ඊළාම්වාදීන් නොදුටු, යාපනය රාජ්‍යයේ අවසාන ජවනිකාව

* සංකිලි රජු ගැන ඇත්ත කතාව හංගලා
* මීගපුල්ලේ ආරච්චි දොන් ලුවිස්‌ නමින් බෞතිස්‌ම වෙයි
* උඩරට රජුට යාපනයේ උරුමය ලැබුණු හැටි

පෙරියපිලි රජු මහ බණ්‌ඩාර විසින් මන්නාරමට පහර දීමෙන් පෘතුගීසීන් පරාජය කිරීමට උත්සාහ කළත් අවසානයේ පරාජය හිමි වූයේ පෙරියපිලි රජුටයි. ඔහුගෙන් අනතුරුව ඔහුගේ බාල පුත් එදිරිමානසිංහ රජකමට පත් විය. සටන් බිමේ වැටී සිටි මෙම බාල කුමාරයා ගෞරව සම්ප්‍රයුක්‌තව පිළිගෙන රජ බවට පත් කිරීමට පෘතුගීසීන් කටයුතු කළහ. 1591 දී සිදු වූ මෙම අභිෂේකය යාපනයේ දෙවැනි සංගිලි (සේතුව, පාලම) බලය උදුරා ගන්නා තෙක්‌ පැවතුනි. 1616 දී රජු මිය ගිය අතර ඔහුට දාව උපන් කුමාරයා වයස අවුරුදු 03 ක ළදරුවෙකි. සංගිලි පාලන බලය උදුරා ගත්තේ කුමරුත් රාජ්‍යයත් බලා ගැනීමට පත් කළ අර්ෂකේශරී බණ්‌ඩාරගෙනි. ඔහුත් අවුරුදු හතරක්‌ පමණ බලයේ සිටිමින් අර්බුද මැද කටයුතු කළ අතර 1620 දී පෘතුගීසීන් යාපනය යටත් කර ගත්හ. මේ ඈ¹ ගැනීම යාපනය රාජ්‍යය උඩරට රජුගෙන් උදුරා ගැනීමක්‌ ලෙස යුරෝපීය ලේඛකයන් ද දෙමළ ලේඛකයන්ද සඳහන් කළ අවස්‌ථා ඇත. එයින් පළමුවැන්නා පිලිප් කන්ජමනාදන් නමැති ලංකා රේගුවේ සරප්වරයකුව සිටිමින් විනියා ත්‍රැප්‍රොබෝනියා නම් පොතක්‌ ලියමින් සටහන් කළ පුද්ගලයාය. ඊළ`ගට ලන්දේසි ලේඛක පිලිප්පුස්‌ බැල්දියස්‌ය. එසේ නමුත් පේරාදෙණිය විශ්වවිද්‍යාලයේ මහාචාර්ය කේ. එම්. ද සිල්වා මහතා සඳහන් කර ඇත්තේ යාපනයේ ස්‌වාධීන දෙමළ රාජ්‍යයක්‌ තිබූ බවයි. එහෙත් ඒ සඳහා කිසිදු සාක්‍ෂියක්‌ ඔහු සඳහන් කර නැත. මෙය ඉන්දු ලංකා ගිවිසුමේදී උතුරු නැගෙනහිර දෙමළ නිජබිම ලෙස සලකා ඊට අත්සන් කළ ඡේ.ආර්. ජයවර්ධන මහතාගේ සිත සැනසීමට ලියන ලද්දක්‌ ලෙස මම කල්පනා කරමි.



