sponsor

sponsor
Theme images by kelvinjay. Powered by Blogger.

Slider

Sample Text

Follow by Email

Video Of Day

වීඩියෝ

දේශපාලන

උණුසුම් පුවත්

news

politics

Journalist

video

ආක්‍රොශ පරිභව දේශපාලනයෙන් අප විමුක්‌තිය ලබන්නේ කවදාද?

ජනාධිපති නීතිඥ විජය වික්‍රමරත්න
නවසිය තිස්‌ ගණන්වල සිට මැතිවරණ වලට පුරුදු වී සිටින ලක්‌දිව ජනතාව ඡන්දය දීමටත් ඡන්දය ඉල්ලීමටත් මහත් අභිරුචියෙන් ඉදිරිපත් වන බව නොරහසකි. ගමේ පාරක්‌, පාසලක්‌ හදාගැනීමටත් නගරේ පයිප්පයක්‌, විදුලි බුබුලක්‌ දමා ගැනීමටත් දරුවන්ට රැකියා ලබාගැනීමටත් අසල්වාසී විරුද්ධකාරයන්ගෙන් පළිගැනීමටත් බොහෝ දෙනා මාර්ගය කර ගත්තේ මේ මැතිවරණ ක්‍රියාවලියයි. දේශපාලනඥයකු ජනතාවට සමීපවන්නේ ජනතාවගේ හෘදය ස්‌පර්ෂ කරන්නේ වචන නොහොත් භාෂාව හරහායි. ඒ සඳහා අපේක්‍ෂකයකුට වාග් ශක්‌තියක්‌, කථිකත්වයක්‌ අතිශයින් අවශ්‍ය වේ. කථිකත්වය අතිශයින් විවිධ දෙයකි. කටහඬ උපතින් ලබන සම්පතක්‌ වන අතර පුහුණුවෙන් දැනුමෙන් සතතාභ්‍යාසයෙන් එහි බලපෑම අඩු වැඩි කරගත හැකියි. පෙර කළ පිනින් ලබන දෙයකැයි ඇතැම් අය සලකන වාග් ශක්‌තිය කථිකත්වය යහපත් අරමුණු සඳහා මෙන්ම අනිටු විපාක ගෙන දෙන අරමුණු සඳහාද යොදාගත හැකියි.

දැනට වසරකට පෙර පැවැති ඇමරිකානු ජනාධිපතිවරණයේදී අති විශිෂ්ට ලෙස ජයග්‍රහණය කළේ නීතිවේදියකු වූ බරක්‌ ඔබාමායි. ඔහුගේ පියා කෙන්යාවේ උපත ලත් අයෙකි. අසාමාන්‍ය ලෙසින් සාමාන්‍ය මිනිසකු වූ ඔබාමා මහතා ඇමරිකාව තුළ ප්‍රබල දක්‍ෂිණාංශය නියෝජනය කළ මැකේන් මහතා පරාජය කළේ වාග් චාතුර්යයේ කථිකත්වයේ හාස්‌කම ලොවටම කියාපාමිණි. සී එන්. එන්. රූපවාහිනිය සංවිධානය කළ විවාද පහ මගින් ඔබාමා මහතාගේ කථිකත්වය ඇමරිකාවටත් ලොවටත් පැහැදිලි වූ ආකාරය ප්‍රේක්‍ෂක සිත් තුළ කලක්‌ පවතිතු නොඅනුමානයි. ඔබාමා මහතා අපේක්‍ෂකයකුව සිටියදී බර්ලින් නුවරට ගොස්‌ පැය දෙක්‌ පුරා පැවැත්වූ චතුර කතාව කාට නම් අමතක වේද? ඇමරිකානු ප්‍රකාශනයක්‌ වන "නිව්ස්‌ වීක්‌" සඟරාව ඔබාමා මහතා ගොලීය ජනාධිපති (Global President) ලෙස හඳුන්වා සිටියේ ඔහුගේ කථිකත්වයට මුළු ලොවම වශීවී සිටි නිසාය.

ජනතාවගේ සිත්සතන්, සංකල්ප අපේක්‍ෂා මහා ප්‍රඥව මහා කරුණාව සහිත උත්තම තලයකට ඔසවා තබනවා වෙනුවට ජනතාව ඇද වැටී සිටි පාතාල තලයට ආවේගශීලීව සමීප වී අන්තවාදී ජාතිකවාදී දුම්මල ගසා ජනතා නායකත්වයට පිවිස ස්‌වකීය රටක්‌ ලොවක්‌ ගිනිතැබූ වෙනත් දක්‍ෂ කථිකයකු ගැනද ඉතිහාසයේ සඳහන් වෙයි. ඔහු නම් 1933 ජනවාරි මස 30 වැනිදා ජර්මනියේ චාන්සලර් නිලයට පත්වූ ඇඩොල්ෆ් හිට්‌ලර්ය. ජර්මනියට අසල්වාසිවූ ඔස්‌ටි්‍රයාවේදී 1889 අප්‍රියෙල් 20 දින උපත ලද හිට්‌ලර් පසුව ජර්මනියේ මියුනික්‌ නුවරට පිවිස එවක එහි ගැවසුණු අන්තවාදී ජාතිකවාදී පිරිසක්‌ හා මිශ්‍ර විය. කෙටි කලක්‌ හමුදා කෝප්‍රල්වරයකු ලෙස කටයුතු කළ ඔහු යුද කාර්යයේදී තුවාල ලැබීය. පළවැනි ලෝක යුද්ධය කෙළවර වූයේ ජර්මනිය අන්ත පරාජයකට පත් වෙමිණි. ජයග්‍රාහකයා වූවේ කවදත් ජර්මනියේ තරහකාරයා වූ ප්‍රංශයයි. මෙම අන්ත පරාජය නිසා ජර්මානු ජනතාවට විදින්නට සිදුවූ දුක්‌ගැහැට අනන්තය. ආර්ථික හා මූල්‍යමය ගැටලු ඇරුණාම ජර්මන් ජනතාවගේත් රාජ්‍යයේත් අභිමානයට මේ පරාජය නිසා ඇතිවූවේ බරපතල හානියකි.

මේ නිසා ජර්මනිය පුරා තරුණ පිරිස්‌ පැවති ආණ්‌ඩුවටත්, යුදෙව්වන්ටත් ද්වේශ කරන්නට පෙළඹවීම පහසු කාරියක්‌ වීය. යුද්ධයට යුද පරාජයට හේතු වූ කරුණු සංසුන්ව, බුද්ධිමත්ව වටහාගෙන ඥනවත්ව කටයුතු කිරීම වෙනුවට බැලු බැල්මට සතුරන් ලෙස හඳුන්වා දිය හැකි ප්‍රජාතන්ත්‍රවාදී දේශපාලන බලවේග හා සුළුජන කොටසක්‌ වූ යුදෙව්වන් මේ පරාජයේ හේතුව ලෙසින් උද්ගතවූ ආර්ථික හා සමාජයීය අර්බුදයට එකම විසඳුම අන්තජාතිකවාදී අධිපතිවාදය හා යුදෙව් විරෝධී බව ජර්මනියේ ජනතාවගේ විශාල කොටසකට ඒත්තු ගැන්වීමට හිට්‌ලර් සමත් විය. ඒ සඳහා ඔහු භාවිත කළේ අන්තවාදී ජාතිකවාදී ෆැසිස්‌ට්‌ දර්ශනයක්‌ ජනතාව පොඹවාලීමට ශක්‌තිය පිළිබිඹුව ඔහුගේ චතුර කථිකත්වයයි. හිට්‌ලර්ගේ චතුර කථිකත්වය ඔස්‌සේ ඔහු ජර්මනියත් මුළු ලොවත් ඇදගෙන ගියේ මොන විධියේ අගාධයකට දැයි දෙවැනි ලෝක යුද්ධයේ ඉතිහාසය මතක ඇති අයට යළි යළිත් මතක්‌ කිරීම අනවශයයි. කථිකත්වයේ ගැබ්වන විශ්මය හා හාස්‌කම මෙන්ම එයින් ඇතිකළ හැකි යහපත හා අයහපත ඔබාමා හා හිට්‌ලර් තුළ පැවැති කථිකත්වය විග්‍රහ කර බැලීමෙන්ම වටහා ගැනීම පහසුයි.

දේශපාලනය නමින් අද ලක්‌දිව හැඳින්වෙන ක්‍රියාවලිය ආරම්භ වූයේ 1930 දශකයේ දීය. ඡන්ද බලය පුළුල් වීමත් අධිරාජ්‍ය විරෝධී ජනතා සංවිධානයක්‌ ලෙස ලංකා සමසමාජ පක්‍ෂය පිහිටුවීමත් ඉන්පසු එක්‌සත් ජාතික පක්‍ෂය පිහිටුවීමත් ලක්‌දිව ජනතාව දේශපාලන ක්‍රියාකාරිත්වයට සම්බන්ධවීමට බෙහෙවින් උපකාරී වීය. පූර්ණ දේශපාලන නිදහස හා සමාජවාදී දේපළ ක්‍රමයක්‌ අරබයා ගොවි කම්කරු ජනතාව සංවිධානය කිරීම අරමුණ කරගත් සමසමාජ දේශපාලන ව්‍යාපාරය රටේ සාමාන්‍ය ජනතාව දේශපාලන ක්‍රියාවලිය වෙත වෙසෙසින්ම යොමු කළ නිසා සමාජයේ පහළ තලවලට දේශපාලන හැඟීම් ගලාගිය බව අද කවුරුත් පිළිගන්නා කරුණකි. සිය බසින් ජනතාව ඇමතූ සමසමාජ කථිකයෝ කම්කරු සමිති, තරුණ සමිති, පක්‍ෂ ශාඛා පොදුජන සංවිධාන ගොඩනැඟීමට අතිශයින් වෙහෙසී ක්‍රියාකළහ. 1931 වර්ෂයේ දොස්‌තර එස්‌. ඒ. වික්‍රමසිංහ මහතා හා 1936 වර්ෂයේ පිලිප් ගුණවර්ධන මහතාත් ආචාර්ය එන්. එම්. පෙරේරා මහතාත් රාජ්‍ය මන්ත්‍රණ සභාවට මහජන ඡන්දයෙන් පත්වී යැම අප රට දේශපාලනයට නව අරුතක්‌ එක්‌කිරීමක්‌ වීය.

රටේ ජනතාවගේ ජීවිතයට සම්බන්ධ සියලු මූලික ගැටලු දුෂ්කරතා විසඳුම් පිළිබඳව ශාස්‌ත්‍රීය වූද, විද්‍යාත්මක වූද තොරතුරු ඉතා ගැඹුරින් සිදුකරවීම ඇරඹුණේ මේ වකවානුවේය. මේ වැදගත් අර්ථවත් හා සාරවත් වූද ක්‍රියාවලිය 1948 පසු යුගයේදී වඩාත් ශක්‌තිමත් වීය. පාර්ලිමේන්තුව විද්වත් සභාවක්‌ම වීය. උසස්‌ අධ්‍යාපන සුදුසුකම් නොතිබුන ද ප්‍රායෝගික ඥනයෙන් හෙබි දේශපාලනඥයන් වූ ඩී. එස්‌. සේනානායක, එස්‌. ඩබ්. ආර්. ඩී. බණ්‌ඩාරනායක, ඩඩ්ලි සේනානායක, පිලිප් ගුණවර්ධන, ආචාර්ය එන්. එම්. පෙරේරා, ආචාර්ය කොල්වින් ආර්. ද සිල්වා, රාජනීතිඥ ජි. ජි. පොන්නම්බලම්, මහාචාර්ය සී. සුන්දරලිංගම්, පීටර් කෙනමන්, බර්නාඩ් සොයිසා, එම්. ඩී. බණ්‌ඩා, සී. බී. වන්නිනායක, ටි. බී. ඉලංගරත්න, සරත් මුත්තෙට්‌ටුවගම වැනි දේශපාලනඥයන් මැතිසබය සැබැවින් ආලෝකමත් කළ කථිකයෝ වූහ. අලුතින් පත්වී පැමිණි මන්ත්‍රීවරුන්ට මේ ප්‍රවීණයන්ගෙන් මහගු ආදර්ශයක්‌ ලැබිණි. හරි වැරදි ගැන අවබෝධයක්‌ නිසඟින් ලැබුණු අතර පක්‍ෂ නායකයෝ ස්‌වකීය පාක්‍ෂික නවකයන්ගේ මනා හැසිරීම ගැන සැළකිල්ලක්‌ දැක්‌ වූහ. සියලු මන්ත්‍රීවරුන් නියෝජනය කළේ පුළුල්ව රටේ පැවති ශිෂ්ටසම්පන්න දේශපාලන සංස්‌කෘතියකි. දූෂිතයන්, මැරයන්, ජනතාවගේ පොදු වත්කම් සූරා කන්නන් අතරින් පතර සිටියද ඔවුන් වීරයන් ලෙස, පූර්වාදර්ශී උත්තමන් ලෙස සැළකුනේ නැත.

මන්ත්‍රීවරුන්ගේ චර්යාව පාලනය කිරිමට රෙගුලාසි නීති රීතිවලට වඩා තිබුණේ සම්ප්‍රදායන්ය. ඩී. එස්‌. සේනානායක මහතා මීරිගම මන්ත්‍රීවරයා හා අගමැතිවරයා ලෙස හැඳින් වුණු අතර ආචාර්ය එන්. එම්. පෙරේරා මහතා ගැන විවාදයක සඳහන් වූවේ රුවන්වැල්ලේ මන්ත්‍රීවරයා ලෙසයි. පිලිප් ගුණවර්ධන මහතා අවිස්‌සාවේල්ල මන්ත්‍රීවරයා ලෙස හැදින් වුණු අතර ඩඩ්ලි සේනානායක මහතා දැදිගම මන්ත්‍රීවරයා ලෙස හැඳින් විණි. කිසිම මන්ත්‍රීවරයකු නමින් සඳහන් කිරීම සපුරා තහනම් විණි. එකල පැවැති දේශපාලනයේ යම්කිසි මූලික සරල බවක්‌, චාම් බවක්‌, අවංක බවක්‌ දිස්‌විණි. මොන දේශපාලන මත දැරුවත් කුමන පක්‍ෂයකට සම්බන්ධ වුවත් පොදුවේ කවුරුත් නියෝජනය කළේ හැදිච්චකමකි, විනීතකමකි අවංක කමකි.

