට ද පොලීසියට නීතියෙන් අවසරයක් නැත.

මේ වනාහී ශ්‍රී ලංකාවට අලුත් දෙයක් නොවේ. මෙරට ක්‍රියාත්මක වන්නේ රාජපක්ෂවරුන්ගේ කැලෑ නීතිය බව අපි හැම අත් දැකීමෙන්ම දනිමු. එසේ නමුත් රාජපක්ෂවරු ලෝකයට කියන්නේ වෙනත් කතාවකි. එනම් ශ්‍රී ලංකාව වනාහී නිදහසේ සහ ප්‍රජාතන්ත්‍රවාදයේ පරාදීසය කියා ය.

මෙම අත්අඩංඟුවට ගැනීම ද දීර්ඝ ප්‍රශ්ණ කිරීම් ද විසින් ශ්‍රී ලංකාවේ සැබෑ තත්ත්වය පොදු රාජ්‍ය මන්ඩලීය සමුළුව අභියස යලිත් වරක් හෙළිදරව් විය.

ජනමාධ්‍ය වැඩමුළුව කඩා කප්පල් කර නිදහස් මාධ්‍ය ක්‍රියාධරයින් බිය ගන්වනු පිණිස පොලිස් බුද්ධි අංශ සමඟ ආගමන විගමන නිලධාරීන් වැඩමුළුවට කඩා වැඳුණු දිනයේ ම පැරිසිය මූලස්ථානය කර ගත් දේශසීමා නැති මාධ්‍යවේදියෝ සංවිධානය එක්සත් ජාතීන්ගේ මානව හිමිකම් කවුන්සිලයට විවෘත ආයාචරනයක් කරමින් මර්දනයට මුහුණ දී සිටින දේශීය සහ විදේශීය ජනමාධ්‍යවේදීන්ගේ ආරක්ෂාව තහවුරු කරන සේ ඉල්ලා සිටියේ ය.
අන්තර් ජාතික ජනමාධ්‍ය වාර්තා කළේ මෙම සමස්ත සිදුවීම පොදු රාජ්‍ය මන්ඩලීය සමුළුව ආසන්නයෙහි ශ්‍රී ලංකාන්ඩුව විසින් කරන ලද අනතුරු ඇඟවීමේ සංඥාවක් බවයි. ප්‍රශ්ණ කරන ලද ආකාරය බිය ගන්වන සුළු වූ බවත් තමන් එළඹෙන පොදු රාජ්‍ය මන්ඩල සමුළුවට හමුවෙහි අනවශ්‍ය පශ්න ඇති කරන බවට පොලිස් බුද්ධි අංශ නිලධාරීන් චෝදනා කළ බවත් එම ජනමාධ්‍යවේදීන් දෙදෙනා කීවේ යැයි ද අන්තර් ජාතික ජනමාධ්‍ය වාර්තා කළේ ය. එකී ප්‍රශ්ණ කිරීම් සිදු කෙරුනු ආකාරයෙන් ශ්‍රී ලංකාවේ ජනමාධ්‍යවේදීන්, ජනමාධ්‍ය සහ ජනමාධ්‍ය නිදහස සඳහා ක්‍රියා කරන පිරිස් වෙත එළඹිය හැකි අනතුරු ද ඔවුන් පසු පස මර්ධන යන්ත්‍රය හඹා යන අන්දම ද දක්නට ලැබුණේ යැයි ඔවුන් දෙදෙනා සඳහන් කළ බව ද එම වාර්තාවන් ලොව පුරා රැගෙන ගියේ ය.