ඉහත කී පරිදි 1616 දී එදිරිමානසිංහ රජු මිය ගිය අතර ඔහුගේ ළදරු පුත් ලෙව්කේ බණ්‌ඩාර කුමාරයා රාජ්‍යයේ උරුමක්‌කාරයා විය. ඔහුව රැකබලා ගැනීමට පවරා තිබුණේ ඉහත කී පරිදි අර්ෂකේශරී බණ්‌ඩාර (වීර සුන්දර බණ්‌ඩාර) වෙතටයි. මේ පිළිවෙළට පෘතුගීසීන් ද එකඟව සිටියත් මිය ගිය රජුගේ බෑනා කෙනකු වන සංගිලි විසින් සිය කණඩායමක්‌ රැස්‌ කර රාජ්‍ය බලය පැහැර ගැනීමට කටයුතු කරන ලදී. සංගිලි තරුණයෙකි. අර්ෂකේශරී වයස්‌ ගත දුර්වල පුද්ගලයෙකි. මෙම සිද්ධියේදී හර්ෂකේශරී බණ්‌ඩාර මරා දමා ඇත. සංගිලි බලය ලබා ගෙන 03 වැනි දිනයේ ඔහු හා ඔහුගේ පිරිස්‌ මාළිගාවට ඇතුළු වී දිවා කාලයේ විවේකීව සැතපී සිටි මාළිගාවේ කුමාරවරුන් මරා දැමීමට නියෝග කර ඇත. ඔවුන් ඇතුළු වන විට මිගපුල්ලේ ආරච්චි (ජ්‍යෙෂ්ඨ) කුමාරයාගේ පා පිරිමදිමින් සිටි බව සඳහන් වේ. මේ අවස්‌ථාවේ මිගපුල්ලේ ආරච්චි මරණයට පත් කර ඇත. කනිටු මිගපුල්ලේ ආරච්චි සංගිලිට පරිභව කරමින් මාළිගයේ ගේට්‌ටුව අසලට පැමිණිය ද තත්ත්වය අවදානම් බව දැන මන්නාරමට පලා ගියේය. එහිදී දොන් ලුවිස්‌ නමින් බෞතීස්‌ම ලැබ ඇත. දින කිහිපයක්‌ ගත වෙද්දී සියල්ල සන්සුන් යෑයි සිතූ සංගිලි පන්සලට යැමට සූදානම් වෙද්දී ඔහුගේ විශ්වාසවන්තම මුදලිවරයා වූ අමරකෝන් මුදලි කෑ ගසා රජුට කියා ඇත්තේ කොටියකු මාලිගාව තුළ සිටිද්දී බැහැර නොගොස්‌ මාළිගයේ රැඳී සිටින ලෙසයි. රජු වහාම ආපසු හැරී කුඩා කුමාරයා මරා දැමීමටත් ලොකු කුමාරයාගේ ඇස්‌ උගුල්ලා දැමීමටත් නියෝග කර ඇත. ලොකු කුමාරයාගේ ඇස්‌ උගුල්ලා දැම්මත්, හදිසියේ සිත වෙනස්‌ කර ගත් සංගිලි ළදරු කුමාරයාගේ ජීවිතය බේරන ලදී. ඒ ඔහුට සිය ආරක්‌ෂාව සඳහා කුඩා කුමරු පළිහක්‌ ලෙස යොදා ගැනීමටයි.

මෙලෙස මාස කිහිපයක්‌ ගත වෙද්දී දිනක මුදලිවරුන්ගේ රැස්‌වීමක්‌ කැඳවා මාලිගය අසල ඇති කඩු හරඹ පුහුණු කරන පාසලකට මෙම රැස්‌වීම මාරු කරමින් මුදලිවරුන්ට එහා මෙහා යැමට සලසන ලදී. ඔහු එසේ කර ඇත්තේ බොරු වළක්‌ කපා මුදලි වරු ඊට වැටෙන්නට හැර මරණයට පත් කිරීමටයි. මුදලිවරු කෙසේ හෝ එම මර උගුලෙන් බේරී තිබුණි.

