sponsor

sponsor
Theme images by kelvinjay. Powered by Blogger.

Slider

Sample Text

Follow by Email

Video Of Day

වීඩියෝ

දේශපාලන

උණුසුම් පුවත්

news

politics

Journalist

video

සහරාන් කොළඹ ඉස්කෝලේ ගියා නම් මේ ප්‍රහාරය නොකරයිද I Deepthi Gunarathna

සහරාන් කොළඹ ඉස්කෝලේ ගියා නම් මේ ප්‍රහාරය නොකරයිද I Deepthi Gunarathna

අර්බුදය කෙළවර වනු ඇත්තේ මහා විනාශයකිනි - වික්ටර් අයිවන්

වික්ටර් අයිවන්
(2018 නොවැම්බර් 23, )මෛත්‍රීපාල සිරිසේන ජනාධිපතිවරයාට පෙර ජනාධිපති ධුරය හෙබවූ අය අතරින්ජේ.ආර්. ජයවර්ධන හා මහින්ද රාජපක්ෂ පදවියේ බලපරාක්‍රමය හා තේජස වැඩියෙන්ම ප්‍රදර්ශනය කළ ජනාධිපතිවරුන්ලු දෙදෙනා ලෙස සැලකිය හැකිය. ඒලු දෙදෙනාට එසේ කරන්නට අවශ්‍ය තරම් බලය ඔවුන් හොබවන ලද ජනාධිපති ධුරයෙන් ඔවුන්ට ලැබී තිබුණි. ජේ.ආර්. ජයවර්ධනගේම වචනවලින්කියතොත් ජනාධිපතිට පුළුවන්කම නොතිබුණේ පිරිමියෙක් ගැහැනියක් කරන්නට හා ගැහැනියක් පිරිමියෙක් කරන්නට පමණය. ජනාධිපතිවරයකු පිස්සු වැටුණු තත්ත්වයකට පත්වුවහොත් ඔහු තනතුරෙන්ඉවත් කරන්නට දීර්ඝ කාලයක් ගතවන නිසා “අපට නුසුදුසු ජනාධිපතිවරයකු පමණක් නොව, පිස්සු වැටුණු ජනාධිපතිවරයකු ගැන පවා ඉවසිලිවන්ත වීමට සිදුවන බවලු කීවේ ව්‍යවස්ථා විශාරදයකු වන කොල්වින්ආර්. ද සිල්වාය.
සුභ සහ යස
බලය ප්‍රදර්ශනය කිරීමේදී මෛත්‍රීපාල සිරිසේන ජනාධිපතිවරයා මේ මොහොතේදී රඟදක්වමින් තිබෙන සංදර්ශනය හිටපු ජනාධිපතිවරුන් කවරෙක්වත් මීට පෙර රඟදක්වා නැති අසමසම ගණයෙහිලා සැලකිය හැකි සංදර්ශනයක් ලෙස සැලකිය හැකිය. එම සංදර්ශනයේ තිබෙන මහජනයා හෝ රාජ්‍ය නිලධාරීන් ඇතුළු පොලිසිය හා ත්‍රිවිධ හමුදාව තවමත් හඳුනා ගෙන නැති වැදගත් ලක්ෂණයක් ලෙස සැලකිය හැක්කේ මෛත්‍රීපාල සිරිසේන ජනාධිපතිවරයා ඒ සියල්ල එසේ කරමින් සිටිනුයේ එසේ කිරීමට අවශ්‍ය බලයක් නැතුව බවය. පරණ ජනාධිපතිවරුන් සමග ගත් විට මෛත්‍රීපාල සිරිසේන ජනාධිපතිවරයා සැලකිය හැක්කේ බොහෝ දුරකට විධායක බලය අහිමි කරනු ලැබූ නාමමාත්‍රික ජනාධිපතිවරයකු වශයෙනි. 19 වැනි සංශෝධනය මගින් ජනාධිපතිවරයාට තිබූ එම බලය අහෝසි කරන ලදි. ජනාධිපතිවරයා හැසිරෙන්නේ සිංහයකු ලෙසිනි. එහෙත් ව්‍යවස්ථාව අනුව ඔහු සිංහයකු නොව, සිංහ වෙස් ගත් පුද්ගලයකු පමණය. එහෙත් සිංහ වෙස් ගත් පුද්ගලයා සැබෑ සිංහයකු සේ ජනතාව බියගැන්වීමට සමත් වී තිබේ. මෙය ‘සුභ සහ යස’ නාටකයේ නිර්මාණශීලී නව සංස්කරණයක් ලෙස සැලකිය හැකිය.
යස වෙනුවට රජවී සිටියේ සැබෑ රජු නොව දොරටුපාලයා වුවත් මහජනයා ඒ බව දැන නොසිටියේය. ඔවුන් සුභ දැක්කේ සැබෑ රජු ලෙසය. එම මංමුලාව මේ අර්බුදය තුළද ඊට වෙනස් ආකාරයකින්ක්‍රියාකරනු දැකිය හැකිය. 19 වැනි සංශෝධනයේ හොඳ නරක කුමක් වුවත් එම සංශෝධනය ජනාධිපතිවරයාට තිබෙන විධායක බලය ඉවත් කොට ජනාධිපතිවරයා විශාල ප්‍රමාණයකට නාමමාත්‍රික ජනාධිපතිවරයකුගේ තත්ත්වයකට පත් කළේය. මෙම ව්‍යවස්ථා සංශෝධනය අගමැතිවරයා තමන් වෙත බලය හිමිකර ගැනීමේ අරමුණින් ක්‍රියාවට නගන ලද්දක්වීම හේතු කොටගෙන ජනාධිපතිවරයාගේ බලතල කප්පාදු කිරීමට හේතුවූ මෙම ව්‍යවස්ථා සංශෝධන ගැනවත් බලතල විෂයෙහි එය ඇති කරන ලද වෙනස්කම් පිළිබඳවත් මහජනයාට කරුණු පැහැදිලි කිරීමෙන් වැළකී සිටින ප්‍රතිපත්තියක් ක්‍රියාත්මක විය. අනෙක් අතට ජනාධිපතිවරයා තේරී පත්වී තිබුණේ පරණ ක්‍රමයටය. බලතල අහිමි කිරීමක් සිදුවූයේ ඉන්පසුවය. ජනාධිපතිවරයා යහපාලන ආණ්ඩුවේද නායකයා වීම හේතු කොටගෙන බලතල අහිමිකර තිබියදීත් ධුරයට ආවේණික පරණ තේජස භුක්ති විඳීමට ජනාධිපතිවරයාට ඉඩදී තිබුණි. ඒ නිසා ජනාධිපතිවරයා පෙර භුක්ති විඳි බලතල රාශියක් අහිමි කිරීම තුළ ජනාධිපතිවරයා විශාල ප්‍රමාණයකට නාමමාත්‍රික ජනාධිපතිවරයකුගේ තත්ත්වයට පත් කර තිබෙන බව මහජනයා තබා රාජ්‍ය නිලධාරීහුවත් හරි හැටි නොදැන සිටියේය. කොටින්ම 2020 ජනාධිපතිවරණයට තරග කරන්නට උනන්දුවක් දැක්වූ අපේක්ෂකයෝ පවා එම යථාර්ථය දැන නොසිටියහ. 19න් බිහිවී තිබෙන ජනාධිපතිවරයා නාමමාත්‍රික ජනාධිපතිවරයකු මිස විධායක බලතල ඇති ජනාධිපතිවරයකු නොවේය කියන විවාදය පළමුවරට කරළියට ගෙනාවේ මෙම ලියුම්කරුය. ජනාධිපතිවරයා ආණ්ඩු වෙනසක් ඇති කරන ප්‍රාතිහාර්ය ක්‍රියාවට නගන ලද්දේද ඒ විවාදය පැවති කාලයේදීමය.