ඇමෙරිකා එක්සත් ජනපදයේ ප්‍රබලතම ජනමාධ්‍ය සංවිධානය වන ජනමාධ්‍යවේදීන්ගේ ආරක්ෂාව සඳහා කමිටුව ප්‍රකාශයක් නිකුත් කරමින් කියා සිටියේ මෙම සිදුවීම විසින් පොදු රාජ්‍ය මන්ඩලීය රාජ්‍ය නායක සමුළුව අභියස ශ්‍රී ලංකාවේ ජනමාධ්‍ය සහ නිදහස් මාධ්‍ය ක්‍රියාකාරීන් මුහුණ දී සිටින අනතුරු දායක තත්ත්වය පෙන්නුම් කරන බවයි. මෙම මර්ධනයට මුහුණ දී සිටි නිදහස් මාධ්‍ය ව්‍යාපාරයේ නිර්භීත කැපවීම ද එම ප්‍රකාශයෙහි අගය කෙරුණි. එය කියා සිටියේ මෙවැනි බිය ගැන්වීම් මැද පවා පොදු රාජ්‍ය මන්ඩලීය රාජ්‍ය නායක සමුළුවට ශ්‍රී ලංකාවේ ජනමාධ්‍ය නිදහස පිළිබඳව ප්‍රසිද්ධ ආයාචනයක් කිරීමට නිදහස් මාධ්‍ය ව්‍යාපාරය සමත්ව ඇති බවයි.

රටවල් 106ක දශ ලක්ෂයකට ආසන්න සාමාජිකත්වයක් ඇති බ්‍රසල්හි මූලස්ථානය කර ගත් ජාත්‍යන්තර ජනමාධ්‍යවේදීන්ගේ සම්මේලනය ප්‍රකාශයක් කරමින් මෙම මර්දනකාරී පියවරයන් හෙළා දකිමින් සිය නියෝජිතයින් කිසිදු වීසා නීති කෙළෙසීමක් කර නැතැයි ශ්‍රී ලංකාන්ඩුවට අභියෝග කළා ය. එය තවදුරටත් කියා සිටියේ පොදු රාජ්‍ය මන්ඩලීය රාජ්‍ය නායක සමුළුව අවසන් වීමෙන් පසු විසංවාදී අදහස් මර්දනය කරමින් නිදහස් මාධ්‍ය ක්‍රියාධරයින්ට තර්ජනකාරී තත්ත්වයක් උද්ගත විය හැකි බවයි.

නිමල්කා ප්‍රනාන්දු සහෝදරිය මරා දැමිය යුතු බවට රාජ්‍ය මාධ්‍ය විසින් ගෙන යන ක්‍රෝධ ව්‍යාපාරය ද මෙම මර්දනකාරී තත්ත්වයේම දිගුවකි. මෙම දේශපාලන ඝාතකයින් විසින් මැඩළීමට තැත් දරන්නේ ඇයගේ අදහස් ප්‍රකාශ කිරීමේ අයිතියයි.

මෙම සමස්ත සිදුවීම විසින් පෙන්නුම් කැරෙන සත්‍ය නම් ශ්‍රී ලංකාවේ ජනමාධ්‍ය නිදහස සඳහා සැබැවින්ම ක්‍රියා කරන පිරිස් මුහුණ දී සිටින මර්නකාරී සහ අනතුරුදායක තත්ත්වය යි. මෙවැනි තත්ත්වයක් යටතේ අප සතු පරම යුතුකම වන්නේ දේශීය සහ අන්තර් ජාතික සහයෝගිතාවය ගොඩ නැගීම මිස එක්නෙකාට පහර ගසා ගැනීම නොවේ.