මේ අතරතුරු නල්ලුර් නගරය පුරාම ළදරු කුමාරයා මරා දමා ඇතැයි රාවයක්‌ පැතිර ගොස්‌ තිබුණි. කලබල ඇතිවීමේ වාතාවරණයක්‌ ඇති වෙමින් තිබුණි. මියගිය අර්ෂකේශරී බණ්‌ඩාරගේ රාජ්‍ය භාරකාරත්වය පෘතුගීසිSන් විසින් අනුමත කර තිබුණි. ඒත් සංගිලිගේ පත්වීම සම්බන්ධයෙන් තීරණයක්‌ ගැනීමට මියගිය රජුගේ අන්තිම කැමති පත්‍රයේ පිටපතක්‌ පෘතුගීසීන් වෙත ඉදිරිපත් කරන ලෙස දැන්වීය. මන්නාරමේ කපිතන්ගේ අණ පරිදි පණිවිඩය ගෙන ආ පුද්ගලයා නල්ලුර්වලට ගොස්‌ මුදලිවරුන්ට ද ඒ බව දන්වා ඇත. මේ ආරච්චිවරු අතර කොම්පදරාජා, බ්‍රන්කෝ, චූල එලිගේරා, තනුරා, පුයිනසිංහ හා ආරච්චි අමරතුංග ද සිටි බව ක්‌වෙරෝස්‌ සඳහන් කර ඇත. පෘතුගීසීන් නම් සඳහන් කිරීමේදී යම් විකෘතියක්‌ ඇති බව එම පොත් කියවීමේදී දක්‌නට තිබේ. අසවේදුගේ නියෝගය අනුව සංගිලිගේ පත් වීම සඳහා අන්තිම කැමති පත්‍රය ඉදිරිපත් කරන ලෙස නැවත නැවතත් ඔහුට දන්වා ඇත. එසේ නොවුවහොත් ඔහු බලයෙන් රාජ්‍ය උදුරා ගත් පෘතුගාලයේ රජුට විරුද්ධව ක්‍රියා කරන කැරලි කාරයකු ලෙස සැලකීමට සිදුවන බව ඔහුට දන්වා ඇත.

එහිදී ඔහු දන්වා ඇත්තේ තමන්ට අන්තිම කැමති පත්‍රයක්‌ නොමැති බවත්, ඒ හැර පෘතුගීසීන් ඉදිරිපත් කරන අනෙකුත් කොන්දේසි සියල්ලට එකඟව ක්‍රියා කිරීමට තමන් සූදානම් බවයි. මෙහිදී සංගිලිට නියම කර ඇත්තේ යාපනය තුළ උඩරට ගමන් කරන යොගීන්ට හෝ මුස්‌ලිම් අයටද ඔහුගේ ෙද්‍රdaහීන් වන ඕනෑම අයකුට ද ලන්දේසීන්ට ද පදිංචි වීමට හෝ එහා මෙහා යැමට ඉඩ නොසලසන ලෙසයි. මෙම කොන්දේසි කඩකලහොත් ඔහුට රාජ්‍ය අහිමි කරන බව අන්ෙද්‍රa පූටාඩෝ ඩි මැන්ඩෙසා නම් කපිතාන් වරයා දන්වා ඇත.

ගෝවේ ප්‍රතිරාජයා විසින් සංගිලි ගේ පාලනය අනුමත කිරීමක්‌ හෝ නොකිරීමක්‌ සිදු නොවූ අතර නිරීක්‍ෂණය කරමින් කාලය ගත වෙමින් පැවතුනි. මේ අතර ළදරු කුමාරයා මරා දැමුවේ යෑයි කථාව පැතිර යමින් යාපනය මහත් කලබලයක්‌ ඇති ප්‍රදේශයක්‌ බවට පත් විය. කලබල වූ ජනයා ආයුධ රැගෙන මාළිගය වටලා ඇත. මෙහිදී සංගිලි ළදරු කුමාරයා සියතට ගෙන ජනේලයකින් එබී බලමින් කුමාරයා උද්ඝෝෂකයන්ට පෙන්වා ඇත. කුමරු දුටු උද්ඝෝෂකයෝ බිම දිගා වෙමින් රජුට ගෞරවය පිරිනමා ඇත. මෙහිදී උද්ඝෝෂකයින් කිරුළ හිමි ළදරු ලෙව්කේ කුමාරයා තමන්ට ලබා දෙන ලෙස හඬ නගමින් ඉල්ලා ඇත. එය ඉටු නොවුණ අතර ටික දෙනකු මාළිගය අවට සැ`ගවී සිටි අතර තව කොටසක්‌ මාළිගයේ දොරකඩ අවහිර කරමින් රැඳී සිට ඇත. මෙහිදී ලොකු කුමාරයාගේ ඇස්‌ උදුරා දැමීමට වග කිවයුතු අමරකෝන් මුදලි උද්ඝෝෂකයන්ට හසු වී ඇත. උද්ඝෝෂකයන් ඔහුට නින්දා පරිභව කරමින් පහර දෙමින් ගෙල ලනුවකින් ගැට ගසා අස්‌වයකු ලවා නල්ලූර් නගරය වටා ඇදගෙන යමින් මරණයට පත් කර ඇත. මේ මගින් සංගිලි ගේ විශ්වාසවන්තම මුදලි මරා දැමීමට උද්ඝෝෂකයන්ට හැකි විය.