නැති බලයක් ආරෝපණය කරගැනීම
දැන් සියලු දෙනා විස්මයට පත්කිරීමට හේතුවන ලෙස ඉහළ අහසේ පියාඹමින් කරණම් ගසමින් සිටින්නේ අගමැති රනිල් වික්‍රමසිංහ විසින්පියඹා යන්නට නොහැකි වන ලෙස තටු කපනු ලැබූ ජනාධිපති කුරුල්ලාය. මීට පෙර සිටි ජනාධිපතිවරුන් ව්‍යවස්ථාව උල්ලංඝනය කළේ ව්‍යවස්ථාවටවත් පාලනය කරන්නට බැරි තරමට ඔවුන්ට තිබූ අසීමිත බලය නිසාය. එහෙත් මේ ජනාධිපතිවරයා එසේ කර තිබෙන්නේ එවැනි බලයක් නොතිබියදීය. පරණ ක්‍රමය යටතේ ජනාධිපතිවරයාට අගමැතිවරයාගේ සිට කැබිනට් මණ්ඩලයේ සිය ලු දෙනා ඉවත් කොට තමන් කැමති අගමැතිවරයකු ඇතුළත් කැබිනට් මණ්ඩලයක් පත්කිරීමේ බලය තිබුණි. පාර්ලිමේන්තුව කල් තැබීමේ බලය තිබුණු අතර පාර්ලිමේන්තුවේ කාලය අවුරුද්දක් සම්පූර්ණවීමෙන් පසුව ජනාධිපතිවරයා කැමති ́නෑම අවස්ථාවක පාර්ලිමේන්තුව විසුරුවා හැරීමේ බලයද තිබුණි. එහෙත් 19 වැනි සංශෝධනයෙන් ඇති කර තිබෙන ජනාධිපතිට අගමැතිවරයා තීරණය කළ නොහැකිය. කැබිනට් මණ්ඩලය තීරණය කළ නොහැකිය.පාර්ලිමේන්තුවේ බහුතර බලයක් තිබෙන පක්ෂයේ නායකයා අගමැති වන විට කැබිනට් මණ්ඩලය තීරණය කරන්නේද අගමැතිය. ජනාධිපතිවරයාට එසේ තේරී පත්වන අගමැති ඇතුළු කැබිනට් මණ්ඩලය වෙනස් කළ නොහැකිය. වෙනස් කළ හැක්කේ අගමැති ප්‍රමුඛ කැබිනට් මණ්ඩලයට එරෙහිව ඉදිරිපත් වන විශ්වාසභංග යෝජනාවකින් පරාජය වන අවස්ථාවකදී පමණය.
ජනාධිපතිවරයා අගමැති ඇතුළු කැබිනට් මණ්ඩලය ඉවත් කොට පාර්ලිමේන්තුවේ බහුතර බලයක් නොතිබුණු ප්‍රතිපක්ෂයට ආණ්ඩු බලය ලැබෙන ආකාරයට නව අගමැතිවරයකු ඇතුළු නව කැබිනට් මණ්ඩලයක් පත් කරන ලද්දේද, ඉන්පසු පාර්ලිමේන්තුව කල් තබා පාර්ලිමේන්තුව විසුරුවා හැරියේද ව්‍යවස්ථාවෙන්ලැබී තිබෙන බලයක් අනුව නොව, තමන් වෙත ආරෝපණය කරගන්නා ලද කෘත්‍රිම බලයකිනි. එය ව්‍යවස්ථාව ගැන හරි වැටහීමක් නැතිව කරන ලද වරදක් ලෙස පෙනෙන්නේ නැත. ජනාධිපතිවරයාගේ අභිලාෂය අවංක වී නම් මෙවැනි වැඩසටහනකට අතගසන්නට පෙර එවැනි ක්‍රියාමාර්ගයක් නීත්‍යනුකූලද, ව්‍යවස්ථාවට අනුකූලද යන්න ශ්‍රේෂ්ඨාධිකරණයෙන් කරුණු විමසා දැනගැනීමේ හැකියාවක් තිබුණි. එම අවකාශය ප්‍රයෝජනයට නොගත්තේ බාධාවකින්තොරව තමන්ගේ හිතුවක්කාරී හා සාහසික වැඩසටහන ක්‍රියාවට නැගීමේ අරමුණින්වන බව තේරුම් ගැනීම අමාරු නැත.
ජනාධිපතිවරයා තෝරා ගත් මාර්ගය අසම්මතය. සදාචාර විරෝධීය. ප්‍රජාතන්ත්‍ර විරෝධීය. ඉතාමත් බිහිසුණු සේ ම පරමාණු බෝම්බයක් තරම්ම විනාශකාරීය. ජනාධිපතිවරයා දේශපාලන අර්ථයෙන් රඟපාමින් තිබෙන්නේ මරාගෙන මැරෙන බෝම්බකාරයකුගේ භූමිකාවට සමාන භූමිකාවකි. ජනාධිපතිවරයාගේ අලුත්  ව වෛරක්කාරයා බවට පත්ව සිටින රනිල් වික්‍රමසිංහ පමණක් නොව, තමන් බලයට පත් කළ සිය ලුසංවිධාන හා එම ජනතාව සමඟත්, මේ මොහොතේ බොරු ආදරයක් මවාපාමින් වැලඳගෙන සිටින තමන්ගේ පරණ වෛරක්කාරයා වූ මහින්ද රාජපක්ෂත්, ඔහුගේ අනුගාමික ජනතාවත් තමන් සමගම මුළු රටත් විනාශ කිරීමේ හා ඒ සියලු දෙනාගෙන් පළිගැනීමේ අරමුණින් ක්‍රියාවට නගන ලද බිහිසුණු හා දුෂ්ට වැඩසටහනක් ලෙස සැලකිය හැකිය.
අර්බුදය කල්තියා දැකීම