1977 මැතිවරණය ජයග්‍රහණයත් සමග ලක්‌දිව දක්‍ෂිණාංශික දේශපාලනයේ අයෝමය පුරුෂයා ලෙස සැලකුණු ෙ-. ආර්. ජයවර්ධන මහතා අසීමිත බලයක්‌ සහිතව බලයට පත් විණි. දේශපාලන සතුරන් ලෙස පෙනුන බලවේග සුණු විසුණු කිරීමේ අනර්ථකාරී ක්‍රියාවලියකට එළැඹුණු ඔහු 1978 ආණ්‌ඩුක්‍රම ව්‍යවස්‌ථාව මගින් රටේ දේශපාලන බලය පාර්ලිමේන්තුවෙන් බැහැරට ගෙන යන ලදී. පාර්ලිමේන්තුව මන්ත්‍රීවරුන් තම තමන්ගේ අඩු දියුණුභාවය ප්‍රදර්ශනය කෙරුණු ආක්‍රොශ පරිභවයෙහිම යෙදෙන ඇනුම් බැණුම් පුරසාරම් දොඩවන අදහසක්‌ ඉදිරිපත් වුව හොත් අදහසට නොව අදහස ඉදිරිපත් කරන මන්ත්‍රීවරයාට හෝ මන්ත්‍රීවරියට පහර දෙන බාල තැනක්‌ බවට පත් වුණේ ඉන් පසුවයි. ඔහු සිතාමතා ඇතිකළ දිස්‌ත්‍රික්‌ නියෝජිත ක්‍රමය, මනාප ක්‍රමය, විධායක ඒකාධිපති ක්‍රමය, දේශපාලනය තුළ මැර බලය තීරණාත්මක සාධකයක්‌ ලෙස ස්‌ථාපිත කිරීම යනාදී විපර්යාස සමුඡය තුළ පැතිර පැවති ප්‍රජාතන්ත්‍රවාදී ප්‍රවනතා යටපත්කර ඒකාධිපති නැඹුරුවකට මග විවර කළහ.

දේශපාලන බලය මහජන නියෝජිත සභාවෙන් බැහැරට ගෙන ගොස්‌ යෝධ බලකොටුවක හිරකර තැබීම හේතුවෙන් පාර්ලිමේන්තුව තුළත් ඉන් බාහිර සමාජයේත් බුද්ධිමය සාකච්ඡාවකට, විද්වත් වාද විවාදවලට, අදහස්‌ විෂයයෙහි විවිධත්වයට තිබුණු ඉඩකඩ සපුරා ඇහිරින. එයින් ඇතිවූ හිස්‌තැන පුරවනු ලැබුවේ මැර බලය හා ආක්‍රෝශ පරිභව දේශපාලනය විසිනි. අදහසක්‌ ඉදිරිපත් කළ කෙනාට පහර නොදී අදහස විග්‍රහ කිරීමේ අදහසට විරුද්ධව කරුණු කීමේ ශිෂ්ටසම්පන්න සම්ප්‍රදාය වෙනුවට අදහස්‌ ඉදිරිපත් කළ කෙනාට පහරදී ඔහුගේ ජාතකය, වරිගය, ඕපාදුප, මුල්කරගෙන ඔහුව විනාශ කිරීමේ කුරිරු භාවිතයක්‌ ඉස්‌මතුවී තහවුරු විණි. විශිෂ්ට කථිකත්වය වෙනුවට වාචාලකම මුඛරිකම අගය කිරීමේ ප්‍රවනතාවකින් සමාජය ඔත්පල විණි. සංගීතය කලාවක්‌ වන අතර ගණිතය විද්‍යාවක්‌ වේ. කථිකත්වය විද්‍යාවේ හා කලාවේ සංකලනයක්‌ ලෙස හැඳින්විය හැකිය. ගී්‍රසියේ සිටි ශ්‍රේෂ්ඨ කථිකයන් වූ පෙරික්‌ලීස්‌  ඩිමොස්‌ත්‍රීන්ස්‌  සොක්‍රටීස්‌  රෝමයේ සිසරෝ මාක්‌ ඇන්තනි  යන ජනනායකයන්ගේ කතා විමසීමට ලක්‌ කළ විටද මෑත වකවානුවල බැබලුණු බ්‍රිතාන්‍යයේ වින්ස්‌ටන් චර්චිල්  භාරත දේශයේ ශ්‍රී නේරු  ක්‍රිෂ්ණා මෙනන්  කියුබානු නායක ආචාර්ය පිදෙල් කස්‌ත්‍රො වැනි ප්‍රවීන කතිකයන්ගේ කතා සැලකුව විටද මේ කාරණය පැහැදිලිවේ.

කතාවකට සවන් දීමෙන් අවබෝධයක්‌, සන්තුෂ්ටියක්‌, වින්දනයක්‌ ඇක්‍රොශ ස්‌වභාවිකයි. එහෙත් ආකොශ පරිභව, ඇනුම් බැනුම්, චරිත ඝාතන, පුරසාරම්, තර්ජන, ගර්ජන සහිත ගොරහැඩි ඝෝෂාවක්‌ කතාවක්‌ ලෙස සැළකීම නොවටී. එවන් ඝෝසාවකින් ඇතිවන්නේ අප්‍රසන්න ජුගුප්සාජනක හැඟීම්ය. එය අසන්නාට කන්දොස්‌කිරියාවක්‌ම වේ. මෙවන් අසංවර ඝෝෂාවන් රසවත් කතා ලෙස ප්‍රචාරය කිරීම හා එවැනි ඝෝසා කරන්නන් කතිකයන් ලෙස බාල පරපුරට වෙසෙසින් ලබාල සිසු සිසුවියන්ට හුවාදැක්‌වීම මොන තරම් අනර්ථකාරී ව්‍යායාමයක්‌ දැයි රූපවාහිනි නාලිකා මෙහෙය වන්නන්ට අවබෝධ නොවීම, මොනතරම් අවාසනාවන්ත දෙයක්‌ද? බුද්ධිමය පරිසරය කෙළෙසමින්, බාල පරපුරට වැරදි පූර්වාදර්ශ සපයනු වෙනුවට උසස්‌ දේ උතුම් දේ ශිෂ්ටසම්පන්න දේ ඔසවා තබන විද්වත් මාධ්‍ය සංස්‌කෘතියක්‌ මෙරට පැවතුනා නම් එය අප රටට ජනතාවට වාසනාවක්‌ නොවන්නේද?

ඇනුම් බැනුම් ද්වේශසහගත චෝදනා සහිත අවස්‌ථාවක්‌ සම්භාව්‍ය සිංහල සාහිත්‍යයේ හැඳින් වුණේ ආක්‍රොශ පරිභව සහිත අවස්‌ථාවක්‌ ලෙසය. එවන් අවස්‌ථා දවස පුරා දකින්නට, අසන්නට ලැබීම ශ්‍රේෂ්ඨ ආගමික දර්ශනවලින්, ප්‍රජාතන්ත්‍රවාදී සාරධර්ම වලින් පෝෂණය ලත් ශ්‍රී ලාංකික බෞද්ධ ජනතාවට සුදුසු ඔබින දෙයක්‌ යෑයි කිසිසේත් සැළකිය නොහැකිය.

රටවල් බෙදීම මාක්‌ස්‌වාදය නොවේ

ජාතික සහ ජනවාර්ගික ප්‍රශ්නයේ අවසාන විසඳුම පෞද්ගලික දේපළ ක්‍රමය අහෝසි කිරීමත් සමග කෙළින්ම බැඳී ඇති බව තම විප්ලවීය දෘෂ්ටිකෝණය තුළින් මාක්‌ස්‌ සහ එංගල්ස්‌ දුටුහ. මේ අහෝසියෙන් තොරව ප්‍රශ්නයට විසඳුම, එනම් ජාතීන් අතර පූර්ණ සමානාත්මතාවය බිහි කිරීම කළ නොහැක. 1847 දී පවා මාක්‌ස්‌ මෙසේ පැවැසීය. "සැබෑ ලෙසින්ම සමගි වීමට නම් ජනතාවට පොදු අරමුණු පැවැතිය යුතුය. ඔවුන්ගේ අරමුණු පොදු තත්ත්වයට පත්වීමට නම් පවතින දේපළ සම්බන්ධතාවයන් අහෝසි කළ යුතුය. මන්ද, මෙම දේපළ සම්බන්ධතාවයන්වල පදනම වන්නේ එක්‌ ජාතියක්‌ තවත් ජාතියක්‌ සූරා කෑමය. පවතින දේපළ සම්බන්ධයෙන් අහෝසි කිරීමේ කර්තව්‍යය අයත් වන්නේ කම්කරු පන්තියට පමණි. එය ඉටු කිරීමට හැකියාව ඇත්තේ ද එයට පමණි. එබැවින් ධනේශ්වරය පරදවාලන නිර්ධන පන්තියේ ජයග්‍රහණය සියලුම පීඩිත ජාතීන්ගේ විමුක්‌තිය ද උදා කරයි."

(කාල්මාක්‌ස්‌, "පෝලන්තය පිළිබඳ දේශනය")

(එකතු කළ කෘති, කාණ්‌ඩය, 6. 388 පිටුව)

මාක්‌ස්‌ මෙසේ හුවා දැක්‌වූයේ සිය කාලයෙහි පැවැති ජාතික ප්‍රශ්නයක්‌ වුවද ඔහු ඉදිරිපත් කළ එම මහඟු ඓතිහාසික සත්‍යය බෙහෙවින්ම නිවැරැදි බව රුසියානු විප්ලවයෙහි අත්දැකීම් තහවුරු කළේය. මෑතකදී සිය 60 වැනි සංවත්සරය පැවැත්වූ සෝවියට්‌ සංගමය සිය ජාතික ප්‍රශ්නය සමානාත්මතාවය පදනම් කොට ගෙන විසඳීම තුළින් අපට පෙන්වූයේ ද එය කළ හැක්‌කේ සමාජවාදය තුළින් පවතින දේපළ සබඳතාවයන් අහෝසි කිරීමෙන් පමණක්‌ බවය. ඉතිහාසය ඉන් අනතුරුවද පෙන්වා දෙන්නේ ජාතීන් අතර සමානාත්මතාවය බිහි කළ හැක්‌කේත්, ජාතික ප්‍රශ්නය විසඳිය හැක්‌කේත්, සමාජවාදය බිහි කිරීමෙන් අනතුරුව පමණක්‌ බවය. ධනේශ්වර රාමුව තුළ රැඳී සිටින රටවලට මෙම ප්‍රශ්නය විසඳීමට නොහැකිව ඇති අතර ජාතීන් ගණනාවක්‌ ජීවත්වන එවැනි රටවල් ජාතිභේදවාදී ප්‍රශ්නවලින් දරුණු ලෙස පෙළෙයි. ඉන්දියාව ඇතුළු 3 වැනි ලෝකයේ රටවල් ගණනාවක්‌ මෙම ප්‍රශ්නයට මුහුණපා සිටී. බොහෝ අය ජාතික ප්‍රශ්නය පිළිබඳ මාක්‌ස්‌වාදී ආකල්පය රටවල් බෙදීම හා වෙන් කිරීම් සමග වරදවා පටලවාගෙන ඇත. මෙය මුළුමනින්ම වැරැදිය. කම්කරු පන්තියේ මතවාදය වන මාක්‌ස්‌වාදය ජාත්‍යන්තරවාදී දෘෂ්ටි කෝණයකින් යුක්‌ත වේ. එය ලෝ නිර්ධනයන්ගේ සමගිය සහ අවසානයේදී ලෝක සමගිය වෙනුවෙන් බැඳී ඇත. එයට වෙන්වීම පදනම් කොටගත නොහැක. ලෙනින් මෙම ප්‍රශ්නය නිවැරැදි ආකල්පය පහත සඳහන් පරිදි ප්‍රකාශ කළේය.

"වැඩකරන ජනතාවට එහි ඇති හිතකරභාවය හේතුවෙන් නිර්ධන පන්ති පක්‍ෂය හැකිතාක්‌ විශාල වූ රාජ්‍යයක්‌ බිහි කිරීමට වෙහෙසෙයි. ජාතීන් ඒකරාශී කිරීමට යත්නදරන එය ඒවා තවදුරටත් බද්ධ කිරීමට ක්‍රියා කරයි. එනමුදු එසේ කිරීමට එය වෙහෙසෙන්නේ බලහත්කාරයෙන් නොව සියලු ජාතීන්ගේ වැඩකරන පන්තිවල නිවහල් හා සහෝදරාත්මක එකමුතුව තුළින් පමණි."

(එකතු කළ කෘති 24 කාණ්‌ඩය 73 පිටුව)

කම්කරු පන්තියේ ජාත්‍යන්තර සමගිය, ජාතීන්ගේ නිදහස සහ සමානාත්මතාවය තුළින් ස්‌වෙච්ඡාවෙන් බිහිවන එක්‌සත් භාවය සමග බද්ධ කිරීම පදනම් කොටගත් ජාතික ප්‍රශ්නය පිළිබඳ මාක්‌ස්‌ ලෙනින්වාදී ආකල්පය මෙයයි. විප්ලවීය අරගලයේ ආරම්භයෙහි සිටම නිවැරෑදි වැටහීමක්‌ සහ ආකල්පයක්‌ නිර්ධන පන්ති පක්‍ෂයට නොමැත්තේනම් ස්‌වෙච්ඡාවෙන් වන සමගියක්‌ බිහිකළ නොහැක. ලෙනින්ගේ මග පෙන්වීම යටතෙහි වූ බෝල්ෂෙවික්‌ පක්‍ෂය දැඩි ඒකාග්‍රතාවයකින් යුතුව විප්ලවීය සමය තුළදීම මෙම ක්‍රියා මාර්ගය භාවිත කිරීම තුළින්, ඔක්‌තෝබර් විප්ලවයේ ජයග්‍රහණයෙන් අනතුරුව පීඩිත ජාතීන්ගේ විශ්වාසය දිනා ගැනීමට සමත්විය.

සාර් පාලනය යටතේ පීඩිත ජාතීන් ගණනාවක්‌ විසූ රුසියාව තුළ ප්‍රශ්නය වූයේ සමානාත්මතාවය සඳහා ඔවුන්ට ඇති අයිතිය ආරක්‍ෂා කරන අන්දමේ සියලු ජාතීන්ට අයත් වූ කම්කරුවන්ගේ පන්ති සමගිය රැකීමය.

කම්කරු පන්තික සමගියේ අවශ්‍යතාවය අමතක කරන ඉන්දියාවේ ජාතික අයිතීන් පිළිබඳ මහා හඬක්‌ නගන සමහරු ඔවුන්ගේ ඉල්ලීම ජාතිවාදී වූ වෙන්වීමේ වාදයක්‌ බවට පෙරළාගෙන ඇත.

අප මතක තබාගත යුතු දෙවැනි කරුණ වන්නේ මාක්‌ස්‌වාදය ජාතික ප්‍රශ්නයට හුදෙකලා වූ විසඳුමක්‌ ඉදිරිපත් නොකරන බවය. පවතින සමාජ සංවර්ධන අවධිය හා පන්ති අරගලය සැලකිල්ලට ගන්නා එය පොදු සමාජ අරගලය ඒ හේතුවෙන් වර්ධනය වන ප්‍රමාණයට අනුකූලවය එයට වැදගත් භාවය පිරිනමනුයේ.

1866 දී පළමුවැනි ජාත්‍යන්තරයේ නියෝජිතයන් හට පෝලන්ත ප්‍රශ්නයේ ශීර්ෂයෙන් මාක්‌ස්‌ ඉදිරිපත් කළ ලිත උපදෙස්‌වල මෙසේ සඳහන් විය.

(අ) යුරෝපයේ කම්කරුවන් මෙම ප්‍රශ්නය කුමක්‌ සඳහා මතු කරයිද? මුලින්ම විවිධ ජාතීන්ට ව්‍යාජ හිතවත්කම් දක්‌වන මධ්‍යම පන්තික ලේඛකයින් සහ උද්ඝෝෂකයින් මෙම ප්‍රශ්නය යටපත් කිරීමට කුමන්ත්‍රණය කරන බැවිනි. ඒ ඇයිද? රදලයන් මෙන්ම ධනපතියන්ද පසුබිමෙහි වන අඳුරු ආසියාතික බලවතා නැගඑන කම්කරු පන්තික රැල්ලෙන් බේරීමට ඇති අවසාන තුරුම්පුව ලෙස සලකන බැවිනි. එම බලවතා නියම ලෙස බිම හෙළිය හැක්‌කේ පෝලන්තය ප්‍රජාතන්ත්‍රවාදී පදනමක්‌ මත යළි ස්‌ථාපිත කිරීමෙන් පමණි.