මෙහිදී සංගිලි තන්ජෝරයේ රජුගේ ආධාර පැතූ අතර වර්ණකුලාට්‌ නම් කෞරව කුමාරයකුගේ නායකත්වයෙන් හමුදාවක්‌ එවා ඇත. ඔවුන්ගේ ආධාරයෙන් කැරලි කරුවන් මර්දනය කර ඇත. මේ අතර සත්කෝරළයේ සිටි නික පිටියේ බණ්‌ඩාර ද යාපනයට පැමිණි බව පෘතුගීසීන්ට දැන ගන්නට ලැබුණි. මේ අතර මලවරයන්ගේ බෝට්‌ටු යාපනයට තර්ජනය කරමින් අවට මුහුදේ සැරිසරන බවටද පෘතුග්‍රීසීන්ට දැන ගන්නට ලැබුණි. ඒ අතර ලන්දේසීන් යාපනයට පැමිණෙතැයි සැකයක්‌ ද පෘතුගීසීන් අතර තිබුණි. සංගිලි උඩරට සෙනරත් රජුගේ සහයද පැතූ අතර විශාල අල්ලස්‌ දෙමින් පෘතුගීසීන්ට ගෙවිය යුතු කප්පම් වලක්‌වා ගැනීමට ද උත්සාහ දරා ඇත.

මේ අතර ඩි ඔලිවේරා යටතේ හමුදාවක්‌ යවා පෘතුගීසීන්ට ලැබියු යුතු කප්පම් ලබා දෙන ලෙස සංගිලි ට දන්වා ඇත. මතුපිටින් එසේ පෙන්නුවද සංගිලි අත්අඩංගුවට ගන්නා ලෙසට ඊට එරෙහිව ක්‍රියා කලහොත් මරා දැමීමට ද රහසින් උපදෙස්‌ දී තිබුණි. එහිදී සංගිලි දක්‌වා ඇත්තේ ඉල්ලා යෑවූ හි`ග මුදලට වඩා අඩු මුදලක්‌ ගෙවීමට සංගිලි සූදානම් බවයි. ඉන්පසු පෘතුගීසීන් වන්නාර් පොන්නෙයි වෙත ගමන් කළ අතර හදිසියේ වෙල් එළියක සංගිලිගේ හමුදාව දුටු අතර ඔවුන් කීප විටක්‌ වෙඩි තබා නොපෙනී පලාගොස්‌ ඇත. මේ අතර පෘතුගීසීන්ට දැනගන්නට ලැබුණේ සංගිලි බෝට්‌ටුවකින් පලා යන බවයි. එහෙත් සුළං ප්‍රතිවිරුද්ධ අතට හමා ඒම නිසා ඔහු පරිට්‌ටිතුරෙයි වෙත ගසා ගෙන විත් ඇත. එහිදී පෘතුගීසීන්ට සංගිලි අත්අඩංගුවට ගැනීමට හැකි විය. එහිදී දේවිය, කුමරිය හා කුමාරයින් ද සේවිකාවන් ද මුදලින් පතාග අටදාහක්‌ ද අල්ලා ගැනීමට හැකිවී ඇත. මෙහිදී කුමර කුමරියන්ගේ ආභරණ ගැනීමට කන් කපා දැමූ බවද දැන ගන්නට ඇත. මෙහිදී සංගිලිගෙන් විමසා ඇත්තේ ඔහු සමග සම්බන්ධකම් පැවැත්වූ පෘතුගීසීන් කවුදැයි යන්නයි. එහිදී සම්බන්ධ කම් පැවැත්වූ අයගේ නම්ද ඔවුන් ට දුන් අල්ලස්‌ ද සඳහන් කළ අතර ඒ නම් අතර අත්අඩංගුවට ගත් කපිතාන්ගේ නමද තිබී ඇත. හොරු ඇල්ලීමට ගොස්‌ තමන්ද අමාරුවේ වැටී ඇති බව කපිතාන්ට වැටහුනේ එවිටයි. අද දේශපාලනයේ සිදුවන්නේද ඊට සමාන දෙයකි.