මහින්ද රාජපක්ෂ ආණ්ඩුව පරාජය කිරීම සඳහා නිර්පාක්ෂික පොදු අපේක්ෂකයකු කරලියට ගැනීම පිළිබඳ සංකල්පය මහින්ද විරෝධී බලවේගයන් කුල්මත් කරන මත් පෙත්තක් බවට පත්ව තිබුණු අවස්ථාවකදී එම සංකල්පය ප්‍රසිද්ධියේ විවේචනයට ලක් කළ එකම පුද්ගලයා මා විය හැකිය. මා ඒ ගැන සෝභිත හිමියන් හමුවී ඒ හිමියන්ටද අනතුරු ඇඟවීමක් කළෙමි. කොහෙන් හෝ ඇහිඳගෙ එන මිනිසකු යොදාගෙන මහින්ද පරාජය කළත් ජයග්‍රාහී මිනිසා ඊළඟට හිතුවක්කාරී ලෙස ක්‍රියාකරන තැනකට ගියහොත් ඔහු පාලනය කරන්නට තිබෙන ක්‍රමය කුමක්දැයි මම සෝභිත හිමියන්ගෙන් ප්‍රශ්න කළෙමි. සෝභිත හිමියන් මාලු දෙස බලා සිටියා මිස මා නගන ලද ප්‍රශ්නයට කිසිදු පිළිතුරක් දුන්නේ නැත. ඒ වනවිට මහජනයාගේ මහත් ආස්වාදයට හේතුවී තිබුණු සාධාරණ සමාජයක් සඳහා වන ව්‍යාපාරයේ සීමිත ප්‍රතිසංස්කරණ වැඩපිළිවෙළද මාගේ බලවත් විරෝධයට හා විවේචනයට හේතුවිය. සරල ව්‍යවස්ථා සංශෝධනයක් මගින් ආණ්ඩු ක්‍රමයක් තුළ තිබෙන වැරදි හෝ අඩුපාඩුකම් නිවැරදි කළ හැකි වුවත් සරල ව්‍යවස්ථා සංශෝධනයක් මගින්එක් ආණ්ඩු ක්‍රමයක් නැති කොට තවත් අ ලුත්ආණ්ඩු ක්‍රමයක් ඇති කළ නොහැකි බවත්, එය පිළිගත් ව්‍යවස්ථා සම්පාදන මූලධර්මයන්ට මුළුමනින් පටහැනි බවත් ජයම්පති වික්‍රමරත්න සාධාරණ සමාජයක් සඳහා වන ව්‍යාපාරය වෙනුවෙන්ඉදිරිපත් කර තිබෙන 19 වැනි සංශෝධනය මුළු මහත් ආණ්ඩු ක්‍රමය අවුල් ජාලාවක් බවට පත් කොට රට අරාජික තත්ත්වයකට තල් ලුකිරීමට හේතුවනු ඇති බවත් මම කියා සිටියෙමි. ඒ අවස්ථාවේදීවත් මා කරන ලද අනතුරු ඇඟවීම තේරුම් ගැනීමට අවශ්‍ය හික්මීම හා පරිචය යහපාලන වැඩසටහන කරට ගත් නායකයන්ට නොතිබුණි. එම නිශ්චිත මොහොතේදී රාවය පවා නිල වශයෙන් පෙනී සිටියේ 19 වැනි සංශෝධනය වෙනුවෙනි. රාවය ඇතුළු බොහෝ විචාරකයන්ට 19 වැනි සංශෝධනය වෙලාගෙන තිබූ විනාශකාරී පිළිකාව නොපෙනුණේය.
ඔවුන්ට පෙනුණේ බාහිර ආටෝපය සඳහා එයට එල්ලා තිබුණ තොරතුරු පනත, ජනාධිපතිගේ නිල කාලය අවුරුදු පහ දක්වා අඩු කිරීම, ජනාධිපතිගේ බලතල සීමා කිරීම වැනි දිළිසෙන දේවල් පමණය. 19 වැනි සංශෝධනය අවුල්සහගත ආකාරයට වුවත් සම්මත කරගැනීමෙන් පසුව ඊළඟට ඇතිවිය හැකි ලොකු අර්බුදයක් ගැන පුනරුද ව්‍යාපාරය වෙනුවෙන්රටට ලොකු අනතුරු ඇඟවීමක් කළෙමි. 19 වැනි සංශෝධනය රටේ ආණ්ඩුක්‍රම ව්‍යවස්ථාව අංගවිකල තත්ත්වයකට පත් කොට සමස්ත ආණ්ඩු ක්‍රමය අවුල් ජාලාවක් බවට පත්කිරීමට හේතුවී තිබෙන බවත්, ඒ නිසා ලංකාව ලොකු අරාජික තත්ත්වයකට තල් ̈වීමට ඉඩ තිබෙන බවත් කීවෙමි. ඉන්පසු ව්‍යවස්ථා අර්බුදය කරලියට එන්නට පෙර මාස කිහිපයක් තිස්සේම ජනාධිපතිවරණයට පෙර ලංකාවේ ලොකු ව්‍යවස්ථා අර්බුදයක් ඇතිවීමට ඉඩක් තිබෙන බවත් දැන් ලංකාව තිබෙන්නේ පූර්ණ අරාජකත්වයක මුව විට බවත් පුන පුනා කීවෙමි. පුනරුද ව්‍යාපාරය විසින්ප්‍රකාශිත එම අනාවැකියද දැන් හොඳින් සනාථ වී තිබෙන්නේ යැයි කිව හැකිය.
අවසානය
ජනාධිපතිගේ මරාගෙන මැරෙන දේශපාලන ක්‍රියාන්විතය දුරගොස් තිබෙන තරම අනුව එම වැඩසටහන පරාජය කිරීමේ හැකියාවක් නැත. ඔහු විසින්රට මත හෙළන ලද පරමාණු බෝම්බය එහි අවසානය දක්වාම පුපුරනු ඇත. ඉන් රටට සිදුවනු ඇති විනාශයද අතිවිශාලය. එය එක යුගයක් මුළුමනින්අවසන් කිරීමට හේතුවනු ඇත. රනිල් වික්‍රමසිංහ, මහින්ද රාජපක්ෂ පමණක් නොව පරණ යුගයේ සිය ̈ම නායකයන්ද, කුණුවී තිබෙන රාජ්‍ය හා සිය ලුආයතන ක්‍රමද ආණ්ඩු ක්‍රමය හා ව්‍යවස්ථාවද මුළුමනින් නැති භංග කිරීමට හේතුවනු ඇත. රටේ සමස්ත ආර්ථිකයද විනාශ කිරීමට හේතුවී රට පූර්ණ බංකොළොත් තත්ත්වයකට පත්කිරීමට හේතුවී රටේ මහජනතාවද නොමරා මරණ තත්ත්වයකට පත්කිරීමට හේතුවනු ඇත.
ඊළඟ යුගය ආරම්භ කිරීමට සිදුවනු ඇත්තේ මහා විනාශයකින් පසු එය ඉතිරි කරන අළු දූවිලි හා සුන්බුන් මත්තෙහිය. සෑමලු දෙයක්ම අලුතෙන් ගොඩ නගා ගන්නා තැනකින්කටයුතු ආරම්භ කිරීමට රටට සිදුවනු ඇත. ජනතාවට ප්‍රඥාව තිබේ නම් ජපනුන්ට හා ජර්මනුන්ට මෙන් ඇතිවූ මහා විපත සැපතක් බවට හරවා ගැනීමේ පුළුවන්කමක්ද ඇත්තේය.