(ආ) මධ්‍යම යුරෝපයේත්, විශේෂයෙන් ජර්මනියේත් අද පවත්නා තත්ත්වය තුළ වෙන කවරදාකටවත් වඩා ප්‍රජාතන්ත්‍රවාදී පෝලන්තයක්‌ පැවැතීම අත්‍යවශ්‍යය. එය නොමැත්තේ නම් ජර්මනියේ ශුද්ධ වූ හවුලේ කොටසක්‌ විය හැකි වුවද එය පවතින්නේ නම් සමූහාණ්‌ඩුක ප්‍රංශයේ සහාය කරුවකු වනු ඇත. මෙම බරපතළ යුරෝපීය ප්‍රශ්නය විසඳන තෙක්‌ කම්කරු පන්ති ව්‍යාපාරය නිරන්තර බාධකයන්ට හසුව ආපස්‌සට තල්ලු වනු ඇත.

(කාල්මාක්‌ස්‌ සහ පෙඩ්රික්‌ එංගල්ස්‌ තෝරාගත් කෘති 2 කාණ්‌ඩය, 84 පිටුව)

පෝලන්තය ප්‍රශ්නය වැදගත් වූයේ එය යුරෝපීය නිර්ධන පන්ති ව්‍යාපාරයේ වර්ධනය හා කෙළින්ම බැඳී තිබුණු බැවිනි. පීඩිත සහ පීඩිත ජාතික සම්බන්ධතාවයන් පැවැති සාර් යුගයේ රුසියාව තුළ මාක්‌ස්‌ ලෙනින් වාදය ස්‌වයංතීරණය අයිතිය වෙනුවෙන් තර්ක කළා පමණක්‌ නොව ඒ සඳහා අරගලයන්ද දියත් කළේය. රුසියානු විප්ලවයේ සම්පූර්ණ කාලය තුළම ලෙනින්ගේ නායකත්වයෙන් යුතුව බෝල්ෂේවික්‌ පක්‍ෂය මෙම අයිතිය සඳහා සටන් කළේය. ස්‌වයංතීරණයට විවිධ අයුරින් විරෝධය පෑ රුසියානු මහා ජාතිවාදීන් සහ අවස්‌ථාවාදීන් හට පහර එල්ල කළේය. එනමුත් බෝල්ෂෙවික්‌වරු රට බෙදීමට සහ දෙකඩ කිරීමට වැඩ කළ බවක්‌ මෙයින් අදහස්‌ නොකෙරේද? ස්‌වයංතීරණ සඳහා තර්ක කිරීම තුළින් ඔව්හු, බෝල්ෂේවික්‌ ස්‌ථාවරය වන්නේ පූර්ණ සමානාත්මතාවය සහ ජාතික වරප්‍රසාද හා පීඩනයට දැඩි විරෝධය බව පීඩිත ජාතීන්ට ඒත්තු ගැන්වූහ. ඒ අතරම පීඩිත මෙන්ම පීඩිත ජාතීන්ටත් අයත් වූ කම්කරුවන්ගෙන් යුක්‌ත වූ පොදු කම්කරු පාන්තික සංවිධාන ගොඩනැඟීමෙන් සමගිය සඳහා වූ නැඹුරුව ජීවමානව රැක ගැනීම තුළින් විප්ලවයෙන් අනතුරුව සියලු ජාතීන් ඒකාබද්ධ කිරීමට සමත් වූහ.

රුසියාවේ විවිධ ජාතීන්ගේ වෙන්වීමේ අයිතිය ද ඇතුළත් වූ ස්‌වයංතීරණය පිළිබඳ වූ අයිතිවාසිකම් ගැන ලෙනින් දැඩි ලෙස අවධාරණය කළේය. රෝසා පත්සම්බර්ග් සමග සිය විවාදයේදී ස්‌වයංතීරණ අයිතිය ක්‍ෂණික අවශ්‍යතාවයක්‌ බවට පත් කළ රුසියාවේ විශේෂිත වූ තත්ත්වය ඔහු පහදා දුන්නේය. ඔහු මෙසේ ලීවේය. "ජාතික ප්‍රශ්නය සම්බන්ධයෙන් රුසියාව තුළ පවතින අතිවිශේෂ තත්ත්වයන් අවුස්‌ත්‍රියාවේ තත්ත්වයනට හාත්පසින්ම වෙනස්‌ය. රුසියාව තනි ජාතික මධ්‍යස්‌ථානයකින් යුක්‌ත වූ (මහ රුසියාව) රාජ්‍යයකි. මහා රුසියන්වරු දැවැන්ත හා අඛණ්‌ඩවූ භූමි භාගයක්‌ වසා විසිර සිටින අතර ඔවුන්ගේ සංඛ්‍යාව 70,000,000 පමණ වේ. මෙම ජාතික රාජ්‍යයේ විශේෂිත ලක්‍ෂණ මේවායි. පළමුවෙන්ම මුළු ජනගහනයෙන් බහුතරය වන (57% "යටත් ජාතීහු") දේශසීමා ප්‍රදේශවල වාසය කරති. දෙවැනුව, මෙම යටත් ජාතීන් භාජනයට ඇති පීඩනය අසල්වැසි රාජ්‍යයන්වල පවතින පීඩනයට වඩා බෙහෙවින් දරුණුය. තුන්වැනිව, සමහර අවස්‌ථාවන්හිදී තමනට වඩා ජාතික ස්‌වාධිනත්වයක්‌ භුක්‌ති විඳින මොවුන්ගේ ස්‌ව ජාතිකයෝ දේශ සීමාවට ඔබ්බෙන් පිහිටි රාජ්‍යවල ජීවත් වෙති. සතරවැනිව, බොහෝවිට රුසියානු නොවන දේශ සීමා ප්‍රදේශ තුළ ධනවාදයේ සංවර්ධනය මෙන්ම සාමාන්‍ය සංස්‌කෘතික මට්‌ටමද කේන්ද්‍රයෙහි තත්ත්වයට වඩා උසස්‌ය. අවසාන වශයෙන් රුසියාව තුළ වසන ඔවුන්ට නෑදැකම් ඇති ජාතීන් අතරට පැතිරෙමින් පවතින ජාතික ව්‍යාපාර හා ධනේශ්වර ආසියාතික රාජ්‍යයන් අප දකින්නේ යාබද පිහිටි ආසියාතික රාජ්‍යයන් තුළය.

"එබැවින් රුසියාවේ ජාතික ප්‍රශ්නයේ අතිවිශේෂ ඓතිහාසිය ලක්‍ෂණ නියාමය ජාතීන්ගේ ස්‌වයංතීරණ පිළිබඳ අයිතිය පිළිගැනීම අද අප රට තුළ විශේෂ හා ක්‍ෂණික අවශ්‍යතාවයන් වනුයේ"

(එකතු කළ කෘති, 20 කාණ්‌ඩය, 407-408 පිටු)

ස්‌වයංතීරණ අයිතිය සඳහා තරග කරන ලද්දේ රුසියාවේ පැවැති විශේෂිත වූ තත්ත්වයන් සැලකිල්ලට භාජනය කිරීමෙන් අනතුරුවය.

එනමුදු ජාතීන් හට වෙන්වීමට ඇති අයිතිය වෙන්වීමේ සුදුසුකම සමග පටලවා නොගත යුතුය.

1917 මැයි මාසයේදී ලෙනින් ස්‌වයංතීරණ අයිතිය පිළිබඳ අවධානය කරන අතරම මෙසේද පැහැදිලි කළේය. "වෙන්වීම සඳහා ජාතීන්ට අයත් නිදහස්‌ අයිතිය, නිශ්චිත ජාතියක්‌ නිශ්චිත අවස්‌ථාවකදී වෙන්වීමේ සුදුසු භාවය සමග පටලවා නොගත යුතුය. සමස්‌ත සමාජ සංවර්ධනයේ අවශ්‍යතාවයන් මෙන්ම සමාජවාදය සඳහා නිර්ධනයේ පන්ති අරගලය අවශ්‍යතාවයන්ද සැලකිල්ලට ගෙන නිර්ධන පන්තියේ පක්‍ෂය මෙම ප්‍රශ්නය පිළිබඳ සිය විසඳුම ඒ ඒ අවස්‌ථාවන්හිදී වෙන් වෙන්ව විනිශ්චය කළ යුතුය. (එකතු කළ කෘති 24 කාණ්‌ඩය, 302-303 පිට.)

මෙම වැටහීම තවදුරටත් වර්ධනය කළ ස්‌ටාලින් මෙසේ ලීවේය. "ජාතීන්ගේ ස්‌වයංතීරණ පිළිබඳ ප්‍රශ්නය හුදෙකලාවූ ස්‌වයං පෝෂිත ප්‍රශ්නයක්‌ නොවේ. එය නිර්ධන විප්ලවයේ පොදු ප්‍රශ්නයේ කොටසක්‌ වන අතර සමස්‌ත ප්‍රශ්නයට යටත්වන අතර සමස්‌ත ප්‍රශ්නයේ දෘෂ්ටි කෝණයෙන් එය පිරික්‌සිය යුතුය. පසුගිය ශත වර්ෂයේ 4 වැනි දශකයේදී මාක්‌ස්‌ පෝලන්ත ජාතිකයන්ගේ සහ හංගේරියානු ජාතිකයන්ගේ ජාතික ව්‍යාපාරවලට සහාය දුනමුත් චෙක්‌ ජාතීන්ගේ සහ දකුණු ස්‌ලාට්‌ ජාතීන්ගේ ජාතික ව්‍යාපාරවලට විරුද්ධ විය. ඇයි? මන්ද, චෙක්‌ සහ දකුණු ස්‌ලාච් ජාතීන් එවකට "ප්‍රතිගාමී ජනතාවක්‌ වී යුරෝපය තුළ රුසියානු මුරකඳවුරු බවට පත්ව තිබුණු අතර, පෝලන්තකයන් සහ හංගේරියානුවන් ඒකාධිපතිවාදයට එරෙහිව සටන්කළ "විප්ලවීය ජනතාවක්‌ වූ" බැවිනි. ඒ වකවානුවේදී චෙක්‌ සහ දකුණු ස්‌ලාච් ජාතීන්ට සහාය දැක්‌වීම යුරෝපයේ විප්ලවීය ව්‍යාපාරයේ භයානකම සතුරා වූ සාර්වාදයට වක්‍රව උදව් කිරීමට සමාන වූ බැවිනි."

ස්‌ටාලින් ඊළඟට ලෙනින් පැවසූ වදන් මතක්‌ කරයි. "ස්‌වයං තීරණ ඇතුළු ප්‍රජාතන්ත්‍රවාදයේ විවිධ ඉල්ලීම් අවසානය නොවේ. එය පොදු ප්‍රජාතන්ත්‍රවාදී (දැන් පොදු සමාජවාදී) ලෝක ව්‍යාපාරයේ සුළු කොටසක්‌ පමණි. සමහර විශේෂිත අවස්‌ථාවන්හිදී එම කොටස සමස්‌තයට පරස්‌පර විය හැක. එසේ වුවහොත් එය ප්‍රතික්‌ෂේප කළ යුතුය." (ලෙනින් වාදයේ මූලධර්ම පිටු 80-81)

පළමුවැනි ලෝක යුද්ධයේ අවසානය තෙක්‌ කම්කරු ව්‍යාපාරය තුළ ජාතික ප්‍රශ්නය පිළිබඳ වූ සාකච්ඡාවක්‌ මූලික වශයෙන් ධනේශ්වර යුරෝපය තුළ වූ ජාතීන් සහ ජාතිකත්වයක්‌ පිළිබඳ ප්‍රශ්නයට සීමාවිය. ලෝක යුද්ධයෙන් පසුව බිහිවූ විමුක්‌ති ව්‍යාපාර යටත් විජිත කෙරෙහි වූ ස්‌ථාවරය පිළිබඳ ප්‍රශ්නය ඉදිරියට තල්ලු කළේය. පළමුවැනි ලෝක යුද්ධයට පෙර මෙම ප්‍රශ්නය දෙවැනි ජාත්‍යන්තරයේ සාකච්ඡා තුළද අවසානයේදී අවස්‌ථාවාදී ස්‌ථාවරයක්‌ වැළඳ ගන්නා ලදී. පළමුවැනි ලෝක යුද්ධය යටත් විජිත සඳහා කෙරුණු යුද්ධයක්‌ වශයෙන් විවේචනය කළ ලෙනින් හා බෝල්ෂේවික්‌ පක්‍ෂය එම විජිතයන්ගේ පූර්ණ නිදහස සඳහා වූ ඉල්ලීමට මුළුමනින්ම සහාය දුන්නේය. කොමියුනිස්‌ට්‌ ජාත්‍යන්තරයට බැඳී සිටි සියලුම කොමියුනිස්‌ට්‌ පක්‍ෂ යටත් විජිතයන්ගේ විමුක්‌තිය සඳහා සහයෝගය දැක්‌විය. වහල් ජාතීන්ගේ නිදහස සඳහා වූ අරගලය ලෝක කම්කරු ව්‍යාපාරයට ධනේශ්වරය පරාජය කිරීම සඳහා මහෝපකාරී වන මහඟු විප්ලවීය බලවේගයක්‌ බව හඳුනා ගන්නා ලදි. ජාතික ව්‍යාපාර සහ ඒවායේ සාර්ථකත්වය, අධිරාජ්‍යවාදයේ බලය හීන කිරීම තුළින් කේන්ද්‍රීය රටවල කම්කරු පන්තියේ අරගලයට පිටුවහලක්‌ බව වටහා ගන්නා ලදී.

ජාතික විමුක්‌ති ව්‍යාපාරයන්ට මාක්‌ස්‌වාදීන්ගේ සහයෝගය යළිත් වරක්‌ පදනම් වූයේ සමාජවාදී විප්ලවීය ළඟාවූ සමයක සමාජ සංවර්ධනය ඉදිරියට ගෙන යැමට එතුළින් ඉටුවූ කර්තව්‍යය මතය.