අත්අඩංගුවට ගත් සංගිලි කොළඹට යවා කොළඹින් ගෝවට යවා ඇත. ගෝවේදී ඔහුව මරණයට පත් කර ඇති බව සඳහන් වේ. මේ අතර කනිටු මිගපුල්ලේ ආරච්චි රජුගේ දූවරුන් දෙදෙනා තන්ජෝරයට ගෙන යන ලද අතර ටික කලක්‌ එහි රඳවා මඩකලපුව හරහා උඩරටට ගෙන ගොස්‌ උඩරට රජුගේ පුතුන් දෙදෙනාට විවාහ කර දී ඇත. මේ කුමාරවරුන් දෙදෙනා ඌවේ කුමාරසිංහ සහ මාතලේ විජයපාල වේ. මේ විවාහයෙන් පසු උඩරට රජුට යාපනය රාජ්‍යයේ උරුමය තවදුරටත් තහවුරු විය.

1626 දී සෙනරත් රජු යාපනය ආක්‍රමණය කරන ලදී. මේ ආක්‍රමණයට පදනම් වී ඇත්තේ රජුට ඇති අලුත් හිමි කමයි. පෘතුගීසීන් යාපනය කොල්ල කමින් සිටින අවස්‌ථාවක සෙනරත් රජුගේ හමුදාව යාපනයේ ජනයාට ආශිර්වාදයක්‌ වේ. සෙබලුන් දහදාහක හමුදාවක්‌ සමග අතපත්තු මුදලි අලංමංකඩින් වැල්වැටිතුරයට පැමිණ එතනින් පුත්තූර් වලට හා අච්චුවේලි වලට ළ`ගා වී ඇත. රජුගේ හමුදාව යාපනය යටත් කර සිවු මසක්‌ පමණ සිටිමින් බදු අය කිරීමට ද කටයුතු කරන අතරේ පෘතුගීසීන් විසින් උඩරට හමුදාවට ප්‍රහාරයක්‌ එල්ල කිරීමට සූදානම් වී ඇත. එහි පළමු පියවර වූයේ මහ`ඵ කාන්තාවක්‌ යොදා ගනිමින් හමුදා ශක්‌තිය හා හමුදාව විසිරී සිටින ආකාරය පිළිබඳ තොරතුරු ලබාගැනීමයි. එම ඔත්තු කාරිය අකුරටම රාජකාරිය කර ඇත. සතුරු භූමිය අධ්‍යයනය කර ගැනීමෙන් පසු පෘතුගීසීන් ප්‍රහාරය ආරම්භ කර සටන් පටන් ගත් අතර උඩරට හමුදාවට එලවා එලවා පහර දීමට ඔවුන්ට හැකි විය. මෙහිදී අතපත්තු මුදලි සටන් බිමේදීම මරණයට පත් වී ඇත. ඔහු හොඳ රණකාමියකු ලෙස විස්‌තර කරතත් පෘතුගීසීන්ගේ උගුලට හසු විය. මේ අනුව උඩරට රජුට හිමි යාපනය පෘතුගීසීන් උදුරා ගත් බව අපට තේරුම් ගත හැක. එහෙත් ඊළාම් වාදීන් එම ජවනිකාව තවමත් දැක නැත.

පියසිරි අමරකෝන්
ශ්‍රී ලංකා ගණකාධිකාරී සේවා සංගමයේ හිටපු සභාපති

0 comments:

මාධ්‍යවේදී ලසන්ත වික්‍රමතුංග ඝාතනයට වසර 9යි: අපරාධකරුවන් තවමත් නිදැල්ලේ

මාධ්‍යවේදී ලසන්ත වික්‍රමතුංග ඝාතනයට වසර 9යි: අපරාධකරුවන් තවමත් නිදැල්ලේ

0 comments:

ලසන්ත වික්‍රමතුංග ඝාතනයට නියෝග දුන්නේ කවුද?

ලසන්ත වික්‍රමතුංග නව වැනි අනුස්මරණය -පවුලේ ඥාතීන් සහ හිතවතුන් සමඟ හිටපු මුදල් ඇමති රවී කරුණානායක එම අවස්ථාවට සහභාගී විය.
ලසන්ත වික්‍රමතුංග නව වැනි අනුස්මරණය -පවුලේ ඥාතීන් සහ හිතවතුන් සමඟ හිටපු මුදල් ඇමති රවී කරුණානායක එම අවස්ථාවට සහභාගී විය.