වික්ටර් අයිවන්
2018 නොවැම්බර් 23,

මේ ඛේදවාචකයට නිශ්චිතවම වගකියන්න ඹ්න දේශපාලන තන්ත්‍රය - පුබුදු ජයගොඩ

 https://www.youtube.com/watch?v=JLpCZ1uYr6k
මේ ඛේදවාචකයට නිශ්චිතවම වගකියන්න ඹ්න දේශපාලන තන්ත්‍රය - පුබුදු ජයගොඩ

අපෙු්ල් 21 ඇතිවුණ මහා ඛේදවාචකය සම්බන්ධයෙන් පක්ෂයේ අදහස ප්‍රකාශ කිරීම සඳහා පෙරටුගාමී සමාජවාදී පක්ෂය විසින් 2019 අප්‍රේල් 25 දින පැවැත්වූ මාධ්‍ය සාකච්ඡාව...

මෙම මාධ්‍ය සාකච්ඡාවේ අදහස් දැක්වීම පක්ෂයේ අධ්‍යාපන ලේකම් පුබුදු ජයගොඩ විසින් සිදුකළ අතර පක්ෂයේ ප්‍රචාරක ලේකම් දුමින්ද නාගමුවද මේ සඳහා සහභාගි විය.

දුවේ පුතේ, පැපොල් ඇට ලොන්තයො වෙන්න එපා - උපුල් ශාන්ත සන්නස්ගල - Lanka-Journalist

දුවේ පුතේ,
1971 තරුණ කැරැල්ලක් ගැන අහලා ඇති. මං එතකොට දෙක වසරෙ. ට්‍රැක්ටර්වල පිටිපස්සෙ තරුණ කොල්ලො කෙල්ලො බාගෙට මරල ගෙනියනව මං දැකලා තියෙනවා. ඒ මිය ගිය ගණන දැන් ඔබට බිංදු ගොඩක් තියෙන සංඛ්‍යාලේඛනයක් වෙන්න පුළුවන්. විසාලාවෙ වගෙ දුර්භාග්‍ය දුර්භික්ෂයක් ආව ඊට පස්සෙ. ඒ අවාසනාවන්ත පරම්පරාවට අයිති වැඩිහිටියෙක් මම. තිස් වසරක් නොකඩවා භාෂාවට වඩා යමක් උගන්වන්න මං උත්සාහ කළා. මිනිස්සු ගැන. පළල් දියුණු මිනිස්කම් ගැන.
1977 ඉදලා සිරිල් මැතිව් ජාතිවාදි පොත් ලීව .ගාමිණී ජයසූරිය ජාතිවාදි දේශනා කළා .උන්ගෙ දේශපාලන වුවමනාට යාපනය පුස්තකාලය ගිනි තිබ්බා.ඒකෙ ප්‍රතිඵල එන්න ගත්තෙ 83.
1983 ජූලි කලබල වෙද්දී මං උසස් පෙළ පන්තියෙ. අත්තිඩියෙ ගල්කිස්සේ රත්මලාන දෙහිවල සම හරක්, මිනිස්සු මරනව දැක්ක ඇස් අපිට තියෙන්නේ. ඒ ඇස් ආයෙත් අවාසනාව දකිමින්. අපි තිස් අවුරුද්දක් යුද්ධය දැක්ක. මේක මිනී කනත්තක් වුණා. මේ මහපොළොව අවුරුදු දහයෙන් දහයට මිනී ඉල්ලනවා. ලේ විලක් ඉල්ලනවා. ඉතිහාසයේ අදාහනාගාර උඩ පාලකයො බලය ඉල්ලුවා. ජාතිවාදී රැළ, ආගම්වාදී පෙරහැර දැන් ඉල්ලන්නෙ ආයෙත් මරණය. 200ක් හිටපු කොටි 20000ක් කරේ 83 කළු ජූලිය.

අවුරුදු තිහක් තිස්සෙ මිනී කඳු ගොඩ ගහමින් අපි අත්වින්දෙ අපි ඒ වැපිරූ දේවල්වල අස්වැන්න.

1988-89 තරුණ නැඟිටීම මරණය ගැන සංඛ්‍යාලේඛනයක් නෙවෙයි.

අප්‍රේල් 21න් පස්සෙ දාමින් ඉන්න මේ ඇඳිරිනීතිය, බොහෝ විට ඕගොල්ලන්ගෙ ජීවිතේ පළවෙනි ඇඳිරිනීති අත්දැකීම වෙන්න ඇති. ඒත් අපි ඒ වගේ ඇඳිරිනීති ගණනාවක් පහු කරගෙන ආවා. අවුරුදු දහයෙන් දහයට විස්සෙන් විස්සට මේ රටේ මිනිස්සුන්ගෙ ලේ හැලෙන විදිහ අපි දැක්කා. ඒවට හේතු වුණ ජාතිවාදී ක්‍රියාකාරකම් මොනවද කියල අපි දැක්කා. මිනිස්සුන්ව ජාතිවාදයෙන් අන්ධ කරේ දේශපාලකයො බවත් දැක්කා. දැන් ඒ ඉතිහාසය නැවත සිද්ධ වෙමින් තියෙනවා.

ත්‍රස්තවාදයෙන් ජාතිවාදයෙන් අපේ ළඟම හිටපු සමීපතමයන් මියගියා. අපේ සමීපතමයා ත්‍රස්තවාදී දෙමළෙකු අතින් මියගියා කියල අපි සියලු දෙමළු කැති ගාන්න ගියේ නෑ. එරෙහි විය යුත්තේ ත්‍රස්තවාදයට මිසක් අනෙක් ජාතියට නෙමෙයි.

ලෝකය ගැන ඉතාම පටු කියවීමක් තියන ඕගොල්ලන්ට මේ කිසිවක් ගැන කිසිම දැනීමක් හෝ අදහසක් හෝ දෘෂ්ටිවාදයක් නැති බව පැහැදිලියි. දෙමාපියන්ගෙන් වැඩිහිටියන්ගෙන් අහන්න. කියවන්න. ඉතිහාසය හොයන්න. වැරදුණ තැන් හරි ගස්සගන්න. ගිනි අවුළන එක ක්ෂණිකව කරන්න පුළුවන්. හැබැයි ඇවිළුණ ගිනි නිවන්න පරම්පරා ගානක් ගත වෙනවා.

මේ ඊයෙ පෙරේදා ඉපදුණ ඕගොල්ලො නොදන්න ලංකාවෙ ඉතිහාසය. මේක එකම රටාවකට කාලෙන් කාලෙට ලංකාවෙ දේශපාලනය ඇතුළෙ සිද්ධ වෙන්නක්. ඕගොල්ලො ඔක්කෝම මේ ෆේස්බුක් එකේ දඟලන්නෙ ඒ විදිහට දේශපාලකයන්ගෙ ලණු ගිලල කියල ඕගොල්ලො දන්නෙත් නෑ.

මෙච්චර සරලව පැහැදිලි කරලත් තේරෙන්නෙ නැත්තං උඹලට අනුකම්පා කරනව ඇර කරන්න දෙයක් නෑ. මේ ටික ලීවෙත් මෙලෝ හසරක් නොදැන ෆේස්බුක් එකේ දඟලන හිස් ඔළුගෙඩි සංඛ්‍යාව දැක්කම පව් කියල හිතෙන නිසා. ලංකාවෙ දේශපාලන ඉතිහාසය ගැන කිසිම අදහසක් නැතිව ෆේස්බුක් එකේ කුණුහරප ලිවීමෙන් වීරයෙක් වෙන්න පුළුවන් කියල හිතන් ඉන්නව නම් උඹලට පැපොල් ඇට ලොන්තයො කියන නම හොඳ වැඩියි.