ස්‌ටාලින් මෙසේ කියයි. "මුලින් ජාතික ප්‍රශ්නය ප්‍රතිසංස්‌කරණවාදී දෘෂ්ටි කෝණයකින් සලකා බලන ලද්දේ මුලධනයේ බලය පිළිබඳ පොදු ප්‍රශ්නයවත්, අධිරාජ්‍යවාදීද පරාජය කිරීමටවත්, නිර්ධන පන්ති විප්ලවයටත් කිසිදු සම්බන්ධතාවයක්‌ නැති ස්‌වාධීන ප්‍රශ්නයක්‌ ලෙසිනි. යුරෝපීය නිර්ධන පන්තියේ ජයග්‍රහණය යටත් විජිතයන්ගේ විමුක්‌ති ව්‍යාපාර සමග සෘජු සම්බන්ධතාවයකින් තොරව දිනාගත හැකි බවත් ජාතික යටත් විජිත ප්‍රශ්නය නිසොල්මන්ව මෙන්ම ඉබේම විසඳෙන බවත් නිර්ධන පන්ති විප්ලවීය මාවතින් බාහිරව මෙන්ම අධිරාජ්‍යවාදයට එරෙහි වූ විප්ලවීය අරගලයකින් තොරව ද ඒවා විසඳිය හැකි බවත් තර්කයන්ගෙන් තොරව විශ්වාස කරන ලදී. මෙම ප්‍රතිවිප්ලවීය ආකල්ප හෙළිදරව් වී ඇති බව අපට අද ප්‍රකාශ කළ හැක. ජාතික ප්‍රශ්නය විස¹ලිය හැකි වන්නේ නිර්ධන පන්ති විප්ලවය හා බද්ධ වීමෙන් මෙන්ම එය පදනම් කොටගෙන පමණක්‌ බවත්, බටහිර රටවල විප්ලවීය ජයග්‍රහණයේ මාවත වැටී ඇත්තේ යටත් විජිතයන්හි හා හැකි රටවල අධිරාජ්‍යවාදයට විරුද්ධ වූ විමුක්‌ති ව්‍යාපාර සමග වන විප්ලවීය සංවිධානය ඔස්‌සේ පමණක්‌ බවත් ලෙනින්වාදය ඔප්පුකර ඇති අතර එය අධිරාජ්‍යවාදී යුද්ධය හා රුසියානු විප්ලවය ද තහවුරු කොට ඇත. ජාතික ප්‍රශ්නය නිර්ධන විප්ලවයේ පොදු ප්‍රශ්නයේ කොටසක්‌ වේá නිර්ධන පන්ති ආඥදායකත්වය පිළිබඳ ප්‍රශ්නයේ කොටසක්‌ වේ.


ප්‍රශ්නය මෙයයි. පීඩිත රටවල විප්ලවීය ව්‍යාපාරය තුළ නිදන්ගත විප්ලවීය හැකියාවන් දැනටමත් ක්‍ෂය වී ඇත්තේද, නොමැත්තේද එසේ නොමැත්තේ නම් මෙම හැකියාවන් නිර්ධන පන්ති විප්ලවය සඳහා උපයෝගීකර ගැනීමට අධිරාජ්‍යවාදී ධනේශ්වරයේ සහායක කොටසක්‌ විප්ලවීය නිර්ධන පන්තියේ සහාය කොටසක්‌ බවටත්, එහි මිතුරකු බවටත් පරිවර්තනය කර ගැනීමට කිසියම්ම බලාපොරොත්තුවක්‌ කිසියම්ම පදනමක්‌ ඇත්තේද යන්නය.

ලෙනින්වාදය මෙය ඉටු කළ හැකි බව ප්‍රශ්නයට පිළිතුරු වශයෙන් දේ. (70 පිටුව) නැවත වරක්‌ කරුණු දෙකක්‌ අවධාරණය කෙරේ. නිර්ධන පන්ති විප්ලවයටත් ලෝක සමාජ සංවර්ධනයටත් සහාය වීමේ එහි කර්තව්‍යය අනුවය. විමුක්‌ති ව්‍යාපාරයන්හි කාර්ය භාරය මනිනු ලබන්නේ දෙවැනිව, ජාතික විමුක්‌තිය පිළිබඳ ප්‍රශ්නය විසඳීම සඳහා කේන්ද්‍රීය සහ පීඩිත රටවල කම්කරු පන්තියේ සමගිය අත්‍යවශ්‍ය බව නැවත වරක්‌ අවධාරණය කෙරේ.

පූජ්‍ය ගලගම ධම්මරංසි හිමි

කුස්සිය හා රාජ්‍යය - වික්ටර් අයිවන්

ලංකාවේ රාජ්‍යය හා ආණ්ඩුක‍්‍රමය පමණක් නොව කුස්සියේ උයන පිහන හා කන බොන ක‍්‍රමද වෙනස් කරගත යුතු තැනකට ලංකාව යායුතුව තිබෙන්නේය. ඉතා බැරෑරුම් විෂයක් ලෙස සැලකිය හැකි ලංකාවේ රාජ්‍ය සමග සාමාන්‍යයෙන් කතා නොකරන ඊට වඩා සරල විෂයයන් ලෙස සැලකිය හැකි කුස්සිය එකට ගෙන ඒ දෙකම වෙනස් විය යුතු බව කියන විට ඉන් අදහස් වනුයේ ලංකාවේ රාජ්‍යය හා සමාජය පමණක් නොව ඒ හා බැඳුණු ලොකු කුඩා හැම දෙයක්මත් වෙනස් කරගත යුතු හා නවීන කරගත යුතු තත්ත්වයක රට පවත්නා බවය.

රාජ්‍යයේ අසමත්කම පැහැදිලිව දැකිය හැකි සාකච්ජාවට ලක්වෙමින් තිබෙන ජනප‍්‍රිය මාතෘකාවක් ලෙස සැලකිය හැකිය. පාස්කු ඛේදවාචකය රාජ්‍යයේ අසමත්කම හොඳින් පෙන්නුම් කළ අවස්ථාවක් ලෙස සැලකිය හැකිය. එම සිද්ධිය ආශ‍්‍රයෙන් සමාජයේ වර්ධනය වූ බෙදුම් හා ගැටුම් ලංකාවේ සමාජ ක‍්‍රමයේ තිබෙන බිඳ වැටීමේ තරම හොඳින් පෙන්නුම් කළ අවස්ථාවක් ලෙස සැලකිය හැකිය. 19 වැනි සංශෝධනය හා ඒ ආශ‍්‍රයෙන් රාජ්‍ය පාලනයේ ඇතිවී තිබෙන අවුල්සහගතභාවයේ තරම බලවත් ලෙස පෙන්නුම් කළ අවස්ථාවක් ලෙස සැලකිය හැකිය. 19 වැනි සංශෝධනය හා ඒ ආශ‍්‍රයෙන් රාජ්‍ය පාලනයේ ඇතිවී තිබෙන අවුල්සහගතභාවය නීති සම්පාදන විෂයේදී ව්‍යවස්ථාදායකය ඇද වැටී තිබෙන බංකොළොත්භාවය තරම හොඳින් පෙන්නුම් කළ අවස්ථාවක් ලෙස සැලකිය හැකිය. දොස්තර සාෆිගේ වඳ සැත්කම් කතාව ලංකාවේ ජනමාධ්‍ය රඟපාමින් තිබෙන විනාශකාරී භූමිකාවේ නියම ස්වභාවය පෙන්නුම් කරනවාට අතිරේකව පදනම් විරහිත බොරුවලින් මහජනයා මුලා කළ හැකි තරමද පෙන්නුම් කළේය.

සමෘද්ධියේ බොරුව

තිස්සමහාරාමයේ විජයපුර ප‍්‍රදේශයේ මාස 11ක දරුවෙක් අධික දුප්පත්කම හා ආහාර නැතිකම නිසා මිය ගියේය. එය සජිත් පේ‍්‍රමදාසගේද, හිටපු ජනාධිපති මහින්ද රාජපක්ෂගේද, ජනතා විමුක්ති පෙරමුණේද දේශපාලන බල ප‍්‍රදේශයක් ලෙස සැලකිය හැකිය. ජනාධිපති මහින්ද රාජපක්ෂ කාලයේදී හම්බන්තොට දිස්ත‍්‍රික්කයේ යටිතල පහසුකම් නගා සිටුවීම සඳහා කරන ලද වියදම අතිවිශාලය. සජිත් පේ‍්‍රමදාස වර්තමානයේ තමන්ට ලැබී තිබෙන නිල බලය අනුව ප‍්‍රදේශයේ උන්නතිය පිණිස බොහෝ දේ කර තිබෙනවා විය යුතුය. ජවිපෙ තිස්සමහාරාමයේ ප‍්‍රාදේශීය සභාවේ බලය අල්ලා සිටි කාලයේ එහි දියුණුව පිණිස බොහෝ දේ කළා විය යුතුය. ඒ සියල්ල එසේ තිබියදීත් ආහාර නැතිකමින් දරුවකු මියයන තරමේ දුප්පත්කමක් වර්තමානයේ එම දිස්ත‍්‍රික්කයේ තිබෙන බව ඉන් පෙන්නුම් කරයි.

දුප්පත්කමේ පතුලේම සිටින අයගේ ආරක්ෂාව හා සංවර්ධය සඳහා රුපියල් බිලියන 50ක වාර්ෂික වියදමකින් පවත්වාගෙන යන සමෘද්ධි ව්‍යාපාරයක් රටේ තිබෙන්නේය. එම වැඩසටහන පවත්වාගෙන යෑම සඳහා යොදාගෙන සිටින නිලධාරීන් සංඛ්‍යාව 27,000ක් වන අතර එම නිලධාරීන්ගේ වැටුප් හා පරිපාලන වියදම සමෘද්ධි සහනාධාර සඳහා කරන වියදමට වඩා වැඩිය. මෙම වැඩසටහනින් පවුල් 15 ලක්ෂයක් සහනාධාර ලබන අතර වර්තමාන ආණ්ඩුව පාක්ෂික පදනමින් අලුතෙන් එකතු කරමින් තිබෙන පවුල් හය ලක්ෂය සමග එකට ගත්විට එය පවුල් 21 ලක්ෂයක් දක්වා සහනාධාර ලබාදෙන ව්‍යාපාරයක් දක්වා වර්ධනය වී තිබේ. සමෘද්ධි සහනාධාර ලැබීමට තිබෙන නිර්ණායකය දුප්පත්කම ලෙස සලකතොත් ලංකාවේ දුප්පත්කම 40%ක මට්ටමක පවතින්නේ යැයි කිව හැකිය.

දුප්පතුන්ට මේ ආකාරයෙන් සහනාධාර ලබාදෙන වැඩසටහනක් ජනසවිය නමින් හඳුන්වාදෙන ලද්දේ රණසිංහ පේ‍්‍රමදාස ජනාධිපතිවරයාය. ඉන්පසු පොදු පෙරමුණු ආණ්ඩුව එහි නම සමෘද්ධිය ලෙස වෙනස් කොට එම වැඩසටහන පවත්වාගෙන යෑම සඳහා යොදා ගන්නා නිලධරතන්ත‍්‍රයේ ප‍්‍රමාණය වැඩි කොට සහනාධාර ලබන්නන්ගේ සංඛ්‍යාවද වර්ධනය කළේය. ඒ සමග එය ආණ්ඩුවේ ප‍්‍රධාන ජන්ද යාන්ත‍්‍රණය බවට පත්කර ගැනීමක්ද සිදුවිය.

එම වැඩසටහන ආරම්භයේදී වැඩසටහනට අනුයුක්ත කරගන්නා දුප්පතුන්ගේ දුප්පත්කම වසර 2-4 අතර කාලයක් තුළ නැති කොට ඔවුන් සහනාධාර ලබන වැඩසටහනින් ඉවත් කොට දුප්පත් තත්ත්වයක සිටින්නන් අලුතින් එයට එකතුකර ගැනීමට අපේක්ෂා කළේය. එහෙත් එවැනි දෙයක් සිදු නොවීය. මේ වැඩසටහන ආරම්භ කොට දැන් දශක තුනක් තරම් කාලයක් ගතවී ඇතත්, වැඩසටහනට එකතු කරගෙන සිටින දුප්පතුන්ගේ දුප්පත්කම තුරන් කිරීමට එය සමත් වී නැත. සමෘද්ධි වැඩසටහන දුප්පත් මිනිසුන්ව තබා ගනිමින්, ඔවුන්ට දුප්පත්කමින් අත්මිදීමට ඉඩ නොදී දුප්පත්කමේම තබාගනිමින් ඒ සියලූදෙනා දේශපාලන ප‍්‍රවේණිදාසයන්ගේ තත්ත්වයේ තබා ගැනීම සඳහා පාර්ලිමේන්තුව නියෝජනය කරන සියලූ දේශපාලන පක්ෂ පොදු එකඟතාවකින් යුතුව මහජන වියදමින් පවත්වාගෙන යන අවලස්සන හා නින්දාසහගත වැඩසටහනක් ලෙස සැලකිය හැකිය. දුප්පතුන්ට අවශ්‍ය වන්නේ කන්න මාළු නොව මාළු අල්ලා ගැනීමට අවශ්‍ය බිලී පිතිය. සහනාධාර බෙදන ක‍්‍රමය සාධාරණ නැත. සහනාධාර ලැබීමට සුදුසුකම් නැති විශාල පිරිසක් සහනාධාර ලබන අතර, සහනාධාර ලැබිය යුතු දුප්පතුන් විශාල පිරිසක් සහනාධාර නොලබන තත්ත්වයක සිටිති. අධික මන්ද පෝෂණය නිසා තිස්සමහාරාමයේ මියගිය දරුවාගේ පවුලේ සාමාජිකයන්ට සමෘද්ධි සහනාධාර වැඩසටහනට ඇතුළත් කරගෙන නොතිබුණි. සහනාධාර ලැබීමට සුදුසුකම් ඇති ලොකු පිරිසක් එම වැඩසටහනට ඇතුළත් කරගෙන නැති බව හා එම සහනාධාරය ලැබීමට සුදුසුකම් නැති විශාල පිරිසක් එම සහනාධාරය භුක්ති විඳිමින් සිටින බව තිස්සමහාරාම අත්දැකීම් ආශ‍්‍රයෙන් තේරුම් ගත හැකිය. දුප්පත්කම තුරන් කිරීමේ නාමයෙන් අතිවිශාල මහජන වියදමකින් පවත්වාගෙන යන සමෘද්ධිය පිළිබඳව සොයා බලන තැනකට ගියහොත් එම වැඩසටහනට නායකත්වය දෙන ලද දේශපාලකයන් වැඩි පිරිසකට හිරේ යන්නට සිදුවනු නොවැළැක්විය හැකිය. තිස්සමහාරාමයේ එම දරුවා මියගියේ අධික මන්දපෝෂණය නිසාය. දැන් මන්ද පෝෂණයේදී ලංකාව ආසියාවේ ප‍්‍රමුඛ තත්ත්වයක් හිමිකරගෙන සිටින බව කිව යුතුය.

ග‍්‍රාමීය දුප්පත්කම

ග‍්‍රාමීය දුප්පත්කම කෙරෙහි බලපා තිබෙන හේතු විවිධය. වගා කිරීමට ප‍්‍රමාණවත් තරම් ඉඩම් ප‍්‍රමාණයක් නැතිකම හා තිබෙන ඉඩම පරම්පරා දෙකක් තුළ පවුලේ සාමාජිකයන් අතර බෙදී ගියවිට වගා කිරීමට ප‍්‍රමාණවත් ඉඩම් නැතිකමේ ප‍්‍රශ්නයක් ඇතිවේ. එම ප‍්‍රශ්නය කෘෂිකාර්මික ප‍්‍රදේශවල පොදුවේ දක්නට තිබෙන (ගොවිජනපදවල පවා) තත්ත්වයක් ලෙස සැලකිය හැකිය.

ග‍්‍රාමීය කෘෂිකර්මය ප‍්‍රධාන කොට අඩුම ආදායමක් ලබාදෙන බෝග වගාවක් ලෙස සැලකිය හැකි වී ගොවිතැන මත රඳා පැවතීමද ග‍්‍රාමීය දුප්පත්කම කෙරෙහි බලපා තිබෙන ප‍්‍රධාන ප‍්‍රශ්නයක් ලෙස සැලකිය හැකිය. වී ගොවිතැන් කරන්නන්ට ඔවුන් වාසනාවන්ත වෙතොත් කන්නයක් සඳහා කුඹුරු අක්කරයකින් ඉපැයිය හැකි උපරිම ආදායම රුපියල් 40,000ක මට්ටමක පවතී. වී ගොවිතැන සඳහා එළවළු හෝ වෙනත් බෝග වගාවන් සඳහා අවශ්‍ය කරන තරමේ ශ‍්‍රමය අවශ්‍ය වන්නේ නැත. කුඹුරු අක්කරයක් සඳහා ගොවියා එක් කන්නයකට වැඩකළයුත්තේ දින 19ක් පමණය. එම තත්ත්වයද වී ගොවිතැනේ ශ‍්‍රම ඵලදායකත්වය පහළම මට්ටමක තැබීමට හේතුවී තිබේ. ලංකාවේ තේ, රබර්, පොල් හා අනෙකුත් සියලූ බෝග වගාවන් සඳහා යොදාගෙන තිබෙන ඉඩම් ප‍්‍රමාණය හෙක්ටයාර් 878623ක් (තේ 229,262, රබර් 207,625, පොල් 295,552ක් හා වී හැර වෙනත් සියලූ ක්ෂේත‍්‍ර බෝග වගාවන් සඳහා 146,181) වන විට වී වගාව සඳහා පමණක් යොදාගෙන තිබෙන ඉඩම් ප‍්‍රමාණය හෙක්ටයාර් 922,151කි. වී ගොවිතැනට ලබාදී තිබෙන ප‍්‍රමුඛතාවයේ තරම ඒ ආශ‍්‍රයෙන් තේරුම් ගත හැකිය. වී ගොවිතැනින් උපයන ආදායම් ඉතා පහළ මට්ටමක පවතී නම් හා රට කෘෂිකර්මයේදී වැඩිම ප‍්‍රමුඛතාවක් ලබාදී ඇත්තේ වී ගොවිතැනට නම් ඒ රට දුප්පත් වීම හා වී ගොවිතැනෙන් යැපෙන ජනයා දුප්පත් වීම වැළකිය නොහැකිය.

තෙත් කලාපයේ වී ගොවිතැනට වෙන්කර තිබෙන කුඹුරු ඉඩම්වලින් කිසියම් විශාල ප‍්‍රමාණයක් විවිධ හේතු නිසා වගා කරන්නේම නැත. ඒ ප‍්‍රමාණය අක්කර ලක්ෂ 5කටත් වැඩිවිය හැකිය. කුඹුරු ඉඩම් සඳහා ක‍්‍රියාත්මක වන දැඩි නීති රීති නිසා ඒවා වෙනත් බෝග වගාවකට යොදා ගැනීමක්ද සිදු නොවේ. ඒවාහි පහත්බිම් ස්වරූපයට හානියක් නොවන ලෙස හරක් ගොවිපොළවල් සඳහා අවශ්‍ය තණබිම් බවට පත්කර ගැනීමේ හැකියාවක් ඇතත්, හරක් මස් පිළිබඳ ස්ථිර ප‍්‍රතිපත්තියක් රටට නැතිකම නිසා ලංකාවේ ගව පට්ටි පාලනය තිබෙන්නේද දියුණු කළ නොහැකි තත්ත්වයකය. ”ගව මස් කන්නා වසලයෙකි.” කියන අනගාරික ධර්මපාලතුමාගේ සටන් පාඨය අද දක්වා සිංහල බෞද්ධ ජනතාවගේ මනස් කෙරෙහි බලපා තිබෙන බව පෙනේ.

ලංකාවට අවශ්‍ය කරන කිරි ලංකාවේම නිපදවා ගැනීමේ ඇත්ත හැකියාවක් ඇතත්, හරක් මස් සම්බන්ධයෙන් තිබෙන පසුගාමී ආකල්ප පිළිවෙළින් ස්වයංපෝෂිත වීමට තිබෙන හැකියාව වළකන සම්බාධකයක් ලෙස ක‍්‍රියා කරමින් පවතී. හරක් කිරිවලට පමණක් හැදීම ආර්ථික වශයෙන් ඵලදායක වන්නේ නැත. එය ඵලදායී වන්නේ හරක් කිරි පිණිස පමණක් නොව, මස් පිණිස ද ප‍්‍රයෝජනයට ගන්නේ නම් පමණය. හරක් මස් සඳහා සම්බාධක ඇති රටක ආයෝජකයන් කිරි සඳහා පමණක් හරක් හදන්නට යොමුවන්නේ නැත.

වන සතුන්ගේ භූමිකාව

වී ගොවිතැනේ යෙදෙන ගොවියකුට ඉන් ලැබෙන ආදායම ඉතා පහත් මට්ටමක පවතී නම් එම ගොවියාට කුඹුරු ගොවිතැන සඳහා වැඩ කරන්නට සිදුවන්නේ දින 19ක් පමණක් නම්, තවත් දින 50ක් පමණ වෙනත් ආර්ථික වශයෙන් ඵලදායී කාර්යයක නිරත නොවේ. එම ගොවියාගේ ජීවිතය දුක්ඛිත වීම නොවැළැක්විය හැකිය.

වියළි කලාපීය ගොවි ජනපද ව්‍යාපාරවල ගොවීන්ට ගොවිතැන සඳහා මඩ ඉඩම්වලට අතිරේකව ගොඩ ඉඩම් ලබාදී ඇතත්, වන සතුන්ගෙන් එල්ල වන හානි නිසා ගොවීන් ගොඩ ඉඩම්වලින් නිසි ප‍්‍රයෝජන නොගන්නා තත්ත්වයක් ඇතිවී තිබෙන බව දැකිය හැකිය. වන සතුන්ගෙන් බෝග වගාවන්ට සිදුවන හානි පාලනය කිරීම සඳහා විධිමත් ප‍්‍රතිපත්තියක් ආණ්ඩුවට නැත. ආණ්ඩුවේ නිල සංඛ්‍යා ලේඛනවලට අනුව වුවද වන සතුන් බෝග වගාවන්ට කරන හානියේ ප‍්‍රමාණය සමස්ත කෘෂි නිෂ්පාදනයෙන් 40%ක් පමණ වේ. නිසි පාලනයක් නැතිකම නිසා වල් ඌරන්, මොනරුන්, වඳුරන්, රිලවුන්, වල් අලින් වැනි බෝග වගාවන්ට හානි කරන වල් සතුන්ගෙන් ගහණයේ අතිවිශාල වර්ධනයක් ඇතිවී තිබෙන අතර ඔවුන් කෘෂිකර්මයට කරන හානියේ ප‍්‍රමාණය අතිවිශාලය. දිගින් දිගට වල් ඌරන්ගේ පහරදීම්වලට ලක්වන ගොවිබිම් වගා කිරීම අත්හරිනවා මිස සිදුවන හානි නොසලකා ඒවා වගා කරන්නේ නැත. එක්කෝ ගොවිතැනට හානි කරන වන සතුන් පාලනය කරන ක‍්‍රමවේදයක් රජයට තිබිය යුතුය. නැතිනම් වල් අලින් හැර ගොවිතැනට හානි කරන වන සතුන් දඩයම් කිරීමේ අයිතිය ගොවීන්ට දිය යුතුය.

වල් අලින් හැර වගාවන්ට හානි කරන වල් සතුන් දඩයම් කිරීමේ අයිතිය හා දඩයම් කරන සතුන්ගේ මස් ළඟ තබාගැනීමේ, ප‍්‍රවාහනය කිරීමේ හා අලෙවි කිරීමේ අයිතිය ගොවීන්ට ලබාදෙන ප‍්‍රතිපත්තියක් ක‍්‍රියාත්මක කිරීමෙන් පමණක් ගොවිතැනට හානි කරන වල් සතුන්ගේ ගහණය සාර්ථක ලෙස පාලනය කළ හැකිය. ඒ මගින් දුප්පත් ගොවීන්ට අතිරේක ආදායම් උපයා ගතහැකි මාර්ගයක් ද ඇතිකර දිය හැකිය. වල් ඌරු මස් කෑමට මහජනයා කැමතිය. වල් ඌරන් දඩයම් කිරීමට ඉඩදෙන ප‍්‍රතිපත්තියක් මගින් වල් ඌරු මස් නිදහසේ වෙළෙඳ පොළෙන් මිලදී ගතහැකි තත්ත්වයක් ඇති කළ හැකි අතර ඒ මගින් ගොවීන්ට අතිරේක ආදායම් උපයා ගතහැකි මාර්ගයන්ද ඇතිකර දිය හැකිය. ලංකාවේ මස් පරිභෝජනය තිබෙන්නේ බෞද්ධ රටවල් අතරින්ද ඉතාමත් පහළ මට්ටමකය. මන්ද ලංකාවේ සිංහල බෞද්ධ ගොවීන් මස් නොකන ජාතියක් ලෙස සැලකිය නොහැකිය. වියළි කලාපයේ ගොවීන් කුරක්කන් තලප කෑවේ දඩමස් සමගය. ආගමික අන්තවාදී මතවාද ලංකාවේ ජාතිය ප්‍රෝටීන් මන්දපෝෂණයෙන් පෙළෙන රෝගී ජාතියක් බවට පත්කිරීමට හේතුවී තිබේ. ලංකාවේ ප්‍රෝටීන් මන්දපෝෂණයේ අනුපාතය තිබෙන්නේ 30%ක් තරම් ඉහළ මට්ටමකය. වන සතුන් ගොවිතැනට කරන හානිය ග‍්‍රාමීය දුප්පත්කම කෙරෙහි බලපා තිබෙන වැදගත් සාධකයක් ලෙස සැලකිය හැකිය. ලංකාවේ ග‍්‍රාමීය තරුණ පරපුර කෘෂිකර්මයට යොමු නොවී ත‍්‍රීරෝද රථවලට යොමුවී තිබෙන්නේ කෘෂිකර්මයෙන් ප‍්‍රමාණවත් තරමේ ආදායම් උපදවා ගතහැකි ආකාරයට නවීන නොවන නිසාය.

යල්පැනගිය කුස්සිය

සෞඛ්‍ය සම්පන්න ජාතියක් ගොඩනගා ගැනීම සඳහා පමණක් නොව, දියුණු කෘෂිකර්මයක් ඇතිකර ගැනීම සඳහාද ලංකාව කන බොන ක‍්‍රමවල සේ ම උයන පිහන ක‍්‍රමවලද ලොකු වෙනස්කම් ඇතිකර ගැනීම අත්‍යවශ්‍යය. නූතන රාජ්‍යයකට අතිරේකව නූතන කුස්සියක් ගැනද ලංකාව සිහින දැකිය යුතුය.

ලංකාව සැලකෙන්නේ තුන් වේලටම බත් කන ජාතියක් වශයෙනි. තුන්වේලටම බත් කෑම සැලකෙන්නේද ඉතාමත් නම්බුකාර හා දේශපේ‍්‍රමී දෙයක් ලෙසය. ලංකාවේ මිනිසුන් අතර දියවැඩියාව, රක්ත හීනතාව හා ප්‍රෝටීන් මන්ද පෝෂණය ඉහළ මට්මක පවතී. ලංකාවේ ජනයා වැඩියෙන් බත් කන, අඩුවෙන් මස්, මාළු, බිත්තර, එළවළු හා පලතුරු කන ජාතියක් ලෙස සැලකිය හැකිය. බත් කන කොට කන්නේද කන පිඟානට කොතක් ලෙසත් බෙදාගෙනය. ජපනුන් බත් කන්නේ පුංචි කෝප්පයකට බෙදාගෙනය.

ජාතිය නිරෝගී හා සෞඛ්‍ය සම්පන්න කරගැනීම සඳහා බත් කන ප‍්‍රමාණය අඩු කොට මාංසජනක ආහාර, එළවළු හා පලතුරුද කන ප‍්‍රමාණය වැඩි කළ යුතුය. බත් කන ප‍්‍රමාණය අඩු කරන තරමට ජාතික සහල් අවශ්‍යතාවද අඩු කළ හැකිය. ඒ මගින් ගොවීන් වී මත යැපෙන ප‍්‍රමාණය අඩු කළ හැකි අතර ඒ මගින් වී ගොවීන් වෙනත් වගාවන්ටද යොමු කිරීමෙන් ඔවුන් අතර පවත්නා දුප්පත්කමද අඩු කළ හැකිය. ආහාරයට ගන්නා මාංශජනක ආහාර ප‍්‍රමාණයද, එළවළු හා පලතුරු ප‍්‍රමාණයද වැඩි කිරීම මගින් මාංසජනක ආහාවරලද එළවළු හා පලතුරු නිෂ්පාදනයන්ට තිබෙන ඉල්ලූමද වැඩි කළ හැකිය.

ලංකාවට තිබෙන්නේ යල්පැනගිය කුස්සියකි. අපේ ප‍්‍රධාන ආහාරය බත් වුවත් නිසි ප‍්‍රමිතියකට බත් උයාගන්න දන්නේ නැති, ඒ බතට ගැළපෙන ලෙස මාළු පිනි උයා ගන්නට දන්නේ නැති, ජාතියක් ලෙස සැලකිය හැකිය. ලෝකයේ හොඳම තේ නිපදවන්නේ ලංකාවය. එය බි‍්‍රතාන්‍යයන් ලංකාවට හඳුන්වා දෙන ලද බෝග වගාවක් වුවද, තේ පානය අපේ ජීවිතවලටද වැදගත් අංගයක් බවට පත්ව තිබෙන්නේ යැයි කිව හැකිය. එහෙත් ලංකාවේ ගෘහණියන් බොහෝ දෙනකු හරිහැටි තේ කෝප්පයක් හදාගන්න දන්නේ නැත. එක්කෝ කහට වැඩිය. නැතිනම් කහට මදිය. ඒත් නැතිනම් සීනි වැඩිය. කිරි තේවලදීද ඒ වැරදි ඒ ආකාරයටම දැකිය හැකිය.

දැන් බොහෝ තේ කඩවල දෙන්නේ සමාගම් විසින් නිපදවන ක්ෂණික තේය. සාම්ප‍්‍රදායික තේ කෝප්පයක් ලබාගත හැක්කේ ඉතාමත් කලාතුරකින් තැනකින් පමණය. ක්ෂණික තේ, තේ බීම එපා කරයි. දැන් තේ කඬේකින් ප්ලේන්ටි එකක් ඉල්ලූ විට උණුවතුර, සීනි හා තේ බෑගයක් ලබාදෙයි. සාමාන්‍ය කඩවල දෙන්නේ ප‍්‍රමිති තත්ත්වයේ තිබෙන තේ බෑගයක් නොවේ. ඒවා තුළ තිබෙන්නේ බීමට නුසුදුසු දහජරා තේ බව දන්නේ කලාතුරකින් කෙනෙකු පමණය. පෙනුම ඉතාමත් ගාම්භීර වුවත් තත්ත්වය ඉතාමත් බාලය.