ලසන්ත වික්‍රමතුංග නව වැනි අනුස්මරණය -පවුලේ ඥාතීන් සහ හිතවතුන් සමඟ හිටපු මුදල් ඇමති රවී කරුණානායක එම අවස්ථාවට සහභාගී විය.

දේශපාලනය සමඟ සම්බන්ධතා නැති අපරාධකරුවන් විසින් මිනීමැරුමක් කළ විට එය ඉතා ඉක්මනින් විභාග කොට වසර කිහිපයක් ඇතුළත දඬුවම් පමුණුවන නමුත් ලසන්ත වික්‍රමතුංග ඝාතනයට සම්බන්ධ පුද්ගලයන්ට දඬුවම් දීමට අපොහොසත් වීම හේතුවෙන් ඊට වගකිව යුතු ප්‍රධාන සැකකරු හෝ සැකකරුවන්ට අනාගතයේදී රටේ ජනාධිපති හෝ අගමැති පදවියට වුවද තේරී පත් වීමට දොරටු විවෘත විය හැකැයි ලසන්තගේ සොහොයුරු ලාල් වික්‍රමතුංග වෙනුවෙන් ප්‍රකාශයක් ඉදිරිපත් කළ පවුලේ සාමාජිකාවක් කියා සිටියාය.
ඇය එම ප්‍රකාශය කළේ ලසන්ත වික්‍රමතුංග ඝාතනයට අදාළ පරීක්ෂණවල මන්දගාමීභාවය සම්බන්ධයෙන් කනගාටුව පළ කරමිනි.
ලසන්ත වික්‍රමතුංග ඝාතනය සිදු කොට අදට (ජනවාරි 08) වසර නවයක් සම්පූර්ණ වෙයි.


 

"දේශපාලනයට සම්බන්ධ නැති අපරාධකරුවන් මිනීමැරුමක් කළොත් ඉක්මනින් විභාග කරනවා"

"දේශපාලනයට සම්බන්ධ නැති අපරාධකරුවන් මිනීමැරුමක් කළොත් ඉක්මනින් විභාග කරනවා"

ඒ නිමිත්තෙන් අද ලසන්ත වික්‍රමතුංග සොහොන් ස්මාරකය අසළට පැමිණි සිටි ඔහුගේ පවුලේ ඥාතීන් හා හිතමිතුරෝ වසර නවයක් ගත වී ඇතත් මරා දමන ලද මාධ්‍යවේදියා වෙනුවෙන් යුක්තිය ඉටු නොකිරීම සම්බන්ධයෙන් ඔවුන්ගේ කනගාටුව පළ කළහ.
ලසන්ත වික්‍රමතුංග වෙනුවෙන් කලින් පැවති මෙවැනි සමරු උත්සව දේශපාලනඥයන්ගෙන් පිරී තිබුනත් අද උදෑසන පැවති සමරුවට සහභාගී වූ එකම දේශපාලකයා වුණේ හිටපු මුදල් අමාත්‍ය රවී කරුණානායක පමණි.
'සන්ඩේ ලීඩර්' පුවත් පතේ කතෘවරයාව සිටි මාධ්‍යවේදී ලසන්ත වික්‍රමතුංග රත්මලානේ සිය කාර්යාලය වෙත සිය මෝටර් රථයෙන් ගමන් ගනිමින් සිටියදී, අත්තිඩිය ප්‍රදේශයේදී ඝාතනය කරන ලද්දේ 2008 වසරේ ජනවාරි 08 වෙනි දිනයි.
එම අපරාධයෙන් අනතුරුව වසර නවයක් කාලයක් ගතවී ඇතත් ලසන්ත වික්‍රමතුංග ඝාතකයන් හෙළිකර ගැනීමට පොලිසිය තවමත් අපොහොසත්ව ඇත.
2015 වසරේදී වත්මන් ආණ්ඩුව බලයට පත් වූ පසු ලසන්ත වික්‍රමතුංග ඝාතකයන් සොයා ගැනීමේ කාර්යය අපරාධ පරීක්ෂණ දෙපාර්තමේන්තුවට භාර දුන් නමුත් වසර තුනක් ගත වී ඇතත් තවමත් එහි අවසන් ප්‍රතිඵලයක් ලැබී නැත.