නිවැරදි කිරීමයි

පසුගිය සතියේ මෙම තිරෑව කියවූ ස්වයං – පිටුවහලේ ජීවත් වන සහෝදරයකු වහාම ඊමේලයක් එවමින් කියා සිටියේ මගේ ලිපියේ මහත් වරදක් ඇති බවයි. ලක්ෂ 500ක් විය යුතු තැන ලක්ෂ පහක් සේ දක්වා ඇතැයි ඔහු ලියා එවීය. එය සම්පූර්ණ ඇත්ත ය. මා අතින් සිදුව ඇති එම වරද මහත් ය. සුචරිත ගම්ලත් ශබ්ද කෝශයේ අත් පිටපත පුස්කමින් තිබුණේ එය ලක්ෂ පහකින් මුද්‍රණය කළ නොහැකි දැවැන්ත කාරියක් වූ නිසාම ය. උපුල් ශාන්ත සන්නස්ගල ඒ සඳහා ලබා ගත් බැංකු ණය ලක්ෂ 500ක් වන අතර එය දැන් ලක්ෂ 700ක් දක්වා ඉහළ නැග ඇති බව මගේ මුලාශ්‍රය වූ ජයසිරි අලවත්ත කළ සම්මුඛ සාකච්ජාවේදී සදහන්ව තිබුණි. මේ වරද පෙන්වා දුන් සැමට ස්තුතිවන්ත වෙමි. වරද පිළිගනිමි.

තවද පොතෙහි මිල රුපියල් දහ දහසක් නොව රුපියල් හත් දහසක් බව ද මට දැන ගන්නට ලැබුණි.

- රාවය -

0 comments:

සන්නස්ගලගෙන් හා ගෝඨාගෙන් ගොන් ප‍්‍රශ්න ඇසීම: “නිදහස් – ස්වාධීන මාධ්‍ය’’ යනු කුමක් ද ?

කුසල් පෙරේරා-
‘‘රාවය’’ පුවත් පතේ මෙතෙක් පැවති ස්වාධීනත්වය තව දුරටත් පවත්වා ගැනීමටත් වැඩි දියුණු කර ගැනීමටත් අප හා එක් වන්න යැයි අපි කණ්ඩායමක් රාවය පාඨකයින්ගෙන් සහ රාවය පුවත් පතේ හිතවතුන්ගෙන් ද, මාධ්‍ය ස්වාධීනත්වය සහ නිදහස අගයන පුරවැසියන්ගෙන් ද පසු ගිය ජූලි මාසයේ සිට ඉල්ලීම් කරන්නෙමු. දැනට නිදහස් සහ ස්වාධීන පුවත් පතකට ඉතිරිව ඇත්තේ එපමණ යැයි ද අපි කීවෙමු.

Read More »

0 comments:

බීබීසී මාධ්‍යවේදියා ත්‍රස්ත විමර්ශන ඒකකයට

බීබීසී තමිල්ඕසේ වවුනියා වාර්තාකරු පී මානික්කවාසගම් කොළඹ ත්‍රස්ත විමර්ෂණ ඒකකයට කැඳවා අද උදැසන ප්‍රශ්න කොට තිබේ.
ඔහු කොළඹට කැඳවා තිබුනත්, ප්‍රශ්න කිරීම සඳහා හේතු හෝ ඔහුට එරෙහි චෝදනා පිළිබඳව කලින් දැනුම්දීමක් නොකෙරුණු අතර ප්‍රශ්න කෙරුණු අවස්ථාව සඳහා නීතීඥ වරයකු කැටුව යෑමට ඔහු කළ ඉල්ලීම ද ප්‍රතික්ෂේප කෙරිණි.

Read More »

0 comments:

ආණ්ඩුව වට්ටන්න පුළුවන් - උපුල් ජෝශප් ප්‍රනාන්දු

අන්තර්ජාලයෙන් සිහින ලෝකයට පිවිසෙන ලාංකික නිරුවත් ම්ලේච්ඡයෝ -- W3Lanka

ගෙදර මිදුල නොව මේ සුද්ද කරන්නේ මහා රක්‍ෂිතයකි (කැලෑ පාළුවා යන්නට සමාන වචනයක්‌ වේ නම් ඒ දේශපාලුවාය)

ඇමතිලාගේ සැප ගැන....

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

මාධ්‍යවේදී නිමලරාජන් ඝාතනය කර වසර 15යි. ඝාතකයින් තවමත් සුවසේ නිදැල්ලේ?

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු