sponsor

sponsor
Theme images by kelvinjay. Powered by Blogger.

Slider

Sample Text

Follow by Email

Video Of Day

වීඩියෝ

දේශපාලන

උණුසුම් පුවත්

news

politics

Journalist

video

» » 'මියගිය අම්මාට ගෞරව දැක්වීමට යද්දී' ජෙයපාලන් අත් අඩංගුවට

සම්මාන ලාභී දෙමළ කිවි ජෙයපාලන් වන්නියේ දී අත් අඩංගුවට ගන්නා ලද්දේ සිය පරම්පරා ගත ඉඩමේ පිහිටි මෑණියන්ගේ සුසානය ට ගෞරව දැක්වීමට ගිය අවස්ථාවේ දී යයි බිරිඳ පවසයි.

ශ්‍රී ලංකාවේ බලධාරීන් ප්‍රකාශ කරන්නේ කවියා සිකුරාදා අත් අඩංගුවට ගන්නා ලද්දේ වීසා කොන්දේසි උල්ලංඝනය කොට ප්‍රසිද්ධ රැස්වීම් පවත්වා ඇති හෙයින් බවයි.

රජයේ කරුණු දැක්වීමට තමන්ට එකඟ විය නො හැකි බවයි වාසුකී ජෙයපාලන් බීබීසී දෙමළ සේවයට කියා සිටියේ.

නෝර්වේ සිට බීබීසීයේ දෙමළ සේවයේ සීවගන් පූපාලරත්නම් හා කතා කළ ඇය ප්‍රකාශ කළේ 2006 දී මව මිය යාමෙන් අනතුරුව ව අයි ස ජෙයපාලන් කවියා ශ්‍රී ලංකාවට ගිය පළමු වතාව මෙය බවයි.

රවුෆ් හකීම්
ඔහු කිසි වැරදි දෙයක් පවසා ඇතැයි තමන් විශ්වාස නො කරන බව අධිකරණ අමාත්‍ය වරයා ප්‍රකාශ කළේ යයිද වාසුකී පවසන්නීය.

‘රවුෆ් හකීම් ඇමතිතුමාත් කියල තියෙනවා යාපනයේ එයා කරපු කතාවේ ජාතික සමගියට විරුද්ධව මුකුත් කියල නැහැ කියලා,’ ඇය කියා සිටියාය.

රවුෆ් හකීම් සහ බෂීර් සේගු දාවුද් අමාත්‍යවරුන් මෙන්ම කොළඹ නෝර්වේ තානාපති කාර්යාලයත් කවියාගේ නිදහස වෙනුවෙන් කටයුතු කරමින් සිටින බව වාසුකී බීබීසී යට කීවාය.

ජෙයපාලන් මාතාව මිහිදන් කොට ඇති වන්නියේ මාන්කුලම්හි වඩකාඩු වෙත යද්දී වන්නිවිලාන්කුලම් හි දීයි ඔහු අත් අඩංගුවට ගෙන ඇත්තේ.

රැඳවුම් භාරයේ සිටිය දී රෝගාතුර වීම හේතුවෙන් හැත්තෑ හැවිරිදි ජෙයපාලන් කවියා සෙනසුරාදා රාත්‍රියේ රෝහල් ගත කැරුණු බවත් ඔහුගේ බිරිඳ කියා සිටී.

ලේඛකයෙක් සහ නළුවෙක්
1986 සිය මුල්ම කාව්‍ය සංග්‍රහය එලි දැක්වූ ෂන්මුගපිල්ලේ ජෙයපාලන් මේ වන විට ලියා පළ කළ කවි සහ කෙටිකතා පොත් ගණන දොළහක්.

යුද්ධය ඇවිලී යත් ම 1988 දී නෝර්වේ බලා පළා ගොස් එහි ජීවත් වූ ජෙයපාලන් පසු කලෙක රංගනයට ද පිවිසුණේ ය.

නෝර්වීජියානු ලේඛක සංවිධානය විසින් 1995 දී හොඳම සංක්‍රමණික කවියා ලෙසින් සම්මානයට පාත්‍ර වුයේත් ජෙයපාලන්.

‘ආඩු කලම්’ දකුණු ඉන්දීය දෙමළ චිත්‍රපටයේ රඟපෑමට ජෙයපාලන් 2011දී පනස් අට වැනි ඉන්දීය ජාතික සිනමා සම්මාන උළෙලේ විශේෂ ජුරි සම්මානයකින් පුද ලැබී.

1971 අප්‍රේල් කැරැල්ල සහ 1980 වැඩ වර්ජනය ඇතුළු වස්තු ද විෂය කොට ඔහු ලියූ කවි, සිංහල ඇතුළු විවිධ භාෂා වලට පරිවර්තනය වී තිබෙන අතර ඔහුගේ ලේඛන සමහරක් දකුණු ඉන්දීය විශ්ව විද්‍යාල කිහිපයක පාඨ ග්‍රන්ථ අතර වෙයි.

«
Next
Newer Post
»
Previous
Older Post

No comments:

Leave a Reply

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

ගෙදර මිදුල නොව මේ සුද්ද කරන්නේ මහා රක්‍ෂිතයකි (කැලෑ පාළුවා යන්නට සමාන වචනයක්‌ වේ නම් ඒ දේශපාලුවාය)

මාධ්‍යවේදී නිමලරාජන් ඝාතනය කර වසර 15යි. ඝාතකයින් තවමත් සුවසේ නිදැල්ලේ?

අන්තර්ජාලයෙන් සිහින ලෝකයට පිවිසෙන ලාංකික නිරුවත් ම්ලේච්ඡයෝ -- W3Lanka

ඉන්දියාවේ හිටපු ජනාධිපති ආචාර්ය අබ්දුල් කලාම් ලංකාවේදී කියු කතාව ...... දේශපාලනඥයින්ට හොඳ ආදර්ශයක්..