ලසන්ත වික්‍රමතුංග දේහය මිහිදන් කළ ස්ථානයට පොලිස් ආරක්ෂාව දී තිබුණ ආකාරය
 ලසන්ත වික්‍රමතුංග දේහය මිහිදන් කළ ස්ථානයට පොලිස් ආරක්ෂාව දී තිබුණ ආකාරය

අදාළ පරීක්ෂණ එහි අවසාන අදියරේ පවතින බව ආණ්ඩුව නිතර ප්‍රකාශ කළත් එම ප්‍රකාශන මැතිවරණ ප්‍රයෝජන සඳහා සිදු කරනු ලබන ඒවා බව ආණ්ඩුවට එරෙහිව නැගෙන චෝදනා මගින් පැවසෙයි.
අගමැති රනිල් වික්‍රමසිංහ එක්සත් ජාතික පක්ෂයේ 70 වැනි සංවත්සරය සඳහා පසුගිය දා නිකුත් කල නිවේදනයේත් ලසන්ත වික්‍රමතුංග ඝාතකයන්ට දඬුවම් දීම සඳහා ආණ්ඩුව කැප වන බවක් සඳහන් කර තිබුණි.

පරීක්ෂණ කොතැනද ?

"පරීක්ෂණ සිදු කෙරෙමින් පවතිනවා."යම් යම් බාධා කිරීම්" නැත්නම් අපට මීට වඩා ප්‍රගතියක් අත්කර ගන්න තිබුණා. මෙය වසර ගණනක් හංගපු දෙයක්. ඒ නිසා යම් කාලයක් ගත වෙනවා" සිය නම සඳහන් කිරීමට අකැමැති අපරාධ පරීක්ෂණ දෙපාර්තමේන්තුවේ නිලධාරියෙක් පරීක්ෂණ වල ප්‍රගතිය ගැන බීබීසි සිංහල සේවයට අදහස් දක්වමින් කියා සිටියේය.
ලසන්ත ඝාතනය පිළිබඳව සිදු කෙරෙමින් ඇති පරීක්ෂණයට සම්බන්ධ එම නිලධාරියා "යම් යම් බාධා කිරීම්" ලෙස හඳුන්වන්නේ ආරක්ෂක අංශ වලට සම්බන්ධ හිටපු ප්‍රධානීන්ගෙන් ප්‍රශ්න කිරීම අතින් එල්ල වූ විවිධ බාධා කිරීම්ය.
ලසන්ත ඝාතනයට හමුදා බුද්ධි අංශ සම්බන්ධයක් ඇතැයි පොලිසිය සැක කරන අතර ඒ අනුව 2017 වසර මුලදී හමුදා බුද්ධි අංශ සාමාජිකයන් කීප දෙනෙක් අත්අඩංගුවට ගනු ලැබුණි.

පශ්චාත් පරීක්ෂණයක් සඳහා ලසන්ත මෘතදේහය යළි ගොඩගත් අවස්ථාව
I පශ්චාත් පරීක්ෂණයක් සඳහා ලසන්ත මෘතදේහය යළි ගොඩගත් අවස්ථාව