උපුල් ශාන්ත සන්නස්ගල

ලංකා ඉතිහාසයේ මන්ත්‍රී ධුර දෙකක්‌ අහිමි කළ ඡන්ද පෙත්සම

1931 ඩොනමෝර් ආණ්‌ඩුක්‍රමය යටතේ දෙවැනි රාජ්‍ය මන්ත්‍රණ සභා මැතිවරණය 1936 මාර්තු මාසයේ දී පැවැත්වුණි. ලංකා ඡන්ද කොට්‌ඨාස 50 බෙදා පැවැති අතර ඒ සඳහා සර්වජන ඡන්ද බලය යටතේ මන්ත්‍රීන් තෝරා ගැනීම සිදුවිය. මෙම මැතිවරණයේ දී මන්ත්‍රීවරු 07 දෙනකු නිතරගයෙන් පත්වූ අතර හිටපු මන්ත්‍රීවරු 18 දෙනෙක්‌ පරාජය වූහ. නිතරගයෙන් පත්වූ 07 දෙනා නම්

1. ඩී. එස්‌. සේනානායක - මිනුවන්ගොඩ

2. සර් ඩී. බී. ජයතිලක - කැලණිය

3. එස්‌. ඩබ්. ආර්. ඩී. බණ්‌ඩාරනායක-වේයන්ගොඩ

4. ඩබ්ලිව්. දොරේසාමි - කයිට්‌ස්‌

5. ඡේ. එල්. කොතලාවල - කුරුණෑගල

6. ජී. සී. එස්‌. කොරයා - හලාවත

7. එච්. ආර්. ප්‍රීමන් - අනුරාධපුර

දෙවැනි රාජ්‍ය මන්ත්‍රණ සභා මැතිවරණයෙන් පසුව අතුරු මැතිවරණ 24 ක්‌ පවත්වා ඇත. මෙසේ වීමට එක්‌ හේතුවක්‌ වූයේ 1941 දී කාලය අවසන් විය යුතු වූ නමුත් දෙවැනි ලෝක යුද්ධය නිසා රාජ්‍ය මන්ත්‍රණ සභාවේ නිල කාලය 1947 ජුලි දක්‌වා දීර්ඝ කිරීමයි.

1936 දී උතුරු කොළඹ ආසනය සඳහා ඉදිරිපත් වූ නේසම් සරවනමුත්තු මහත්මිය වැඩි ඡන්ද 4943 කින් ජයගෙන තිබුණි. රාජ්‍ය මන්ත්‍රණ සභාවට තේරීපත් වූ ප්‍රථම සහ එකම ද්‍රවිඩ මන්ත්‍රීවරිය වූයේ ඇයය. පක්‌ෂ දේශපාලනයන් නොවූ බැවින් පුද්ගලයෝ තනි තනිව තරග කළත් යටින් විවිධ බලවේග ක්‍රියාත්මක විය.

ඡන්ද

නේසම් සරවනමුත්තු - - 9752

ජෝෂප් ද සිල්වා - " - 4809

ඇස්‌. සී. පෝල් - " - 2858

ඇස්‌. ඇµa. ආර්. රුද්‍රිගෝ - " 2424

වැඩි ඡන්ද - " - 4943

නේසම් සරවනමුත්තු මහත්මිය 1941 දී මියගිය අතර ඒ වෙනුවෙන් අතුරු මැතිවරණයක්‌ පැවැත්විණි. දේශපාලන වශයෙන් එදා ජනප්‍රියව පැවැති ලංකා ජාතික සංගමයේa කම්කරු නායක ඒ. ඊ. ගුණසිංහ මහතාගේත් බලය උරගා බැලීමේ සටනක්‌ වූ මේ සඳහා ජාතික සංගමයේ අපේක්‌ෂකයා ලෙස ඒවන විට කොළඹ නගරාධිපති වූ දොස්‌තර සරවනමුත්තු මහතා ඉදිරිපත් කළේය. කම්කරු නායක ඒ. ඊ. ගුණසිංහ මහතා තම මස්‌සිනා වන එම්. ඡේ. ද සිල්වා මහතා තරගයට ඉදිරිපත් කළේය. එදා දේශපාලන පොරපිටියේ ප්‍රබලයන් වූ ඩී. ඇස්‌. සේනානායක, සර්. ජෝන් කොතලාවල, ඡේ. ආර්. ජයවර්ධන, ඩඩ්ලි සේනානායක වැන්නවුන් දොස්‌තර සරවනමුත්තු මහතා වෙනුවෙන් සහයෝගය දැක්‌වූ නමුත් ජයගනු ලැබුවේ ඒ. ඊ. ගුණසිංහ මහතාගේ මස්‌සිනා වූ ඇම්. ඡේ. ද සිල්වා මහතාය. ජයග්‍රහණය සමඟම ඊට විරුද්ධව තවත් ඡන්ද පෙත්සමක්‌ ඉදිරිපත් කරන ලදී. ඇම්. ඡේ. ද සිල්වා මහතා සහ ඔහුගේ ආධාරකරුවන් මැතිවරණ දූෂණවල යෙදුණු බවට ඉන් චෝදනා කෙරිණ. 1941 දෙසැම්බර් 22 වැනි දින මැතිවරණ පෙත්සම පිළිබඳ තීන්දුවක්‌ ලබාදුන් ඇම්. ටී. අක්‌බාර් විනිශ්චයකාරතුමා ජයග්‍රාහී අපේක්‌ෂක ඇම්. ඡේ. ද සිල්වා මහතා සහ ඔහුගේ ආධාරකරුවන් මැතිවරණ දූෂණවල යෙදී ඇති බව ඔප්පු වන බැවින් උතුරු කොළඹ මන්ත්‍රී ධුරය අහිමි කරන ලදී. දූෂණ කටයුතුවල යෙදීමට ඔහුට ආධාර අනුබල දුන් පුද්ගලයකු ලෙස ඒ. ඊ. ගුණසිංහ මහතා වැරදිකරුවකු කරනු ලැබූවෙන් මැද කොළඹ වැඩි ඡන්ද 2934 ක්‌ ජයගෙන තිබූ මන්ත්‍රී ධුරය ඒ. ඊ. ගුණසිංහ මහතාට අහිමි විය.

ඡන්ද

ඒ. ඊ. ගුණසිංහ - 16011

ටී. බී. ජයා - " 13077

වැඩි ඡන්ද - " 2934

මන්ත්‍රී ධුරය අහිමි වූවා පමණක්‌ නොව අවුරුදු 07 කට සිවිල් අයිතිවාසිකම්ද ඒ. ඊ. ගුණසිංහ මහතාට අහිමි විය. මෙසේ තම මස්‌සිනාට උතුරු කොළඹ ආසනය දිනවා දීමට තැත්කිරීමට ගොස්‌ තාවකාලිකව තමන්ගේ දේශපාලන කටයුතු ද අත්හිටුවා ගැනීමට ඔහුට සිදුවිය. උතුරු කොළඹ වෙනුවෙන් ඊළඟ අතුරු මැතිවරණය පවත්වන විට දෙවැනි ලෝක සංග්‍රාමයද ආරම්භ වී පැවැති බැවින් යුද බිය කොළඹටද දැනී තිබිණි. ඒ නිසා කොළඹ ජනතාව පිට ප්‍රදේශවලට සංක්‍රමණය වීමද සිදුවිය. එවක කොළඹ උප නගරාධිපති වූ ජොර්ඡ් ඊ. ද සිල්වා මහතා ජාතික සංගමයෙන්ද, නන්දාවතී ද සිල්වා මහත්මිය කම්කරු පක්‌ෂයෙන් ද ඉදිරිපත් වූ අතර මුළු ඡන්ද 1908 ක්‌ ලැබූ ජෝර්ඡ් ආර්. ද සිල්වා මහතා ඉන් ජයග්‍රහණය කළේය.

මෙසේ එක ඡන්ද පෙත්සමකින් ආසන 2 ක මන්ත්‍රීවරුන් දෙදෙනකුගේ මන්ත්‍රී ධුර අහිමි වූ එකම අවස්‌ථාව මෙය විය.

සමරසේන මුදලිගේ



මුස්ලිම් ජන සමාජයට සමාජීය ප්‍රතිසංස්කරණයක් අවශ්‍යයි -- නිලාර් එන්. කාසිම්

දෙරණ මාධ්‍ය ලොක්කන්ට අනුර කුමාරගෙන් අභියෝගයක්.......

මාක්‌ස්‌වාදී දේශපාලනය නන්නත්තාර කළ 1977 මහ මැතිවරණය

1960 දශකයේ අගභාගයේදී ජනතා විමුක්‌ති පෙරමුණ ක්‍රියාකාරී පක්‌ෂයක්‌ බවට පරිවර්තනය වන විට එතෙක්‌ 1935 සිට වාමාංශික දේශපාලනයේ නිරත වූ පක්‍ෂ හා කණ්‌ඩායම් "සාම්ප්‍රදායික" වම ලෙස හැඳින්වීමේ ප්‍රවණතාවක්‌ ඇතිවිය. ජ. වි. පෙ. හෙවත් "ෙච් ගුවේරා ව්‍යාපාරය" විප්ලවවාදී ව්‍යාපාරයක නිරත වන ශ්‍රී ලංකාවේ සැබෑ සමාජවාදී විප්ලවයකට නායකත්වය දෙන පක්‌ෂය ලෙස හඳුන්වා දීම ඉහත මතවාදයට ප්‍රධාන හේතුව විය.

1970 මැයි 27 මහ මැතිවරණය පවත්වන විට මේ අනුව ජ. වි. පෙ. ඊට අනුගත නොවූ විප්ලවවාදී පක්‌ෂයක්‌ ලෙස ක්‍රියාත්මක වූ අතර සාම්ප්‍රදායික වමේ පක්‌ෂ ශ්‍රී ලංකා නිදහස්‌ පක්‌ෂය සමඟ සන්ධානගත වී සමඟි පෙරමුණක්‌ ලෙසින් පෙනී සිටියේය. ඒ අනුව සමඟි පෙරමුණේ පක්‌ෂ නිතරග ගිවිසුම් මත අපේක්‌ෂකයින් ඉදිරිපත් කරන ලදී.

එම මැතිවරණයේදී සමඟි පෙරමුණ විශිෂ්ට ජයක්‌ ලැබූ අතර ප්‍රතිඵල මෙසේ විය.

තරග කළ ජයගත් ලැබූ ඡන්ද ආසන ආසන ප්‍රමාණය

ශ්‍රී ලංකා නිදහස්‌ පක්‌ෂය 105 90 1812849

ලංකා සමසමාජ පක්‌ෂය 23 19 433224

එක්‌සත් ජාතික පක්‌ෂය 127 17 1876956

පෙඩරල් පක්‌ෂය 19 13 245747

කොමියුනිස්‌ට්‌ පක්‌aෂය 09 06 169229

ද්‍රවිඩ සංගමය 12 03 115567

ස්‌වාධීන 87 02 225559

මහජන එක්‌සත් පෙරමුණ 04 00 46571

සිංහල මහජන පක්‌ෂය 51 00 20429

කොමියුනිස්‌ට්‌ පක්‌ෂය (චීන පිල) 01 00 3485

මෙම මැතිවරණයේදී අප්‍රියෙල් 23 වැනිදා වැලිමඩ ආසනයට ශ්‍රී ලංකා නිදහස්‌ පක්‌ෂයෙන් නාමයෝජනා පත්‍ර ඉදිරිපත් කළ ආර්. එම්. බණ්‌ඩාර මහතා නිතරගයෙන් තේරී පත්විය.



සාම්ප්‍රදායික වමේ දේශපාලන පක්‌ෂවල ඉහළම වර්ධනය දක්‌නට ලැබෙනුයේ මෙම මැතිවරණයේ ප්‍රතිඵල සමඟය. ලංකා සමසමාජ පක්‌ෂය ශ්‍රී ලංකාවේ දෙවැනි තැනට මන්ත්‍රී ධුර සංඛ්‍යාවක්‌ ලබාගන්නේ එ. ජා. පක්‌ෂයේ මන්තිS්‍ර ධුර සංඛ්‍යාවත් ඉක්‌මවමිනි. ලංකා සමසමාජ පක්‌ෂය මන්ත්‍රී ධුර 19 ලබන විට ප්‍රධාන විපක්‌ෂය වූ එ. ජා. පක්‌ෂයට ලබාගත හැකිවුයේ මන්ත්‍රී ධුර 17 කි. ශ්‍රී ලංකාවේ කොමියුනිස්‌ට්‌ පක්‌ෂයද මන්ත්‍රී ධූර 06 ලැබීය. කොමියුනිස්‌ට්‌ පක්‌ෂ ඉතිහාසයට ලැබුණු වැඩිම මන්ත්‍රී සංඛ්‍යාවද මෙය විය. මේ අනුව සමඟි පෙරමුණු ආණ්‌ඩුවට තුනෙන් දෙකේ බලයක්‌ ලැබීමට හැකිවූ අතර වමේ පක්‌ෂ වලට අමාත්‍ය ධුර ගණනාවක්‌ ද හිමි විය. විශේෂයෙන් මුදල් අමාත්‍ය ධුරය සමසමාජ පක්‌ෂ නායක ආචාර්ය ඇන්. ඇම්. පෙරේරාට හිමි වූ අතර නව ආණ්‌ඩු ක්‍රමයක්‌ සකස්‌ කිරීම සඳහා වැවිලිකර්මාන්ත හා ව්‍යවස්‌ථා සම්පාදක අමාත්‍ය ධුරය ආචාර්ය කොල්වින් ආර්. ද. සිල්වාට හිමිවිය. කොමියුනිස්‌ට්‌ පක්‌ෂයේ පීටර් කෙනමන් නිවාස හා ඉදිකිරීම් අමාත්‍ය ධුරය දැරීය. නමුත් 1975 වන විට ආණ්‌ඩුවේ පක්‌ෂ අතර අර්බුද මතුවීම නිසා සමඟි පෙරමුණ දෙදරා ගියේය. එහෙත් 1972 ජනරජ ආණ්‌ඩුක්‍රමය සකස්‌ කිරීමට ආචාර්ය කොල්වින් ආර්. ද සිල්වා විශිෂ්ට කාර්යභාරයක්‌ ඉටු කළ අතර මුදල් අමාත්‍ය ආචාර්ය එන්. එම්. පෙරේරා ආර්ථිකය එකලස්‌ කිරීම සඳහා සුවිශේෂ කාර්යභාරයක්‌ ඉටු කළේය. මේ අතර 1971 අප්‍රියෙල් කැරැල්ල නමින් හැඳින්වූ ජ. වි. පෙරමුණු තරුණ නැඟිටීම මැඬපැවැත්වීමට රජය අනුගමනය කළ ඇතැම් ක්‍රියාමාර්ග විවේචනය කරමින් 1971 ඔක්‌තෝබර් මාසයේ දී හබරාදුව මන්ත්‍රී ප්‍රින්ස්‌ ගුණසේකර මහතා සමඟි පෙරමුණ හැරදා විපක්‌ෂයට ගියේය. 1972 රජය ඉදිරිපත් කළ අපරාධ යුක්‌ති විනිශ්චය සභා පනතට පක්‌ෂව ඡන්දය නොදීම නිසා ලංකා කොමියුනිස්‌ට්‌ පක්‌ෂයේ නායක දොස්‌තර එස්‌. ඒ. වික්‍රමසිංහ, සරත් මුත්තෙට්‌ටුවේගම, ඊලියන් නානායක්‌කාර හා ඇම්. ජී. මැන්දිස්‌ යන මන්ත්‍රීවරුන් 04 දෙනා ආණ්‌ඩු පක්‌ෂයෙන් ඉවත් කරන ලදී.

කොමියුනිස්‌ට්‌ පක්‌ෂයෙන් අමාත්‍ය ධුර දැරූ පීටර් කෙනමන් හා බී. වයි. තුඩාව යන මන්ත්‍රීවරු ආණ්‌ඩුව තුළ තවදුරටත් රැඳී සිටි අතර නිවාස උපරිම සීමා පනත මේ වන විට සම්මත වී තිබිණ. ආරක්‌ෂක තත්ත්වය පිළිබඳ ප්‍රශ්න මත හිටපු හමුදාපතිවරයකු වූ මාතලේ මන්ත්‍රී රිචඩ් උඩුගම මහතා 1974 දී ආණ්‌ඩු පක්‌ෂයෙන් ඉල්ලා අස්‌විය.

1975 වන විට මුදල් අමාත්‍ය ආචාර්ය එන්. එම්. පෙරේරා මහතාගේ බදු ප්‍රතිපත්තිය පිළිබඳව ශ්‍රී ල. නි. ප. නායකයින්ගෙ විවිධ විරෝධතා පැමිණි අතර ඒ පිළිබඳව වාද විවාද අවසානයේ 1975 සැප්. 03 වැනිදා අගමැතිගේ උපදෙස්‌ මත ජනාධිපතිවරයා විසින් ලංකා සමසමාජ පක්‌ෂයේ අමාත්‍යවරුන් 03 දෙනා ආණ්‌ඩුවෙන් ඉවත් කරන ලදී. එසේ ඉවත් කරන ලද්දේ මුදල් අමාත්‍ය ආචාර්ය එන්. එම්. පෙරේරා ප්‍රවාහන අමාත්‍ය ලෙස්‌ලි ගුණවර්ධන, වැවිලි කර්මාන්ත හා ව්‍යවස්‌ථා සම්පාදක අමාත්‍ය ආචාර්ය කොල්වින් ආර්. ද සිල්වා යන අමාත්‍යවරුන්ය.

මේ නිසා ලංකා සමසමාජ පක්‌ෂයේ මන්ත්‍රීවරුන් 19 දෙනාගෙන් 17 දෙනෙක්‌ සමඟි පෙරමුණු ආණ්‌ඩුවෙන් ඉවත් වී විපක්‌ෂයට ගියේය. එකවර විශාල මන්ත්‍රීවරු ප්‍රමාණයක්‌ විපක්‌ෂයට ගිය මුල්ම අවස්‌ථාව මෙයයි.

ඉවත්ව නොගියේ බද්දේගම ලංකා සමසමාජ පක්‌ෂ මන්ත්‍රී නීල් ද අල්විස්‌ හා බුලත්සිංහල මන්ත්‍රි මංගල මුණසිංහ මහතා පමණි. 1976 වන විට ආණ්‌ඩුවේ තවත් ප්‍රගතිශීලී මන්ත්‍රිවරු වන දෙවිනුවර රොනී ද මෙල්, අවිස්‌සාවේල්ල බොනී ජයසූරිය, රත්නපුර නාලන්ද එල්ලාවල, මස්‌කෙළිය ගාමිණී ආරියතිලක, තිස්‌සමහාරාම ටෙනිසන් එදිරිසූරිය, කැකිරාව ඒ. එම්. ජිනදාස යන අයවලුන්ද ආණ්‌ඩුව හැරදා විපක්‌ෂයට එක්‌විය.

1977 ආරම්භ වනවිට මෙතෙක්‌ ආණ්‌ඩුව තුළ රැඳී සිටි කොමියුනිස්‌ට්‌ පක්‌ෂයේ පීටර් කෙනමන් හා බී. වයි. තුඩාව යන මහත්වරු ආණ්‌ඩුවෙන් ඉවත් වී විපක්‌ෂයට එක්‌විය. මේ අතර කර්මාන්ත හා විද්‍යා කටයුතු අමාත්‍ය කටුගම්පළ ටී. බී. සුබසිංහ මහතාද සමඟි පෙරමුණ ආණ්‌ඩු හැරදා විපක්‌ෂයට එක්‌විය.

මේ අනුව ආණ්‌ඩු පක්‌ෂයේ ප්‍රගතිශීලී මන්ත්‍රිවරු 31 දෙනෙක්‌ ආණ්‌ඩුව හැරදා ගොස්‌ තිබිණි. මේ තත්ත්වය තුළ තවදුරටත් ආණ්‌ඩුව පවත්වාගෙන යැම දුෂ්කර තත්ත්වයට පත් වූයෙන් අග්‍රාමාත්‍ය සිරිමාවෝ බණ්‌ඩාරනායක මැතිනිය පාර්ලිමේන්තුව විසුරුවා හරින ලෙස ජනාධිපති විලියම් ගොපල්ලව මහතාට උපදෙස්‌ දෙන ලදින් 1977 මැයි 18 වැනිදා ජාතික රාජ්‍ය සභාව විසුරුවා හරින ලදී. මීළඟ මැතිවරණය සඳහා නාම යෝජනා ගැනීම 1977 ජුනි 06 වැනිදා නියම වූ අතර මැතිවරණය 1977 ජුqලි 21 දිනට නියම විය.

ඉහත තත්ත්වයන් යටතේ මෙරට වාමාංශික ව්‍යාපාරය සමඟි පෙරමුණෙන් ඉවත්ව තනි තනි වශයෙන් තම සංවිධාන ශක්‌තිය ගොනු කරමින් මැතිවරණයට මුහුණ දෙන්නට උත්සාහ කළේ තම ප්‍රධාන හතුරා සමඟි පෙරමුණු ආණ්‌ඩුව ලෙස සලකමිනි. මේ නිසා මහ මැතිවරණයට ඔවුහු ඉදිරිපත් වූයේ තනි තනි බලවේගයන් හැටියටය.

මේ වන විට පාර්ලිමේන්තුවේ ඡන්ද කොට්‌ඨාස සංඛ්‍යාව 151 සිට 168 දක්‌වා වැඩිකර තිබුණු අතර මන්ත්‍රී කොට්‌ඨාස නවයක්‌ අළුතෙන් බිහිවී තිබුණි. කඩුවෙල, හාරිස්‌පත්තුව, පාතදුම්බර, උඩුදුම්බර, මහනුවර, මනිපායි, හාලිඇල, දැරණියගල හා ඇහැළියගොඩය. ඉහත සියලු කොට්‌ඨාස හා සමඟ බහු මන්ත්‍රී කොට්‌ඨාසද සමඟින් මන්ත්‍රිවරු 168 ක්‌ තෝරාගැනීම සිදුවිය.

1977 මැතිවරණය වනවිට පිළිගත් දේශපාලන පක්‌ෂ ලෙස තහවුරු වී තිබුණේ පක්‌ෂ 07 කි. නමුත් පක්‌ෂ ලෙස පිළිගන්නා ලෙස ඉල්ලීම් 28 ක්‌ මැතිවරණ කොමසාරිස්‌ වෙත ලැබී තිබුණ බව වාර්තා විය. අපේක්‌ෂකයින් 756 දෙනෙක්‌ නාමයෝජනා ඉදිරිපත් කළ අතර 461 දෙනෙක්‌ විවිධ දේශපාලන පක්‌ෂ වලිනුත් 295 දෙනෙක්‌ ස්‌වාධීන අපේක්‌ෂකයින් ලෙසත් ඉදිරිපත් විය.

එහෙත් පැවැති සියලු මැතිවරණ වලට වඩා ඉහළ ප්‍රතිශතයක්‌ 1977 මැතිවරණයේදී ඡන්දය පාවිච්චි කර තිබූ අතර සංඛ්‍යාත්මකව එය 87.7% ක තරම් ඉහළ අගයක්‌ ගත්තේය.

1977 මැතිවරණ ප්‍රතිඵල

පක්‌ෂය තරග කළ ජයගත් ලැබු ඡන්ද

ආසන ආසන සංඛ්‍යාව

එක්‌සත් ජාතික පක්‌ෂය 154 140 3179221

ද්‍රවිඩ එක්‌සත් විමුක්‌ති පෙරමුණ 23 18 339043

ශ්‍රී ලංකා නිදහස්‌ පක්‌ෂය 147 08 1855331

ලංකා කම්කරු සංගමය 02 01 62707

ශ්‍රී ලංකා කොමියුනිස්‌ට්‌ පක්‌ෂය 25 - 123856

ඉලංගෙයි තමිල් අරසුකච්චි 01 - 22443

ලංකා සමසමාජ පක්‌ෂය 82 - 225317

මහජන එක්‌සත් පෙරමුණ 27 - 22639

ස්‌වාධීන 295 01 353014

756 168 6243517

ඉහත ප්‍රතිඵල අනුව සියලුම වාමාංශික හා ප්‍රගතිශීලි පක්‌ෂවලට එකදු ආසනයක්‌ හෝ ජයගත නොහැකි විය. හාරිස්‌පත්තුව ආසනයට ශ්‍රී ලංකා, සමසමාජ, කොමියුනිස්‌ට්‌, ම. එ. පෙරමුණ සියලු දෙනා තරග කරත්දිත් ස්‌වාධීනව තරග කළ ආර්. පී.

විඡේසිsරි මහතා වැඩි ඡන්ද 272 කින් ජයගත්තේය. 1970 මැතිවරණයේදී සම්ප්‍රදායික වාමාංශික පක්‌ෂ ශ්‍රී ලංකා නිදහස්‌ පක්‌ෂය හා සන්ධාන ගතවී තම දේශපාලන ඉතිහාසයේ ස්‌වර්ණමය යුගය උදාකර ගත්තත් 1977 මැතිවරණයේදී තනි තනිව සටන් කර නන්නත්තාර වූ අන්දම මෙයින් පැහැදිලිවේ. එකම පක්‍ෂ් නායකයකුටවත් අවම වශයෙන් ජයගත නොහැකි වීම විශේෂ ලක්‌ෂණයකි. මැතිවරණයට පක්‌ෂ වලින් ඉදිරිපත් වූ 135 දෙනකුගේ හා ස්‌වාධීන 270 කගේ ඇප මුදල් පවා රාජසන්තක විය.

සාම්ප්‍රදායික වමේ දේශපාලන පක්‌ෂවල ඉහළට වර්ධනය දක්‌නට ලැබෙනුයේ මෙම මැතිවරණයේ ප්‍රතිඵල සමඟය. ලංකා සමසමාජ පක්‌ෂය ශ්‍රී ලංකාවේ දෙවැනි තැනට මන්ත්‍රී ධුර සංඛ්‍යාවක්‌ ලබාගන්නේ එ. ජා. පක්‌ෂයේ මන්තිS්‍ර ධුර සංඛ්‍යාවත් ඉක්‌මවමිනි. ලංකා සමසමාජ පක්‌ෂය මන්ත්‍රී ධුර 19 ලබන විට ප්‍රධාන විපක්‌ෂය වූ එ. ජා. පක්‌ෂයට ලබාගත හැකිවුයේ මන්ත්‍රී ධුර 17 කි. ශ්‍රී ලංකාවේ කොමියුනිස්‌ට්‌ පක්‌ෂයද මන්ත්‍රී ධූර 06 ලැබීය. කොමියුනිස්‌ට්‌ පක්‌ෂ ඉතිහාසයට ලැබුණු වැඩිම මන්ත්‍රී සංඛ්‍යාවද මෙය විය.

සමරසේන මුදලිගේ

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

ගෙදර මිදුල නොව මේ සුද්ද කරන්නේ මහා රක්‍ෂිතයකි (කැලෑ පාළුවා යන්නට සමාන වචනයක්‌ වේ නම් ඒ දේශපාලුවාය)

මාධ්‍යවේදී නිමලරාජන් ඝාතනය කර වසර 15යි. ඝාතකයින් තවමත් සුවසේ නිදැල්ලේ?

අන්තර්ජාලයෙන් සිහින ලෝකයට පිවිසෙන ලාංකික නිරුවත් ම්ලේච්ඡයෝ -- W3Lanka

ඉන්දියාවේ හිටපු ජනාධිපති ආචාර්ය අබ්දුල් කලාම් ලංකාවේදී කියු කතාව ...... දේශපාලනඥයින්ට හොඳ ආදර්ශයක්..