ලංකාවේ කුස්සියේ කෑම වට්ටෝරුව එළවළු මාළු පිනි 10ක් පමණ වටා කැරකෙන ඒකාකාරී කෑම වට්ටෝරුවක් ලෙස සැලකිය හැකිය. ඒ වර්ග කිහිපය පවා අප උයන්න දන්නේ විධි දෙකකට හෝ තුනකට පමණය. හොද්දට, හොදි නැතිව හෝ තෙලට යනාදිය වශයෙනි. මෙම සීමිත ඒකාකාරී කෑම වට්ටෝරුව උයන කෙනාට ඉවීම නීරස දෙයක් බවට පත්වනවා සේ ම, කන කෙනාටද, හැමදාකම එකම දේවල් කීපයක් එකම විදියට කන්න සිදුවීම නිසා ආහාර ගැනීමද ඉක්මනින් නීරස දෙයක් බවට පත්වන්නේය. ඒ නිසා අපේ ගෘහණියන්ට කෑම උයන්නට සිදුවී තිබෙන්නේ ආසාවෙන් නොව, නොකර බැරි නිසාය. ඒ ආහාර කන අයට කන්නට සිදුවී තිබෙන්නේ ඒවා කනවා හැර තෝරා ගැනීමට වෙන විකල්පයක් නැති නිසාය.

සාමාන්‍යයෙන් ආහාර වේලක් බැලූ බැල්මට වර්ණවත් විය යුතුය. එහි පෙනුම කෑමට ආශාවක් ඇති කළ යුතුය. එය රසවත් විය යුතු සේ ම පෝෂ්‍යදායකද විය යුතුය. එහෙත් ලංකාව ආහාර වේලක් හැදීමේදී ඒ කාරණා තුනම හොඳින් සැලකිල්ලට නොගන්නා ජාතියක් ලෙස සැලකිය හැකිය.
එකම දෙයක් වුවත් විධි රාශිකට ඉවීමේ පුළුවන්කමක් තිබිය යුතුය. අපි මාළු උයන්න දන්නේ විධි තුන හතරකට පමණය. මිරිසට, කිරට, ඇඹුල් තියල් හා තෙලෙන් බැදීම යනාදී වශයෙනි. සමහර ජාතීන්ට මාළු පිිසින ක‍්‍රම සිය ගණනක් තිබෙන්නේය.

ලංකාවේ ගෙවල්වල පමණක් නොව ආහාර විකුණන කඩවලද මාළු පමණක් නොව, තෙලෙන් බදින ලද චයිනිස් රෝල්ස් වැනි ආහරවලදී එම මාළු කෑල්ල තුළ හෝ චයිනිස් රෝල් එක තුළ තෙල් පෙඟී ඇති බවක් දැකිය හැකිය. එය හොඳින් තෙල් රත්වන තෙක් නොසිට තෙලට බදින දේ දැමීම හෝ රත්වූ තෙලේ ප‍්‍රමාණයට නොගැළපෙන තරම් ප‍්‍රමාණයක් තෙලට දැමීම නිසා ඇතිවන දෝෂයක් ලෙස සැලකිය හැකිය. එහෙත් එය ලංකාවේ ගෙවල්වල සේ ම ආහාර වෙළෙඳ සැල්වලද බහුලව දකින්නට ලැබෙන දෝෂයක් බවද කිව යුතුය.

ලංකාවේ ගෝවා කාලෙට ගෝවා විකුණා ගැනීමට නොහැකි වීම නිසා ගොවීන්ට තමන් වගා කරන ලද ගෝවා තොග වශයෙන් විනාශ කරන්නට සිදුවන අවස්ථා ගැන නිතර නිතර අසන්නට ලැබෙන්නේය. එයට බලපා තිබෙන එක හේතුවක් ලෙස සැලකිය හැක්කේ ලංකාවේ ජනතාව ගෝවා කන්නට දැන නොසිටීමය. අපි ගෝවා පිසින්නට දන්නේ වැඩිම වුවහොත් ක‍්‍රම දෙකකට හෝ තුනකටය. එහෙත් සමහර ජාතීන්ට ගෝවා උයන පිහන ක‍්‍රම විශාල ගණනක් තිබෙන අතර සමහර ක‍්‍රමවලට පිසින ලද ගෝවාවල රසවත්කම ඉතා ඉහළ මට්ටමක පවතී.

ලංකාවේ තක්කාලි පරිභෝජනය ගැන කිවයුත්තේද ඊට සමාන කතාවකි. ලංකාවේ ඒක පුද්ගල තක්කාලි පරිභෝජනය තිබෙන්නේ ඉතාමත් පහළ තත්ත්වයකය. තක්කාලි ආහාර වේලේ වැදගත් අතුරු අංගයක් බවට පත්කර ගන්නට අපි දන්නේ නැත. අපි තක්කාලි අමුවෙන් කන්නේ සලාදයක් කන අවස්ථාවකදී පමණය. තක්කාලි යුෂ බොන සම්ප‍්‍රදායක් ඇත්තේම නැති තරම්ය. සැර ඇල්කොහොල් පානය කරන්නන් මිශ‍්‍රණය සඳහා සෝඩා හෝ කොකාකෝලා වෙනුවට ඝනට හදාගත් තක්කාලි යුෂ යොදා ගන්නේ නම් (අවශ්‍ය නම් ගම්මිරිස් කුඩු ස්වල්පයක්ද ඊට එකතු කළ හැකිය.) එම ඇල්කොහොල් පානය ඉතා වර්ණවත් හා ප‍්‍රියජනක පානයක් බවට පත්කරනවා පමණක් නොව, ඇල්කොහොල්වලින් අක්මාවට සිදුවන හානියද අවම කරයි.

වර්තමානයේ බොහෝ නිවෙස්වල ගෑස් හෝ විදුලි උඳුන් තිබෙන්නේය. එහෙත් උඳුන ප‍්‍රයේජනයට ගන්නේ ඉඳහිට කේක් එකක් හදා ගැනීම සඳහා පමණය. සාමාන්‍ය ඉවුම් පිහුම් සඳහා උඳුන පාවිච්චි කිරීමක් සිදුවන්නේම නැති තරම්ය. ඒ සඳහා කිසිවෙක් අත්හදා බැලීම් කරන්නේද නැත. මාළු ඇඹුල් තියල් හදන විට එය ළිපේ පිසගැනීමෙන් පසු එම භාජනය උඳුනේ තබා ටික වේලාවක් බේක්කර ගැනීමෙන් ඇඹුල් තියල් මාළුව වඩා රසවත් කළ හැකිය.

ජපානය මීට සති කිහිපයකට ඉහතදී මයික්‍රොවේව් උඳුන් නිපදවීම, විකිණීම හා ළඟ තබා ගැනීම තහනම් කළේය. ලංකාවේද මයික්‍රොවේව් උඳුන් පාවිච්චි කරන්නන් විශාල සංඛ්‍යාවක් සිටින්නේය. ජපානය එම තහනම පනවා තිබෙන්නේ ඒ ගැන කාලයක් තිස්සේ කරන ලද අත්හදා බැලීමකින් පසුවය. මයික්‍රොවේව් උඳුනෙන් කරන ආහාර පිසීම සෞඛ්‍යය කෙරෙහි ඇති කරන හානිය අතිවිශාලය.

කුස්සිය හා රාජ්‍යය - වික්ටර් අයිවන්

ජීවිතයම කියන්නේ, අහම්බ‍යෙන් හමුවන අහම්බයක්……


නයිජීරියාවේ ඡායාරූප ශිල්පියෙක් හිටියා බෙලෝ (Bello) කියලා. ඔහු ලාගොස් වල එක් අපූරු විදිහකට ඡායාරූපයක් ගන්නවා. අරමුණ තමයි ප්‍රසිද්ධ රැප් ගායක මිනි ටෙම්ප්ව ඡායාරූපයට ගන්න එක. Bello ඒ දේ හරි විදිහට කරනවා. ඒ ඡායාරූපයට අහම්බෙන් වීදිය දිගේ පාන් විකුණන ගැහැණු ළමයෙක් හසු වෙනවා.

ඒක හරිම අහම්බයක්.

මිනි ටෙම්ප් ගේ ඡායාරූපය ඊට පසු සතියේ ප්‍රධාන පුවත්පතක පල වෙනවා. ඡායාරූපය දකින හැමෝම බෙලෝ ගෙන් හරි අපූරු ප්‍රශ්නයක් අහනවා.

“ඔබ හරිම දක්ෂයෙක්.

පිටුපස්සේ ඉන්න පාන් විකුණන ගැහැණු ළමයෙක් ඔතනට ගැලපෙනවා කියලා කොහොමද හිතුවේ?”

බෙලෝ කියනවා ඒක හරිම අහම්බයක් කියලා. අවසානයේ මොකද දන්නවාද වෙන්නේ?

ඇමෙරිකාවේ ප්‍රධාන මොඩ්ලින් ආයතනයක් මෙන්න මේ නයිජීරියානු කළු කෙල්ල සොයාගෙන යනවා. ඇය අද ඩොලර් මිලියන ගාණක් වටිනාකමක් තියන නිරූපිකාවක්. පාන් විකුණපු Olajumoke Orisaguna කියන ගැහැණු ළමයෙකුගේ මුළු ජීවිතයම හරි අපූරු අහම්බයක් නිසා වෙනස් වෙනවා.

මතකද අපි අර පුංචි කාලේ අහපු රත්තරන් පොරවේ කතාව. ගස් කපන මනුස්සයෙක් යනවා ගසක් කපන්න කැලේට. ගහ කප කප ඉන්න කොට පොරව වැටෙන්නේ ගඟට. ගඟ දිහා බලාගෙන කඳුළු පෙර පෙර අඬන මනුස්සයා දකින රුක් දෙවියෝ ගහෙන් මතුවෙලා ගේන්නේ රත්තරන් පොරවක්.

ඕක දිග කතාවක්. ඔතන තියන දේත් ජීවිත අහම්බයක්.
හන්තානට පායන සඳ ලස්සනයිද කියන්න? කියලා අපෙන් අහන අමරසිරි පීරිස් මහත්තයා එක පාරක් කියනවා තමන්ගේ ජීවිතය වෙනස් වුන විදිහ ගැන. අමරසිරි පීරිස් කියන්නේ බටනලා වාදනය කරන ශිල්පියෙක්. දවසක් ගීතය ගායනා කරන්න හිටපු ගායකයා එන්නේ නෑ.

සංගීත කණ්ඩායමේ වාද්‍ය ශිල්පීන් ගැන හොඳටම දන්න ප්‍රේමසිරි කේමදාස මහත්තයා කියනවා දැන් කරන්න දෙයක් නෑ. අමරසිරි ඔයාවත් මේ සිංදුව කියන්න කියලා.

ජීවිතයේ හුඟක් දේවල් සිද්ධ වෙන්නේ අහම්බෙන්. සමහර විට ආදරයක්. බස් රථයේදී, දුම්රියේදී අහම්බෙන් නෙතු ගැටෙන තරුණ තරුණියෝ දැන් දරුවෝ ඉන්න දෙමව්පියෝ.

මම දන්න යහළුවෙක් හිටියා මාත් එක්කම කෝච්චියේ කොළඹ ගියපු. මේ කියන කතාව වෙන කොට අපි උසස්පෙළ. දවසක් ඔය යාළුවා ගෙදර ඉන්න වේලාවක පාරේ නවතිනවා වාහනයක්. හේතුව කාර්මික දෝෂයක්. මේ මගේ යහළුවා අර නොදන්න මිනිසුන්ට උදව් කරනවා. ඒත් හරි ගියේ නෑ. පස්සේ තල්ලු කරලා ඒ කාර් එක අර යාළුවාගේ ගෙදරට දමලා අර මිනිස්සු බස් එකේ යන්න යනවා. ඊට පහුවෙනිදා බාස් කෙනෙක් එක්ක එනවා කියලා.

ඔය කතාවේ හොඳම හරිය ඔතන නෙවෙයි. අර කාර් රථයේ හිටපු අය අතර ලස්සන තරුණියක් ඉන්නවා. මේ යාළුවාට අවුරුදු කිහිපයකට පස්සේ අර තරුණිය නැවත කොළඹ දී හමුවෙනවා.

Chatted ක්ලාස් එකේදී. කාර් එකේ හිටපු තරුණියගේත් මගේ යාලුවාගේත් පුතා ලබන අවුරුද්දේ උසස් පෙළ කරනවා.
ඕස්ට්‍රේලියාවේ ඇඩ්ලේඩි විශ්ව විද්‍යාලයේ DNA පිළිබඳ මහාචාර්‍යවරයෙක් වන ඇලන් කූපර් අපූරු සොයා ගැනීමක් කරනවා. ඒ නියන්ඩකාල් මානවයා ගේ යුගයේ සිට මේ ලෝකයේ ප්‍රතිජීවක භාවිතා කරපු බව. ඒ කියන්නේ මීට අවුරුදු 40,000කට විතර කලින්. අපේ ඉතිහාසය තුල වුනත් එළාර - දුටුගැමුණු යුද්ධයේදී දුටුගැමුණු රජතුමා ප්‍රතිජීවක භාවිතා කරපු බවට සාක්ෂි දරන්නේ අපේ ඉතිහාසය.

ඔය කොහොම වුනත් ප්‍රතිජීවක පිළිබඳ මුල්ම විද්‍යාත්මක පරීක්ෂණය කරයි කියන්නේ 1920 දී ඇලෙක්සැන්ඩර් ෆ්ලෙමන්. ඒ තමයි පෙන්සිලින්.

ලෝකයේ පෙනිසිලින් සොයා ගැනීමත් හරිම අහම්බයක්. දවසක් ෆ්ලෙමින්ට තමන්ගේ පරීක්ෂණ දීසියක් වසා ගන්න අමතක වෙනවා. ඊට පහු වෙනිදා පරීක්ෂණාගාරයට ආපු ෆ්ලෙමින් දකිනවා අර දීසිය මත වැඩුණු දිලීරයක් විසින් බැක්ටීරියා විනාශ කරලා තියන බව. අවසානයේ එම දිලීරය පිළිබඳ දිගින් දිගටම සිදු වෙච්ච පරීක්ෂණයේ ප්‍රතිඵලය තමයි පෙන්සිලින්.

අහම්බයක් ලෙස ජීවිතයට එන අහම්බය මුළු ජීවිතයම වෙනස් කරන බවට හොඳම උදාහරණය තමයි ඉන්දියාවේ රානු මොන්ඩාල්.

ඉන්දියාවේ දුම්රියක් තුල සිංදු කිය කිය හිඟා කාපු රානු මොන්ඩාල් කියන ගැහැණිය ගේ වීඩියෝවක් තරුණයෙක් විසින් අන්තර් ජාලයට මුදා හරිනවා. වියපත් ගැහැණිය සතු මේ තරුණියන් අභිබවා යන හැකියාව ගැන ඉන්දියාවේ මිනිස්සු පුදුම වෙනවා. මේ අහම්බය තව දුරටත් අහම්බයක්ම කරමින් ඉන්දියාවේ ජනප්‍රියතම සංගීතය වන හිමේෂ් රෙෂ්මියා රාහු මොන්ඩාල් ගේ වීඩියෝව දකිනවා. ඔහු ඇය සොයාගෙන දුම්රිය පොළට එනවා.

අද රාහු මොන්ඩාල් කියන්නේ ඉන්දියාවේ සුපිරිම තරුවක්. අහම්බයන් ජීවිතයට හොඳ වගේ නරකටත් බලපාන බව අප අමතක නොකල යුතු ඒවා ගැන ලියන්න ඉඩ මදි නිසා අවසන් කරනවා.

බලන් ගියාම ජීවිතයම කියන්නේ,
අහම්බ‍යෙන් හමුවන අහම්බයක්……

Nirmala Kothalawala - නිර්මල කොතලාවල - ෆෙස්බුක් සටහනක් -


මාධ්‍යවේදී රිල්වාන් මුහුද මැදදී ඝාතනය කරයි

මාලදිවයිනේ මාධ්‍යවේදී අහමද් රිල්වාන් අබ්දුල්ලා මුහුද මැදදී ඝාතනය කර ඇතැයි අනාවරණය වී තිබේ. ආණ්ඩුවේ වංචා-දුෂණ සම්බන්ධයෙන් හෙළිදරව් කළ ඉදිරිපෙළේ මාධ්‍යවේදියෙකු වූ ඔහුව පැහැරගනු ලැබුවේ 2014 අගෝස්තු මාසයේදී ය. ඉස්ලාමීය සටන්කාමීන් විසින් මේ ඝාතනය සිදු කළ බව මීට පෙර සඳහන් විය. ආණ්ඩුවේ අවශ්‍යතාව මත ඔවුන් රිල්වාන් ඝාතනය කරන්නට ඇතැයි දැන් සැක පහළ වී තිබේ.

එහෙත් ජනාධිපති කොමිසමක් !

මාලදිවයිනේ ඝාතන සහ අතුරුදන්වීම් සම්බන්ධයෙන් විමර්ශනය කිරීම සඳහා පත් කළ ජනාධිපති කොමිසම මගින් ඔහුගේ අතුරුදන් වීමෙන් වසර පහකට පසු මේ තොරතුරු අනාවරණය කරගෙන තිබේ. රිල්වාන්ගේ ඝාතනයට සෘජුව සම්බන්ධ වූ පිරිසකගෙන් සාක්ෂි ලබා ගැනීමට හැකි වූ බවත්, ඔවුන්ගේ සාක්ෂි මත ඉදිරි විමර්ශන සිදු කරන බවත් කොමිසමේ සභාපති හුස්නු සූද් රොයිටර් පුවත් සේවයට පවසා තිබේ. මේ සම්බන්ධයෙන් වැඩි විස්තර අනාවරණය කිරීම විමර්ශන වලට බාධාවක් බවද ඔහු වැඩිදුරටත් සඳහන් කර ඇත.

අලුත් කොමිසමේ වැඩ

අබ්දුල්ලා යමීන්ගේ පාලනය පසුගිය වසරේ අවසන් විය. ඉබ්‍රහිම් මොහොමඩ් සෝලි එරට නව ජනාධිපතිවරයා ලෙස පත් වූ අතර, ඔහු විසින් කළ මුලික කටයුතු අතර මේ කොමිසම පත් කිරීමද විය.

මෙහෙ වගේමයි !

කෙසේ වෙතත් රිල්වාන්ගේ ඝාතනය ඉස්ලාම් අන්තවාදීන් පිටින් තබා අවසන් කිරීමේ උත්සහයක් ක්‍රියාත්මක වන බවට එරට මානව හිමිකම් සහ සිවිල් සංවිධාන චෝදනා කරයි. ඝාතනය සිදු කර ඇත්තේ අන්තවාදීන් වුවද, ඒ පිටුපස යමීන්ගේ ආණ්ඩුව සිටි බව පැහැදිලි යැයි ඔවුන් අවධාරණය කර තිබේ. සෝලිගේ ආණ්ඩුව මෙම අපරාධ වලට අදාළ විමර්ශන කඩිනම් කිරීම අගය කළ යුතු වුවද, ඇතැම් දේශපාලන ක්‍රියාකාරිකයන්ට ගැලවීමට ඉඩ ලබාදීම කිසිසේත්ම අනුමත කළ නොහැකි බව ඔවුහු පෙන්වා දෙති. මේ සම්බන්ධයෙන් අදහස් දක්වමින් මාලදිවයිනේ ඝාතන සහ අතුරුදන්වීම් සම්බන්ධයෙන් විමර්ශනය කිරීම සඳහා පත් කළ ජනාධිපති කොමිසමේ සභාපතිවරයා පවසන්නේ අබ්දුල්ලා යමීන්ට එරෙහිව නඩු පැවරීමට මේ සිද්ධියේ කිසිදු සාක්ෂියක් නැති බවයි. රිල්වාන්ගේ ඝාතනය පිළිබඳව අදහස් දක්වමින් යමීන් හිටපු ජනාධිපතිවරයා පවසා තිබුණේ රිල්වාන්ගේ ඝාතනය සම්බන්ධයෙන් තමන් කිසිවක් නොදන්නා බවත්, දේශපාලන පළිගැනීමක් ලෙස එම ඝාතනය තමන් පිට පැටවීමට උත්සහ දරන බවත් ය.

ආරක්ෂක කලාපයක රැකවරණය

සිය නිවස ආසන්නයේදී පැහැර ගැනුණු රිල්වාන්ව මාලදිවයිනේ සංචාරක පාරාදීසයක් වන හුල්හුමාලේ දුපතට ගෙන ගොස් ඇති බවත්, ඉන්පසු බෝට්ටුවකින් මුහුද මැදට ගෙන ගොස් ඝාතනය කර ඇති බවත් විමර්ශන අංශ අනාවරණය කරගෙන තිබේ. සංචාරකයන් බහුලව ගැවසෙන නිසා හුල්හුමලේ දුපත ආශ්‍රිත කලාපය යනු රජයේ ආරක්ෂක අංශ මගින් නිරන්තරව විමර්ශනයට ලක් කරන කලාපයකි. එවැනි තත්වයක් තුළ රිල්වාන් ඝාතනයට ලක්වීමත්, හුල්හුමාලේ ප්‍රදේශයටම ඔහුව ගෙන යෑමත් යමීන්ගේ ආණ්ඩුවට චෝදනාවට සාක්ෂියකි.

විමර්ශන වලට බාධා

මේ අතර මාලදිවයිනේ ඝාතන සහ අතුරුදන්වීම් සම්බන්ධයෙන් විමර්ශනය කිරීම සඳහා පත් කළ ජනාධිපති කොමිසමේ සභාපති හුස්නු සූද් මාධ්‍යයට පවසා තිබුණේ හිටපු ජනාධිපති යමීන්ගේ ආරක්ෂක උපදේශකයන් විසින් රිල්වාන් ඝාතනය පිළිබඳ විමර්ශන වෙනත් දිශාවකට හැරවීමට උත්සහ කර ඇති බවත්, පොලිස් විමර්ශන වලට බාධා කර ඇති බවත් කොමිසමේ විමර්ශකයන් තහවුරු කරගෙන ඇති බවයි.

බාධා කළ ඇමතිට උසස්වීමක්

2014 සැප්තැම්බර් මාසයේදී රිල්වාන්ගේ ඝාතනය සම්බන්ධයෙන් සැකපිට පුද්ගලයන් දෙදෙනෙකු අත්අඩංගුවට ගෙන ඇතත්, ඔවුන් දෙදෙනා සතියක් තුළ නිදහස් වී තිබේ. එවකට සංචාරක කටයුතු පිළිබඳ ඇමති ධුරය දැරූ අහමද් අඩිබ් මේ පුද්ගලයන් දෙදෙනා නිදහස් කර ගැනීමට සෘජුව මැදිහත් වී ඇතැයි ද විමර්ශකයන් අනාවරණය කරගෙන තිබේ. එම සිද්ධියෙන් වසරකට පසුව ඔහු මාලදිවයිනේ උප ජනාධිපතිවරයා ලෙස දිවුරුම් දී ඇත.

රිල්වාන්ගෙන් පසු රෂීඩ් !

රිල්වාන්ගේ අතුරුදන් වීමට එරෙහිව දිගින් දිගටම සටන් කළ බ්ලොග් ක්‍රියාකාරිකයෙකු වූ යමීන් රෂීඩ්වද 2017 වසරේදී ඝාතනය කෙරිණි. රෂීඩ් ද යමීන්ගේ ආණ්ඩුවේ දුෂණ වලට එරෙහිව සටන් කළ අයෙකි. මේ සිදුවීම් දෙකම එකම කණ්ඩායමක් විසින් සිදු කර ඇතැයි තහවුරු වන බව කොමිසමේ සභාපතිවරයා වැඩිදුරටත් මාධ්‍යයට පවසා තිබේ.

සෝලිගේ පොරොන්දුව

යමීන්ට එරෙහිව රාජ්‍ය මුල්‍ය අක්‍රමිකතා යටතේ මේ වන විට නඩු පවරා ඇති අතර, සෝලිගේ මැතිවරණ ප්‍රචාරක ව්‍යාපාරයේ මුලිකම කරුණක් වුයේ යමීන්ගේ දුෂණ සහ අපරාධ වලට එරෙහිව නීතිය ක්‍රියාත්මක කිරීමයි.

ශාලික විමලසේන
colombotrust.com

උද්ධච්ඡ බාබර්ගේ කතාව - උපුල් ශාන්ත සන්නස්ගල

මම පොත් ප්‍රකාශකයින්ගේ සංගමයේ ආරම්භක සාමාජිකයෙක්මි. කොළඹ පොත් ප්‍රදර්ශනය ආරම්භයේ සිට ම එහි සංහිඳ වෙනුවෙන් කුටියක් වෙන් කෙරිණි .

මෙවර මා වෙනුවෙන් හෝ සංහිඳ වෙනුවෙන් පොත් ප්‍රදර්ශන භූමියේ ශාලාවක් ඇතුළත හෝ එළිමහනේ ඉඩක් වෙන් කර දිය නො හැකි බව සංගමය මා කළ විමසුමකට පිළිතුරක් ලෙස අද දන්වා සිටියේ ය. සංහිඳ වෙනුවෙන් කුටියක් වෙන් නො වීමට හේතු ලිඛිත ව දන්වන බව ද කීවේ ය. අද කටින් කීවත් හෙට ලිපියකින් කීවත් අවකාශයක් නැත්නම් එයට එකඟ වෙමින් මේ සටහන ලියා තබමි.

ප්‍රකාශකයින්ගේ සංගමයේ කිසිදු නිලයක් මා මෙතෙක් දරා නැත. එවැනි අනාගත අපේක්ෂා ද මට නො මැත. සංගමයේ භෝජන සංග්‍රහ, මත්පැන් සාද, සම්මාන උත්සව, ඉනික්බිති පැවත්වෙන ඕපාදූප සාද සාමීචි කිසිවකට මා මෙතෙක් සම්බන්ධ වී නැත. සංගමයේ නීතිරීති මාලාවක් වේ නම් එයට එකඟ වූවා මිස සංගමේ කටයුතුවලට හෝ කැත සම්මාන විනිශ්චයන්ට මා සම්බන්ධ වී නැත.

'ලලනායනය' කෘතිය පමණක් මම ස්වර්ණ පුස්තක විනිශ්චය සඳහා ඉදිරිපත් කළෙමි. සංගමය කීවේ පත්තරේ ගිය කතාවක් කියා ය. මේ සා විසල් ප්‍රේමයක් නමින් එහි කොටස් කීපයක් මව්බිම පත්තරේ පළ වූ බව ඇත්ත ය. පත්තරේ මෙන්ම කතාව ද අතරමග නැවතිණ. මේ සා විසල් ප්‍රේමයක් හා ලලනායනය දෙකම කියවූ කිසියම් පාඨකාගාර හිතවතකු ඇත්නම් සසඳා විනිශ්චය කළ හැකි ය. සංගමයේ බොහෝදෙනා පොත් ප්‍රකාශ කළාට පොත් හෝ පත්තර කියවන්නේ නැත.

සංහිඳේ විකල්ප පොත් ප්‍රකාශන සහ ඒවාට එරෙහිව ආ වාරණයන්ට පොත් ප්‍රකාශකයින්ගේ සංගමය කිසිදු අවස්ථාවක සාධනීය ලෙස මැදිහත් වී නැත. අපි බොහෝවිට තනිව සහ මිතුරු කණ්ඩායම් සමග ඒවාට මුහුණ දුනිමු. සංගමයේ බොහෝ ප්‍රකාශකයින් සහ පොත්හල් හිමියන් අනුගමනය කළේ මතභේදයට ලක් වූ විකල්ප කෘති පමණක් නොව සංහිඳේ සියලු ප්‍රකාශන අලෙවියට භාර නො ගැනීමයි. මේ වන විට සංහිඳ පොත් විකිණීම සඳහා භාර ගන්නේ සරසවි ප්‍රකාශන ඇතුළු ආයතන කීපයක් පමණි.

පසුගිය වසර දෙක තුනක සිට මා වෙනුවෙන් නො ව එළිමහනේ දුහුවිල්ලේ සහ දහදියේ පොත් විකුණන අහස, අගහස් වැනි හොඳ පොත් ප්‍රකාශකයින් වෙනුවෙන් පහසු ඉඩක් ලබා නොදෙන්නේ ඇයි දැයි මා විමසුවේ සංහිඳ වෙනුවෙන් වායුසමනය කළ කුටියක් වෙන්ව තිබියදීම ය. මගේ යෝජනාවේ චෝදනාව වූයේ සංගමයේ නිලයකට රිංගාගෙන සිටින පහන් ප්‍රකාශකයන් වෙනුවෙන් බොහෝ ඉඩ පහසුකම් ඇති සිරිමාවෝ බණ්ඩාරනායක ශාලාවේ කුටි දහයක් පමණ වෙන් කරන පදනම කුමක්ද කියා ය. බොහෝ විශිෂ්ට ප්‍රකාශකයන් සමග සසඳන විට පහන් ප්‍රකාශකයින්ගේ ප්‍රකාශන මොනවාදැයි සංගමය ප්‍රශ්න නොකරන්නේ ඇයිදැයි කියා ය.

පහන් ප්‍රකාශන හිමිකරු සමන්ත ඉන්දීවර පොත් ප්‍රකාශකයින්ගේ සංගමයේ වර්තමාන මහ ලේකම්වරයා ය. ඔහු මේ වසරේ සංහිඳ සමග කිසිදු සන්නිවේදන කාර්යයක් සිදුකළේ නැත. මම මේ පිළිබඳව වාචිකවත් ලිඛිතවත් සංගමයෙන් විමසුවෙමි. අද ලැබුණු පිළිතුර වූයේ ප්‍රදර්ශන භූමියේ කිසිදු තැනක සංහිඳ වෙනුවෙන් ස්ථානයක් වෙන් කරදිය නොහැකි බවයි.

වඳුරන්ට දැලි පිහිය ලැබුණු විට නටන සවුදමේ තරම පහන් ප්‍රකාශනයක් නොව පහත් ප්‍රකාශනයකි. හොඳ බාබර්ලා දැලි පිහිය අතේ තිබුණ ද බෙලි නොකපති.

ලබන වසරේ යහපත් නිලධාරි මණ්ඩලයක් සංගමයට ලැබුණහොත් සංහිඳ වෙනුවෙන් නැවතත් කුටියක් වෙන්වෙතැයි සිතමි. එතෙක් රඹුටන් වාරය මගහැර දූරියන් වගා කරමි.

උපුල් ශාන්ත සන්නස්ගල

නොබෙල් තෑග්ග දිනූ ලිංගික වහලිය

නදියා ඉපදුණේත් හැදී වැඩුණේත් කෝචෝ ගම්මානයේය. කෝචෝ, උතුරු ඉරාකයේ සිනිජාර් කදුවැටියේ තිබුණු දුෂ්කර ගම්මානයකි. මේ ගම්මානයේ උන් බහුතරය යසිදි ජාතිකයින්ය.
යසිදි ජාතිකයින්ගේ ආගමික ඇදහීම සාම්ප්‍රදායික සුන්නි මුස්ලිම් ඇදහීම් වලට වඩා වෙනස්ය. එනිසා ඉරාකයේ මුස්ලිම්වරුන්ගෙන් නිතරම යසිදි ජාතිකයින්ට විදින්නට වූයේ අවමන් හා වෙනස්කම්ය. වරින් වර පැමිණි ඉරාක රජයන්ගෙන් යසිදි ජාතිකයින්ට සාම්ප්‍රදායික මුස්ලිම් ආගම වැලදගන්නැයි බලපෑම් කෙරිණ. එහෙත් ඔවුන් තමන්ගේ ආගමට දැඩි සේ ගරු කළහ.
සුන්නි මුස්ලිම් ජාතිකයින්ගේ කෙණෙහිලිත්, දැඩි දුප්පත්කමේ පීඩාවත් මැද ගෙවූ නදියාගේ ගම්මානයේ මිනිසුන් ගෙවූ ජීවිතය සුව පහසු එකක් නොවීය.
ඒ දුෂ්කර ජීවිතයත් තවත් බියකරු අඩියකට ඇද වැටුණේ 2014 වසරේදීය.
ඒ වන විට නදියාගේ වයස අවුරුදු විසි එකකි.
2014 අවුරුද්දේදී අයි එස් ත්‍රස්තයින් විසින් සිනිජාර් කදුවැටිය වටලන ලදී. සුන්නි මුස්ලිම් ආගමික අන්තවාදීන් වූ අයිි එස් ත්‍රස්තයෝ කදුවැටියේ ගම්මාන වල උන් සුන්නි මුස්ලිම් නොවන මිනිසුන්ව ඝාතනය කළහ.
නදියාගේ ගමේ මිනිසුුන්ද ඔවුන්ගේ ග්‍රහණයට හසුවුහ.
“මේ යසිදි මිනිස්සු සුන්නි මුස්ලිම් නෙවෙයි.. ඒ ගොල්ලො අපේ දෙවියන්ව නෙවෙයි අදහන්නෙ.. මිථ්‍යාදෘෂ්ඨිකයෝ..” නදියාගේ ගම්මානයේ උන් සුන්නි මුස්ලිම් අරාබීන් මෙතුවක් කල් තමන් සමග එකට ජීවත් වූ යසිදි අසල්වැසියන්ව අයි එස් ත්‍රස්තයින්ට පාවා දුන්හ.
අයි එස් ත්‍රස්තයින් විසින් අල්ලා ගත් කෝචෝ ගම්මානයේ යසිදින්වද එක් තැනකට ගෙන එන ලදී.
“උඹලා ඔක්කොම දැන් මුස්ලිම් ආගමට හැරෙන්න ඕන..” අයි එස් ත්‍රස්තයෝ යසිදින්ට නියෝග කළහ. ගම්මානයේ මිනිසුන් නිහඩව උන්නා මිස කිසිවක් කීවේ නැත. ඉන්පසුව එළඹුණු මොහොත බිහිසුණු විය. අල්ලාගෙන උන් මිනිසුන්ව ගැහැණු පිරිමි ලෙස කොටස් දෙකකට බෙදන ලදී. නදියාගේ වැඩිමල් සොයුරන් හය දෙනාද පිරිමි ගොඩට යන හැටි නදියා බලා උන්නේ ඊලගට වෙන්නට යන දේ ගැන හාංකවිසියක්වත් නොදැනය.
ඊලගට.. ගැහැණුන් විලාප දෙමින් බලා සිටියදීම, අයි එස් ත්‍රස්තයින් විසින් යසිිදි පිරිිමි සියලු දෙනාම වෙඩි තබා සහ හිස ගසා මරා දමන ලදී. තමන්ගේ අයියලා හය දෙනාම විනාඩි කිහිපයක් ඇතුලත බිහිසුණු අයුරින් තමන්ගේ ඇස් ඉදිරිපිටම මරා දමන හැටිි නදියා බලා උන්නේ බිියෙන්ද ශෝකයෙන්ද ගල්ගැසී ගොසිනි.
ඉන්පසු අයි එස් ත්‍රස්තයෝ යසිදි ගැහැණු කණ්ඩායම දෙසට හැරුණහ.
තවත් බෙදීමක් ආරම්භ විය. කුඩා දැරියන් හා තරුණ යුවතියන් වෙන ගොඩකටය. මැදිවියේ ගැහැණුන් වෙනමය. මහලු ගැහැණුන් තවත් ගොඩකටය..
වයසින් මහලු නොවුණත් ජීවිතය පුරා විදි දුක් කම්කටොලු වලින් මහළු පෙනුමක් ලැබූ නදියාගේ අම්මාට යන්නට සිදුවූයේ “මහලු ගැහැණුන්” ගොඩටය.
ඊලගට.. මහළු ගැහැණුන්ට වෙඩි තබා මරා දැමිණ. මහලු ගැහැණුන් අයි එස් ත්‍රස්තයින්ට කරදරයකි. බරකි. ඔවුන්ගෙන් ගත හැකි වැඩක් නැත. ඉතින් මහළු ගැහැණුන් සියල්ලන්මද වෙඩි තබා මරා දැමිණ.
නදියාට අඩන්නට තරම්වත් පියවි සිහියක් තිබුණේ නැත. ඇගේ මුළු ලෝකයම එකම දිනයක අහිමිව ගොසිනි. අයියලා හය දෙනාත් අම්මාත් එකම දවසක, ඇගේ ඇස් ඉදිරිපිටම මරා දමා තිබිණ. සිදුවෙන්නට මීටත් වඩා නරකක් ඉතිරිව තිබේද..?
ඔව්.. ඔවුන් වෙනුවෙන් ඉතිරිව තිබුණේ ඊටත් වඩා නරක ඉරණමකි. මරණයටත් වඩා නරක ජීවිතයකි.
මැදිවියේ ගැහැණුන් අයි එස් ත්‍රස්තයින්ගේ කදවුරු වල මෙහෙකාර කමටය. තරුණ කාන්තාවන් ට්‍රක් රථ වල පටවා තවත් දෙසකට පිටත් කරනු ලැබිණ.
ඔවුන්ව ගෙන ආවේ වෙලද පොලකටය. එය වහල් වෙලද පොලකි. වහල් වෙලදපොල පැවැත්වෙන්නේ රෑටය.
වහල් වෙලදපොලේ ශාලාවන් වල එක් එක් වයස් කාණ්ඩ වල යසිිදි හා කුර්දි යුවතියන් බිම ඉදගෙන සිටිති. අයි එස් සොල්දාදුවෝ එති.. ඒ බිම ඉදගෙන සිටින යුවතියන් දෙස හොදින් බලා තමන්ට කැැමති යුවතියක් තෝරාගනී.. එහෙම නිකන්ම පෙනුමෙන් පමණක් ඔවුන් යුවතිියක තෝරාගන්නේද නැත. තෝරාගත් යුවතිය නැගිට්ටවා ඇගේ කලවා, පියයුරු, ශරීරය අතගාමින් පරික්ෂා කරයි. ඒ සියලු අවයව ගැන සෑහීමකට පත් වෙන්නේ නම් ඇයව මිලදී ගනියි. ඉන්පසු ඒ යුවතිය මිලදී ගත් තැනැත්තාගේ ලිංගික වහලියයි.
“ඒයි.. ඔය රෝසපාට කබාය ඇදගෙන ඉන්න කෙල්ල.. නැගිටලා වරෙන්..”
නදියා තිගැස්සී හිස එසවූවාය. කවුදෝ තමාවද තෝරාගෙන තිබේ. නදියා හිස ඔසවා හඩ ආ දෙස බැලුවාය. රාක්ෂයෙකු මෙන් බිහිසුණු බැල්මෙන් තමා දෙස බලා සිටින අයි එස් සොල්දාදුවෙකි. අම්මාවත් අයිියලා හය දෙනාවත් මරා දැමූ මිනිසුන් ඇදගෙන උන් කළු නිිල ඇදුමම ඇදගත් තවත් මිනිසෙකිි.
නදියා බියෙන් ලතෝනි දුුන්නාය. තමාව ඇදගෙන යන්නට ඉඩ නොදෙන්නට පොලවේ වකුටු වෙමින් ගුලි ගැසෙමින් ඇඹරෙමින් දැගලුවාය. පලක් වූයේ නැත.
ඒ මිනිසා නදියා වෙනුවෙන් මුදල් ගෙවා තිබිණ.
එතැන් පටන් නදියාගේ ජීවිතය අපායක් විය. උදේ පටන් රෑ වන තුරු නදියාගේ දින චරියාව වූයේ දූෂණයට ලක් වීමය. ඇය දූෂණයට ලක් වූයේ තමාව මිලදීී ගත් මිනිසාගෙන් පමණක් නොවේ. ඔහු ඔහුගේ මිතුරන්ට සන්තෝසම් ලෙස ලබා දුන්නේද ඇයවය.
පාවිච්චි කරන ඉවත දමන “ලිංගික වහලියන්ට”” තවත් මිලක් ඇති බව නදියා දැන ගත්තේ සති කිහිපයකට පසුවය. ඒ් මුල් ගැනුම්කරුවාට ඇයව එපා වී ඇයව දෙවන වර විකුනන්නට යලිත් ලිංගික වෙලද වහල්පොලට ගෙන ගිිය පසුවය.
නදියා පැන යන්නට උත්සාහ කළාය. අවාසනාවකට ඇයව නැවතත් අසු විය. පැන යන්නට උත්සාහ කර හසුවුණු පසු තත්වය තවත් දරුණුය. එසේ පැන යන්නට උත්සාහ කරන්නේ දෙවියන්ගේ කැමැත්තට විරුද්ධ වන අයයි. ඒ නිසා ඔවුන්ට දෙන දඩුවම සැරය. ඔවුන්ට දෙන දඩුවම එවෙලේ ඒ භූමියේ සිටින සියලුම පිරිමින්ගෙන් දූෂණයට ලක් වෙන්නට සිදු වීමය. ඒ දඩුවමට නමක්ද ඇත. ඒ “ලිංගික ජිහාඩය”යි.
මාස තුනක් තිස්සේ ලිංගික වහලියක් ලෙසින් ගෙවූ ජීවිතය තුළ නදියා දෙතුන් වතාවක්ම මේ දඩුවමද අත්වින්දාය. එහෙත් ඇය පැන යාමේ උත්සාහය අත් ඇරිියේද නැත. වතාවක් එය සාර්ථක විය. අයි එස් වහල් කදවුරෙන් පැනගත් ඇයට මුස්ලිම් පවුලකින් රැකවරණ ලැබිණ. ඒ මුස්ලිම් පවුලේ අය ඇයට පැනගන්නට උදව් කළහ. ඇයට ඉරාක කුර්දිස්ථානයට පැන ගන්නට හැකි විය. ඇය එහි වූ යසිදි සරණාගත කදවුරකට යවනු ලැබිණ.
එහිදී ඇය බොහෝ දේ දුටුවාය. අයි එස් ත්‍රස්තයින්ගේ හිංසන වලට ලක් වන කතෝලිකයින් ගැන කතා කරන්නට සංවිධාන ගොඩකි. රටවල් ගොඩකි. අයි එස් ත්‍රස්ත පීඩාවට ලක් වෙන කුර්දින් වෙනුවෙන් පෙනී සිටින්නට පෙශ්මර්ගා හමුදාවකි. මුස්ලිමුුන් වෙනුවෙන්ද බොහෝ අය සිටිති. එහෙත් යසිදින් වෙනුවෙන් කවුරුවත්ම නැත.
ඇය තමන්ගේ ජාතිය වෙනුවෙන් තනිව හෝ පෙනී සිටින්නට තීරණය කළාය. ජර්මනියට යන්නට මග පාදාගත් ඇය තවමත් අයි එස් ග්‍රහණයේ සිටින යසිදි ගැහැණුන් ගැන කතා කරන්නට පටන් ගත්තාය. ජාතියක් වශයෙන් යසිදින්ට සිදුවන ගැහැට ගැන කතා කරමින් ඉරාකයේ සුළු ජාතිකයින්ට වෙනමම කලාපයක් නම් කරන්නැයි ඉල්ලමින් එක්සත් ජාතීන්ට බල කළාය.
අයි එස් ග්‍රහණයේ සිටින ගැහැණුන් ගැන ඇය ගෙන යන සටනත්, යසිදි ජාතිකයිින් වෙනුවෙන් ඈ කරන අරගලයත් වෙනුවෙන් 2016 වසරේදී යුරෝපා කවුන්සිලයෙන් ඇයට Vaclav Havel මානව හිමිකම් සම්මානය ප්‍රදානය කරන ලදී. ඒ වසරේම ඇයට යුරෝපියානු පාර්ලිමේන්තුවෙන් Sakharov Prize for Freedom සම්මානයද පිරිනැමිණ.
යසිදි ජාතිකයින් වෙනුුවෙන් නොනවතින අරගලයක් කරන නදියා මිනිස් ජාවාරම් වලට එරෙහිව නගන හඩ නිසා ඇය මානව ජාවාරම් වලට එරෙහි එක්සත් ජාතින්ගේ ප්‍රථම තානාපතිවරිය බවට පත් වූවාය.
මේ සියල්ල අතරතුර තමාගේ අවාසනාවේ කතාව ඇැය පොතකට නැගුවාය.
“The last Girl – My Story of Captivity and My Fight Against the Islamic State ඇය විසින් ලියූ ඒ ග්‍රන්ථයයි.
2018 වසරේ නදියාගේ ඒ පොත “නොබෙල් සාම ත්‍යාගය” දිනාගත් පොත විය. ප්‍රාථමික පන්ති වලට පමනක් පාසැල් ගිය සිනිජාර් කදුවැටියේ දුප්පත් යසිදි කෙල්ල “නදියා මුරාද්.” නොබෙල් තෑග්ග දිනූ ඉරාකයේ පළමු පුරවැසියා බවට පත් වූවාය.

නිම්මි මුදිතා හේරත් 
සති අග අරුණ පුවත්පත.

මාධ්‍ය නිදහස සහ ශ්‍රී ලංකාවේ කැලෑ නීතිය – සුනන්ද දේශප්‍රිය

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

කබ්රාල්-නැඟණිය ඇලෝසියස් රඟපෑ තහනමට ලක් වූ ජේම්ස් බොන්ඩ් 1 - උපුල් ජෝශප් ප්‍රනාන්දු

ගෙදර මිදුල නොව මේ සුද්ද කරන්නේ මහා රක්‍ෂිතයකි (කැලෑ පාළුවා යන්නට සමාන වචනයක්‌ වේ නම් ඒ දේශපාලුවාය)

මාධ්‍යවේදී නිමලරාජන් ඝාතනය කර වසර 15යි. ඝාතකයින් තවමත් සුවසේ නිදැල්ලේ?

අන්තර්ජාලයෙන් සිහින ලෝකයට පිවිසෙන ලාංකික නිරුවත් ම්ලේච්ඡයෝ -- W3Lanka

ඉන්දියාවේ හිටපු ජනාධිපති ආචාර්ය අබ්දුල් කලාම් ලංකාවේදී කියු කතාව ...... දේශපාලනඥයින්ට හොඳ ආදර්ශයක්..