ලසන්ත වික්‍රමතුංග ඝාතනය මෙන්ම මාධ්‍යවේදී ප්‍රගීත් එක්නැලිගොඩ අතුරුදහන් වීම සහ මාධ්‍යවේදී කීත් නොයාර්ට පහර දීමට සම්බන්ධ බවට සැක කෙරෙන හමුදා බුද්ධි අංශ නිලධාරීන්ද මෙලෙස අත්අඩංගුවට ගැනීම් පසුගිය කාලයේ සිදු කරනු ලැබුණි.
හමුදා බුද්ධි අංශ එම අපරාධවලට සම්බන්ධ නම් පරීක්ෂණ ඉදිරියට ගෙන ගොස් ඔවුන්ට උපදෙස් දුන් පුද්ගලයන් අත්අඩංගුවට ගැනීමට පොලිසිය තවමත් අසමත්වීම සම්බන්ධයෙන් ද සමාජ කතිකාවක් ඇත.
සාක්ෂි නොමැති වීම එවැනි අත්අඩංගුවට ගැනීම්වලට බාධාවක් වී ඇති බව එක් අතකින් ප්‍රකාශ වෙන අතර , ආරක්ෂක අංශයේ හිටපු ප්‍රධානීන් අත්අඩංගුවට නොගන්නා ලෙස ආණ්ඩුවේ ප්‍රබලයකුගෙන් නියෝගයක් ලැබී ඇතැයි තවත් පිරිසක් පවසති.
විශේෂයෙන්ම රණවිරුවන් අත්අඩංගුවට ගන්නා බවට එල්ල වෙන චෝදනා වලින් මිදීම සඳහා ආරක්ෂක අංශයේ හිටපු ප්‍රධානීන් අත්අඩංගුවට ගැනීම වළක්වා ඇත යන්න ඔවුන්ගේ මතය වෙයි.
ලසන්ත වික්‍රමතුංග ඝාතනයෙන් හිටපු ආරක්ෂක ලේකම් ගෝඨාභය රාජපක්ෂගේ මෙන්ම හිටපු හමුදාපති සරත් ෆොන්සේකාගේ නම් කියැවුණත් ඔවුන් දෙදෙනා විසින්ම එම ප්‍රකාශන ප්‍රතික්ෂේප කරනු ලැබ ඇත.
"මේ ගැන කතා කරලා වැඩක් නැහැ, ඔක්කොම හොයා ගත්තාය කියල කිව්වා. නමුත් මොකුත් වෙන්නේ නැහැ. අපි දැන් ඒ ගැන කතා කරන්නේවත් නැහැ. මොකද එය කාලය නාස්ති කිරීමක් විතරයි" සන්ඩේ ලීඩර් හිටපු මාධ්‍යවේදිනී මන්දනා ඉස්මයිල් තම කතුවරයා ගේ ඝාතනය ගැන සිදු කෙරෙන පරීක්ෂණ ගැන බීබීසි සිංහල සේවයට අදහස් දක්වමින් කියා සිටියාය.


ලසන්ත වෙනුවෙන් ශෝකයට පත් පවුලේ ඥාතීන් සොහොනේ ඉටිපහන් දල්වන ලද මොහොත
 ලසන්ත වෙනුවෙන් ශෝකයට පත් පවුලේ ඥාතීන් සොහොනේ ඉටිපහන් දල්වන ලද මොහොත

ශ්‍රී ලංකාවේ මාධ්‍යවේදීන්ට සහ මාධ්‍ය ආයතනවලට එරෙහිව සැලසුම් සහගතව සිදු කළ අපරාධ සම්බන්ධයෙන් පරීක්‍ෂණ අවසන් කොට, යුක්තිය ඉටු කිරීමක් ඉතිහාසය පුරා ම සිදු වී නොමැති බව නිදහස් මාධ්‍ය ව්‍යාපාරය පසුගිය දා ප්‍රකාශ කළේය.
ජනමාධ්‍යවේදීන් වෙනුවෙන් යුක්තිය ඉටු කිරීම සඳහා පූර්ණ බලැති ජනාධිපති කොමිසමක් පත් කරන ලෙස නිදහස් මාධ්‍ය ව්‍යාපාරය ඇතුළු ජනමාධ්‍ය සංවිධාන ජනාධිපති මෛත්‍රිපාල සිරිසේනගෙන් අවස්ථා ගණනාවක දී ඉල්ලීම් කර ඇත.

bbc sinhala-

Image copyrightGetty Images/LAKRUWAN WANNIARACHCHI                                                        

0 comments:

ආණ්ඩුව වට්ටන්න පුළුවන් - උපුල් ජෝශප් ප්‍රනාන්දු

අන්තර්ජාලයෙන් සිහින ලෝකයට පිවිසෙන ලාංකික නිරුවත් ම්ලේච්ඡයෝ -- W3Lanka

ගෙදර මිදුල නොව මේ සුද්ද කරන්නේ මහා රක්‍ෂිතයකි (කැලෑ පාළුවා යන්නට සමාන වචනයක්‌ වේ නම් ඒ දේශපාලුවාය)

ඇමතිලාගේ සැප ගැන....

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

මාධ්‍යවේදී නිමලරාජන් ඝාතනය කර වසර 15යි. ඝාතකයින් තවමත් සුවසේ නිදැල්ලේ?

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු